ﺭﻭﺍﻳﻪ
# ﺩﻗﺎﺕ _ ﻗﻠﺐ
# ﺍﻟﺤﻠﻘﻪ _ ﺍﻻﻭﻟﻪ
( ﻭﻋﻠﻤﺖ ﻳﺎ ﻗﻠﺒﻲ ﺍﻥ ﺍﻻﻳﺎﻡ ﺳﺘﺎﺗﻲ ﺑﺸﻲ ﻳﺜﻠﺞ ﺻﺪﺭﻱ ﻓﺮﺣﺎ ﺑﻜﻞ ﻓﺮﺡ ﻣﻦ ﺍﻟﻬﻮﻱ )
ﺍﻟﺸﺨﺼﻴﺎﺕ
ﺭﻧﻴﻢ : ﺑﻨﺖ ﻣﻦ ﻋﻴﻠﻪ ﻋﺎﺩﻳﻪ ﻋﻤﺮﻫﺎ 24 ﺳﻨﻪ ﺗﻘﺮﺍ ﺍﺣﻴﺎﺀ ﺩﻗﻴﻘﻪ . ﺑﻨﺖ ﻓﻴﻬﺎ ﺟﻮ ﻣﺶ ﻋﺎﺩﻱ
ﻭﺭﻭﺣﻬﺎ ﺣﻠﻮﻩ ﻭﻧﺰﻳﻜﻪ ﻭﺷﻴﻄﺎﻧﻪ ﺷﻄﺎﻧﺘﻬﺎ ﺣﻠﻮﻩ ﻭﺗﺤﺐ ﺍﺩﻳﺮ ﺍﺟﻮﺍﺀ ﺣﻠﻮﻩ ﺍﻟﺒﻨﺖ ﺍﻟﺸﺒﺎﺏ ﻳﻨﻌﺠﺒﻮ ﺑﻴﻬﺎ ﻛﺎ ﺷﻜﻞ ﻭﺷﺨﺼﻴﻪ ﻳﻌﻨﻲ ﺍﻟﺒﻨﺖ ﻓﻲ ﻗﻤﻪ ﺍﻻﻧﺎﺍﺗﻬﺒﻞ ﻭﺳﻤﺤﻪ ﺑﻜﻞ ﻟﺪﺭﺟﻪ ﺍﻧﻬﺎ ﻣﻔﺘﺎ ﻟﻲ ﺍﻟﻨﻀﺮ ﺍﻱ ﻣﻜﺎﻥ ﺗﻤﺸﻴﻠﻪ ﺍﻟﻌﻴﻮﻥ ﺗﻜﻮﻥ ﻋﻠﻴﻬﺎ ﺑﺲ ﻫﻴﺎ ﻣﺶ ﻣﻌﺪﻟﻪ ﺑﺴﺐ ﺍﻧﻬﺎ ﺗﺤﺐ ﻭﻟﺪ ﺟﻴﺮﺍﻧﻬﻢ ﻭﻣﻜﺒﺪﻩ ﻓﻴﻪ ﻣﻦ ﺯﻣﺎﻥ ﺗﻘﺮﺍ ﺍﺣﻴﺎﺀ ﺩﻗﻴﻘﻪ
~~~
ﻋﻴﻠﻪ ﺭﻧﻴﻢ
( ﺑﺎﺕ ﺭﻧﻴﻢ ﻳﺸﺘﻐﻞ ﻣﺤﺎﻣﻲ ﻛﺒﻴﺮ ﻭﻣﻌﺮﻭﻑ = ﺍﻣﻬﺎ ﺣﻨﺎﻥ ﺭﺑﻪ ﺑﻴﺖ )
ﺍﻟﺨﻮﺕ ( ﺧﻠﻮﺩ ﻣﺘﺠﻮﺯﻩ ﻣﻮﺍﻟﻴﺪ =91 ﺧﺎﻟﺪ ﻋﻤﺮﻩ 32 ﻣﺘﺠﻮﺯ ﻭﻋﻨﺪﺍ ﺑﻨﻴﻪ ﻭﻭﻟﻴﺪﻳﻦ = ﺻﻬﻴﺐ ﻳﻘﺮﺍ ﻃﺐ ﺑﺸﺮﻱ ﻋﻤﺮﻩ 29 )
ﺑﻨﺴﺒﻪ ﻟﻲ ﺧﺎﻟﺪ ﻭﺻﻬﻴﺐ ﻛﻞ ﺣﺪ ﻭﺷﺎﻳﻞ ﻣﺴﺎﻭﻟﻴﺎﺕ ﺷﻜﻞ ﺧﺎﻟﺪ ﺷﺎﻗﻲ ﺑﻲ ﺣﻴﺎﺗﻪ ﻭﺯﻭﺟﺘﻪ ﻭﻋﻮﻳﻠﺘﻪ ﻭﻣﻬﺘﻢ ﺑﻌﻴﻠﺘﻪ ﻭﻛﻞ ﺷﻲ ﺗﺒﻴﻪ ﺭﻧﻴﻢ ﻳﺤﻀﺮ ﻳﺤﺒﻬﺎ ﺑﻜﻞ ﻭﻳﺤﺐ ﻃﺒﻌﻬﺎ ﻭﻟﻮ ﺍﻧﺤﻄﺖ ﻣﻌﺎ ﻣﻴﻪ ﺭﺍﺟﻞ ﻣﺴﺘﺤﻴﻞ ﺍﺩﻳﺮ ﺍﻟﻐﻠﻂ
ﺍﻣﺎ ﺻﻬﻴﺐ ﻓﺎ ﺣﺠﺎ ﺗﻬﺒﻞ ﺑﻜﻞ ﺭﻧﻴﻢ ﺗﻌﺘﺒﺮ ﻓﻴﻪ ﺧﻴﻬﺎ ﻭﺻﺪﻳﻘﻬﺎ ﻋﻼﻗﺘﻬﻢ ﻗﻮﻳﻪ ﻭﻣﺎ ﻳﺪﺳﻮﺵ ﺷﻲ ﻋﻠﻲ ﺑﻌﻀﻬﻢ ﺍﺻﺪﻗﺎﺀ ﺍﻛﺜﺮ ﻣﻦ ﺍﻧﻬﻢ ﺧﻮﺕ ﻭﺩﻳﻤﺎ ﻳﺨﻄﻄﻮ ﻓﻲ ﻣﻘﺎﻟﺐ ﺯﻣﺎﻥ ﻣﻌﺎ ﺑﻌﻀﻬﻢ
ﻭﻫﻤﺎ ﺍﻻﺛﻨﻴﻦ ﻳﺤﺒﻮﻫﺎ ﺑﻜﻞ ﺣﺘﺎ ﺍﺧﺘﻬﺎﺍﻟﻤﺠﻮﺯﻩ ﻣﺮﻩ ﻣﺮﻩ ﺗﻐﺎﺭ ﻟﻜﻦ ﻳﺮﺿﻮ ﻓﻴﻬﺎ ﺣﺘﺎ ﻫﻴﺎ
~~~~
ﺍﻟﺸﺨﺼﻴﻪ ﺍﻟﺜﺎﻧﻴﻪ
ﻋﻤﺎﺩ : ﺷﺎﺏ ﻋﻤﺮﻩ 26 ﺳﻨﻪ ﻭﻳﺴﻜﻦ ﻣﻘﺎﺑﻞ ﺣﻮﺵ ﺭﻧﻴﻢ
ﺷﺨﺼﻴﻪ ﻋﻤﺎﺩ ﻭﻃﺒﻌﻪ ﺻﻌﺒﻪ ﺍﺷﻮﻳﻪ ﻣﺶ ﻭﺍﺿﺢ ﻣﺶ ﻣﻔﻬﻮﻡ ﻣﻴﻌﺮﻓﺶ ﻳﻌﺒﺮﻋﻦ ﻣﺸﺎﻋﺮﻩ ﺍﻭ ﺍﻥ ﻳﺤﻜﻲ ﺑﻮﺿﻮﺡ ﻓﻲ ﺍﻱ ﺷﻲ ﺍﻳﺤﺐ ﺑﻨﺖ ﺍﻟﺠﻴﺮﺍﻥ ﻣﻦ ﺯﻣﺎﻥ ﺍﻟﻲ ﻫﻴﺎ ﺭﻧﻴﻢ ﺑﺲ ﻣﺶ ﻗﺎﺩﺭ ﻳﻌﺘﺮﻑ ﺑﺤﺒﻪ ﻟﻬﺎ ﺍﻭ ﻳﺪﻳﺮﺷﻲ ﻭﻏﻴﺮ ﻫﻜﻲ ﻓﻲ ﻧﻮﻉ ﻣﻦ ﺍﻟﺤﺴﺲ ﺑﻴﻨﺎ ﻭﺑﻴﻦ ﺧﻮﻫﺎ ﺧﺎﻟﺪ ﻭﺍﻟﺴﺒﺐ ﻣﺶ ﻣﻌﺮﻭﻑ
( ﻋﻤﺎﺩ ﻋﻨﺪﻩ ﺛﻼﺙ ﺧﻮﺍﺕ ﻭﺣﺪﻩ ﻣﺘﺠﻮﺯﻩ ﻭﺍﺛﻨﻴﻦ ﻳﻘﺮﺍﻥ ﻓﻲ ﺍﻟﺠﺎﻣﻌﻪ ﻭﺍﻣﻪ ﻣﺮﻳﻀﻪ ﻋﻨﺪﻫﺎ ﺍﻟﻘﻠﺐ ﻭﺍﻟﻮﺍﻟﺪ ﻣﻴﺖ ﻭﻫﻮﺍ ﺍﻟﻲ ﻳﺼﺮﻑ ﻋﻠﻲ ﺧﻮﺍﺗﻪ ﺑﺤﻜﻢ ﺍﻥ ﻫﻮﺍ ﺭﺍﺟﻞ ﺍﻟﺤﻮﺵ )
~~~~
ﺍﻟﺸﺨﺼﻴﻪ ﺍﻟﺜﺎﻟﺜﻪ
ﻫﻴﺜﻢ : ﻋﻤﺮﻩ 30 ﺳﻨﻪ ﻳﺸﺘﻐﻞ ﺩﻛﺘﻮﺭ ﺟﺮﺍﺡ ﻛﺒﻴﺮ ﻭﻣﻌﺮﻭﻑ ﻓﻲ ﺑﻨﻐﺎﺯﻱ ﻭﺣﺎﻟﺘﻪ ﺍﻟﻤﺎﺩﻳﻪ ﻛﻮﻳﺴﻪ ﻛﻞ ﺣﻴﺎﺗﻪ ﺷﻐﻠﻪ ﻭﻫﻠﻪ ﻭﺑﺲ ﻋﻨﺪﻩ ﻋﻘﺪﻩ ﻣﻦ ﺣﺠﺎ ﺍﺳﻤﻬﺎ ﺣﺐ ﺑﺴﺒﺐ ﺗﺠﺮﺑﻪ ﺳﺎﺑﻘﻪ ﻣﻌﺎ ﺑﻨﺖ ﺧﺎﻟﺘﻪ
ﻫﻴﺜﻢ ﺷﺨﺺ ﻓﻲ ﻗﻤﻪ ﺍﻟﺮﺟﻮﻟﻪ ﻭﺷﻬﺎﻣﻪ ﺍﺣﻼ ﺷﻲ ﻋﻴﻮﻧﻪ ﺍﻟﻜﺒﺎﺭ ﺍﻟﻤﺮﺳﻮﻣﺎﺕ ﻭﺍﻟﻐﻤﺎﺯﺍﺕ ﻭﻟﺤﻴﻪ ﺍﻟﻤﺮﺳﻮﻣﻪ ﻣﻼﻣﺤﻪ ﺣﺎﺩﻩ ﺍﺷﻮﻱ ﺍﻧﺴﺎﻥ ﻓﻲ ﻗﻤﻪ ﺍﻻﻧﺎﻗﻪ ﻭﻣﻬﺘﻢ ﺑﻲ ﺍﻟﻘﻴﺎﻓﻪ ﺍﻟﺨﺎﺻﻪ ﺑﻴﻪ
~~~~
ﻫﻀﻴﻤﺎ ﺍﻻﺑﻄﺎﻝ ﺍﻻﺳﺎﺳﻴﻴﻦ ﺍﻣﺎ ﺑﺎﻗﻲ ﺍﻟﺨﺼﻴﺎﺕ ﺣﺎ ﻧﺘﻌﺮﻓﻮ ﻋﻠﻴﻬﻢ ﻣﻌﺎ ﺍﻟﺤﺎﻗﺎﺕ ﺍﻟﺠﺎﻳﻪ
~~~~
ﻋﻨﺪ ﺭﻧﻴﻢ
ﻓﻲ ﻳﻮﻡ ﺍﻟﺠﻤﻌﻪ ﻛﺎﻧﻮ ﻛﻞ ﺍﻟﻌﻴﻠﻪ ﻣﻠﺘﻤﻴﻦ ﻓﻲ ﺍﻟﺤﻮﺵ
ﻃﺒﻌﺎﻥ ﻫﻮﺍ ﺣﻮﺵ ﻛﺒﻴﺮ 5 ﻏﺮﻕ ﻭﺳﻂ ﺣﻮﺵ ﻛﺒﻴﺮ ﺣﻮﺷﻬﻢ ﻋﻠﻲ ﺩﻭﺭﻳﻦ ﻭﻋﻨﺪﻫﻢ ﺍﺟﻨﺎﻥ ﻓﻴﻪ ﺯﺭﻉ ﻭﺍﻟﺤﻮﺵ ﻳﻬﺒﻞ ﻭﻣﻠﻴﻜﺘﻪ ﺧﻔﻴﻔﻪ
ﺍﻟﻌﻴﻠﻪ ﻛﻠﻬﺎ ﺍﺟﺘﻤﻌﺖ ﻓﻲ ﺍﻟﺼﺎﻟﻪ ﻭﻛﺎﻧﻮ ﻳﺴﺘﻨﻮ ﻓﻲ ﺟﺪﺗﻬﻢ ﺍﻡ ﺑﺎﺗﻬﻢ ﺍﺳﻤﻬﺎ ﺍﻟﺤﺎﺟﻪ ﻋﺰﻳﺰﻩ ﻫﺬﻱ ﻧﻮﺍﺭﻩ ﺍﻟﻌﻴﻠﻪ ﻭﺍﻟﻜﻞ ﻳﺤﺒﻬﺎ ﻭﺍﻋﺮﻩ ﻟﻜﻦ ﻓﻲ ﺍﻟﺤﻖ ﻭﻓﻴﻬﺎ ﺟﻮ ﻃﻮﻝ ﻣﺎ ﺍﻧﺖ ﻣﻌﺎﻫﺎ ﻭﺍﻧﺖ ﺗﻀﺤﻚ ﻭﻫﻴﺎ ﻣﺪﺍﻳﺮﻫﺎﺳﺒﻮﻉ ﻋﻨﺪ ﻫﻞ ﺭﻧﻴﻢ ﻭﺍﺳﺒﻮﻉ ﻋﻨﺪ ﻭﻟﺪﻫﻢ ﺍﻻﺧﺮ ﻛﻞ ﻣﺮﻩ ﻋﻨﺪ ﻭﺍﺣﺪ ﻣﻨﻬﻢ ﻭﻣﺤﺪ ﻳﻘﺪﺭ ﻳﺮﻓﻀﻠﻬﺎ ﻃﻠﺐ ﻭﺑﻌﺪ ﺳﺎﻋﻪ ﻭﺻﻠﺖ ﺟﺪﺗﻬﻢ ﻭﺑﻌﺪ ﺍﻟﺴﻼﻡ ﻭﺍﻟﺘﺮﺣﻴﺐ
ﻗﻤﻌﺰﻭ ﻳﻬﺪﺭﺯﻭ ﻭﻳﻀﺤﻜﻮ ﻭﻫﻨﺎ ﺟﺪﺗﻬﻢ ﻗﺎﻟﺖ //
ﺍﻟﺠﺪﻩ ﻋﺰﻳﺰﻩ : ﻣﻌﺘﺼﻢ ﻫﻀﺎ ﻣﻌﺶ ﺗﺨﻠﻮﻩ ﻳﺠﻴﺒﻨﻲ ﻟﻤﺎ ﻧﺠﻲ ﻫﻨﺎ
ﺭﻧﻴﻢ : ﻫﻬﻬﻪ ﻋﻠﻴﺶ ﻳﺎ ﺟﺪﻳﺪﻩ
ﺍﻟﺠﺪﻩ ﻋﺰﻳﺰﻩ : ﻳﺠﺮﻱ ﻓﻲ ﺟﺮﻱ ﺍﺳﻮﺩ ﺍﻟﻤﻨﺠﻮﻩ ﻭﻣﻮﻟﻌﻠﻲ ﺍﻏﺎﻧﻲ ﺍﻟﻜﺎﻓﺮﺍﺕ ﺍﻟﻲ ﻻ ﻳﺼﻠﻦ ﻻ ﻳﺰﻛﻦ ﻭﻣﻨﺴﺠﻢ ﻭﻧﺎ ﻭﺫﻧﻲ ﻣﻌﺶ ﺳﻤﻌﺖ ﺑﻴﻬﺎ ﻛﻼ ﻣﻦ ﺍﻟﻤﻨﺠﻮﻩ
ﻛﻠﻬﻢ : ﻫﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻪ
ﺧﺎﻟﺪ : ﺷﻦ ﻛﻨﺖ ﺣﺎﻁ ﺍﻧﺘﺎ
ﺻﻬﻴﺐ : ﻛﻨﺖ ﺣﺎﻁ ﺍﻟﻴﺴﺎ ﺍﻏﻨﻴﻪ ﺣﺐ ﻛﻞ ﺣﻴﺎﺗﻲ
ﺭﻧﻴﻢ : ﻫﻬﻬﻬﻬﻪ ﻭﻭﻭ ﺑﻄﻨﻲ ﺧﻼﺹ ﻫﻬﻬﻪ ﻋﻄﻚ ﺣﺒﻪ ﻗﻮﻳﻪ ﻛﻼ ﺍﻧﺘﻲ ﻳﺎﺯﻭﺯﻭ ﺧﻄﻴﺮﻩ
ﻭﻣﺸﺎ ﺍﻟﺠﻮ ﺣﻠﻮ ﻭﺣﻄﻮ ﺍﻟﻐﺪﺍﺀ ﻭﺗﻐﺪﻭ ﻣﻌﺎ ﺑﻌﻀﻬﻢ
~~~~
~ ﻋﻨﺪ ﻋﻤﺎﺩ ~
ﻋﻤﺎﺩ ﻧﺎﺽ ﺍﻟﺼﺒﺢ ﻋﺸﺎﻥ ﻋﻨﺪﻩ ﻣﺸﻮﺍﺭ ﺻﺒﺎ ﺑﺤﺖ ﻗﺪﺍﻡ ﺣﻮﺵ ﺟﻴﺮﺍﻧﻬﻢ ﺳﺮﺡ ﻓﺘﺮﻩ ﻓﻲ ﺗﻔﻜﻴﺮﻩ ﻭﻋﻴﻨﻪ ﻛﺎﻧﺖ ﻋﻠﻲ ﺭﻭﺷﻦ ﺭﻧﻴﻢ ﻭﺑﻌﺪﻫﺎ ﻓﻄﻦ ﻟﺮﻭﺣﻪ ﻭﻃﻠﻊ ﺑﺴﻴﺎﺭﺗﻪ ﻋﺸﺎﻥ ﻳﻌﺪﻱ ﻳﻜﺴﺪﻣﻌﺎﺍﺻﺤﺎﺑﻪ ﺑﺲ ﻋﺸﺎﻥ ﻳﻜﺴﺪ ﻣﻌﺎﻫﻢ ﺑﺲ ﻋﺎﺩ ﻻﻥ ﻛﺎﻳﻦ ﻛﺘﻮﻡ ﻭﻣﺶ ﻣﻔﻬﻮﻡ ﻭﻛﺎﻳﻦ ﺍﻳﺪﺱ ﻭﻣﺶ ﻣﻮﺿﺢ ﻫﻮﺍ ﺷﻦ ﺑﻀﺒﻂ ﺍﻓﻌﺎﺑﻪ ﻭﺭﺩﻭﺩ ﻓﻴﻬﻦ ﺍﻏﻠﺐ ﺍﻟﻮﻗﺖ ﻳﺘﺤﻜﻢ ﻓﻴﻬﻦ ﻭﻋﻨﺪﻩ ﺑﺮﻭﺩ ﻓﻲ ﺍﻟﺘﻌﺒﻴﺮ ﻋﻦ ﺍﻟﻤﺸﺎﻋﺮ ﻣﺸﺎﻋﺮ ﺍﻟﻔﺮﺡ ﻭﺍﻟﺤﺰﻥ ﻛﺎ ﻛﻞ ﻋﻠﻲ ﻛﻞ ﺍﻟﻲ ﺣﻮﺍﻟﻴﻪ ﻭﻛﺎﻧﺖ ﻣﺸﺒﺘﻪ ﺣﺒﻪ ﺍﻟﻲ ﻣﻜﺎﻧﺶ ﻋﺎﺭﻑ ﻛﻴﻒ ﺍﻳﻌﺒﺮﻋﻠﻴﻪ ﺍﻟﺤﺐ ﺍﻟﻲ ﻛﺎﻳﻦ ﻛﻠﻪ ﻟﻲ ﺭﻧﻴﻢ ﺑﻨﺖ ﺍﻟﺠﻴﺮﺍﻥ ﺍﻟﻲ ﺳﺤﺮﺕ ﻋﻘﻠﻪ ﻣﻦ ﺯﻣﺎﻥ ﺑﺲ ﺑﻌﺾ ﺍﻟﻤﺸﺎﻛﻞ ﺑﻴﻨﻪ ﻭﺑﻴﻦ ﺻﻬﻴﺐ ﻭﻃﺒﻌﻪ ﺍﻟﺼﻌﺐ ﻛﺎﻧﻮ ﻣﻦ ﺍﻫﻢ ﺍﻻﺳﺒﺎﺏ ﻓﻲ ﺧﺴﺎﺭﻩ ﻫﺎ ﺍﻟﺤﺐ
~~~
ﻋﻤﺎ ﻭﺻﻞ ﻟﻠﻲ ﻟﻘﺎ ﺍﻟﺸﺒﺎﺏ ﻭﻗﻤﻌﺰ
ﺑﺲ ﺳﺎﻛﺖ ﻟﺤﺪ ﺗﻠﻔﻮﻧﻪ ﺭﻥ ﻭﻟﻘﺎﻩ ﺭﻗﻢ ﻏﺮﻳﺐ ﻭﻓﺘﺢ
ﻋﻤﺎﺩ : ﺍﻟﻮ ﻣﻦ ﻣﻌﺎﻳﺎ
ﺍﻟﻤﺘﺼﻞ : ﻣﻔﺶ ﺭﺩ
ﻋﻤﺎﺩ : ﺍﻧﺘﻲ ﺭﻧﻴﻢ
ﻫﻨﺎ ﺍﻟﻤﺘﺼﻞ ﺳﻜﺮ ﺍﻟﺨﻂ ﻭﻋﻤﺎﺩ ﻣﻌﺶ ﻋﺮﻑ ﻫﻴﺎ ﺍﻟﻲ ﺭﺍﻧﻪ ﻭﻻ ﻻ ﺍﻭ ﻫﻮﺍ ﺗﺨﻴﻞ ﺍﻥ ﻫﻴﺎ ﺍﻟﻲ ﺭﻧﺖ ﻭﺿﺎﻳﻖ ﺻﺪﺭﻩ ﻭﺭﻭﺡ ﻟﻠﺤﻮﺵ ﺗﻐﺪﺍ ﻭﺭﻗﺪ
~~~
~ ﻋﻨﺪ ﻫﻴﺜﻢ ~
ﻧﺎﺽ ﺻﻠﻲ ﺍﻟﺼﺒﺢ ﻭﺩﺍﺭ ﺣﻤﺎﻡ ﻭﻃﻠﻊ ﺻﺒﺢ ﻋﻠﻲ ﺍﻣﻪ ﻭﺑﺎﺗﻪ ﻭﺍﺧﺘﻪ ﻭﻟﻘﺎ ﺩﺑﺶ ﺍﻟﻌﺮﺑﻲ ﻭﺍﺗﻲ ﺗﺮﻭﺵ ﻭﻟﺒﺲ ﻋﺸﺎﻥ ﻳﻨﺰﻝ ﻳﻘﻤﻌﺰ ﻓﻲ ﺍﻟﻤﺮﺑﻮﻋﻪ ﺑﻴﺶ ﻳﺴﺘﻨﺎ ﻣﻌﺎ ﺑﺎﻗﻲ ﺍﻟﺮﺟﺎﻟﻪ ﺟﺪﻫﻢ ﻛﺒﻴﺮ ﺍﻋﻴﻠﻪ ﻭﻳﻤﺸﻮ ﻛﻠﻬﻢ ﻳﺼﻠﻮ ﺍﻟﺠﻤﻌﻪ
ﻭﻛﺎﻳﻦ ﻣﻨﻀﺮﺍ ﺑﻲ ﺍﻟﻌﺮﺑﻲ ﻳﻬﺒﻞ ﻭﺍﻟﻌﻄﺮ ﺍﻟﻲ ﺑﺎﺥ ﻣﻨﺎ ﺧﻴﺎﻝ
~~~
ﺗﻌﺎﻟﻮ ﻧﺘﻌﺮﻓﻮ ﻋﻠﻲ ﻋﻴﻠﻪ ﻫﻴﺜﻢ
ﻫﻴﺜﻢ ﻋﺎﻳﺶ ﻣﻌﺎ ( ﺍﻣﻪ ﺳﺎﻟﻤﻪ ﻭﺑﺎﺗﻪ ﻋﺒﺪ ﺍﻟﺮﺣﻤﺎﻥ )
( ﻋﻨﺪﻩ ﺍﺧﺘﻴﻦ ﻣﺠﻮﺯﺍﺕ ﻭﺍﺧﺖ ﻭﺣﺪﻩ ﻣﺨﻄﻮﺑﻪ ﻟﻲ ﺻﺎﺣﺒﻪ )
ﻭﺧﻮﺍﻟﻪ ﺟﻮﻫﻢ ﻣﺶ ﻋﺎﺩﻱ ﻣﺮﻩ ﻣﺮﻩ ﻳﻘﻌﺪ ﻋﻨﺪﻫﻢ ﻳﻜﺴﺪ ﻛﻠﻬﻢ ﻋﺎﻳﺸﻴﻦ ﻣﻌﺎ ﺑﻌﻀﻬﻢ ﻭﺟﺪﻫﻢ ﻋﺎﻳﺶ ﺟﻤﺒﻬﻢ ﻓﻲ ﻓﻴﻼ ﺑﺮﻭﺣﻪ ﺍﻟﻌﻴﻠﻪ ﻛﻠﻬﺎ ﺗﻠﺘﻢ ﻋﻨﺪﻩ ﻏﺎﺩﻱ ﺧﺎﺻﻪ ﻳﻮﻡ ﺍﻟﺠﻤﻌﻪ ﺿﺮﻭﺭﻱ ﻳﻠﺘﻤﻮ ﺭﺟﺎﻟﻪ ﻭﺻﺒﺎﻳﻪ ﻫﻀﺎ ﻧﻀﺎﻣﻬﻢ ﻋﻨﺪﻩ
ﻋﻤﻪ ﺍﻟﺼﻐﻴﺮ ﺑﺎﻧﻲ ﻓﻮﻕ ﺟﺪﻩ ﻭﻋﻤﻪ ﺍﻟﻜﺒﻴﺮ ﺟﺒﻨﻬﻢ ﻭﺑﻌﺪﻩ ﺣﻮﺵ ﻫﻞ ﻫﻴﺜﻢ ﻭﺍﻟﺸﺒﺎﺏ ﻳﺒﻨﻮ
ﻭﺭﺍﻫﻢ
~~~
ﻋﻨﺪ ﻫﻴﺜﻢ
ﻫﻴﺜﻢ ﻣﻘﻤﻌﺰ ﻋﻠﻲ ﺍﻻﺑﺘﻮﺏ ﻋﻠﻲ ﺍﻟﻔﻴﺲ ﺑﻌﺪ ﺍﻟﻐﺪﺍﺀ ﺧﺸﺖ ﻭﺣﺪﻩ ﻟﻪ ﻋﻠﻲ ﺍﻟﺨﺎﺹ ﻭﺗﺴﺎﻝ ﻓﻴﻪ
ﺍﻟﺒﻨﺖ : ﺍﻟﺴﻼﻡ ﻋﻠﻴﻜﻢ
ﻫﻴﺜﻢ : ﻭﻋﻠﻴﻜﻢ ﺍﻟﺴﻼﻡ
ﺍﻟﺒﻨﺖ : ﻣﻤﻜﻦ ﻧﺴﺎﻝ ﺳﻮﺍﻝ
ﻫﻴﺜﻢ : ﺗﻔﻀﻠﻲ ﺍﺳﺎﻟﻲ
ﺍﻟﺒﻨﺖ : ﺍﻧﺎ ﺩﻳﻤﺎ ﻧﺸﻮﻑ ﻓﻴﻚ ﺗﻨﺰﻝ ﻋﻠﻲ ﺻﻔﺤﺘﻜﻢ ﻓﻲ ﺍﻟﻌﻴﺎﺩﻩ ﻭﺍﻣﻜﺎﻧﻴﺎﺗﻜﻢ ﺍﻟﻄﺒﻴﻪ ﻭﺍﻧﺎ ﻋﻨﺪﻱ ﻣﺸﻜﻠﻪ ﻟﻮ ﺗﻘﺪﺭ ﺗﻌﻄﻴﻨﻲ ﻣﻮﻋﺪ ﻧﺠﻴﻚ ﻓﻴﻪ ﺑﻴﺶ ﻧﻔﻬﻤﻚ ﻋﻠﻴﻬﺎ ﺍﺫﺍ ﺍﻣﻜﻦ ﻳﻌﻨﻲ
ﻫﻴﺜﻢ : ﺍﻫﺎ ﺑﺎﻫﻲ ﻣﻌﻠﺶ ﺗﻮﺍ ﻣﻀﻐﻮﻁ ﺍﻟﺸﻬﺮﻫﻀﺎ ﻭﺿﺮﻭﻑ ﻭﻣﻨﺎﺧﺬﺵ ﺍﻻ ﻓﻲ ﻋﻤﻠﻴﺎﺕ ﻣﺤﺠﻮﺯ ﻭﺍﺟﺪ ﺍﻟﺸﻬﺮ ﻫﻀﺎ ﺍﻟﺸﻬﺮ ﺍﻟﺠﺎﻱ ﻳﻨﺎﺳﺒﻚ
ﺍﻟﺒﻨﺖ ﺭﻗﺎﻟﻬﺎ : ﻣﻨﻘﺪﺭﺵ ﻧﺮﺟﺎ ﺍﻟﻤﻮﺿﻮﻉ ﻣﻴﺴﺘﻨﺎﺵ ﺑﺲ ﻣﺶ ﻣﺸﻜﻠﻪ
ﺑﻌﺪ ﺷﻬﺮ ﺣﺎ ﻧﺤﻜﻮ ﺗﻮﺍ ﺳﻼﻡ ﻭﺍﺳﻔﻪ ﻋﻠﻲ ﺍﻻﺯﻋﺎﺝ
ﻫﻴﺜﻢ : ﻫﻴﺎ ﺳﻼﻡ
ﻭﺳﻜﺮ ﺍﻟﻨﺖ ﻫﻴﺜﻢ ﻭﻋﺪﺍ ﺭﻗﺪ
~~~~
ﻋﻨﺪ ﻋﻤﺎﺩ
ﻋﻤﺎﺩ ﻭﻫﻮﺍ ﺭﺍﻗﺪ ﺟﺎﻩ ﺍﺗﺼﺎﻝ ﻣﻦ ﺻﺎﺣﺒﻪ ﺍﺳﻤﻪ ﺳﺎﻟﻢ
~ ﺳﺎﻟﻢ ﻧﻮﻋﻪ ﻧﻔﺲ ﻋﻤﺎﺩ ﺑﻀﺒﻂ ﻓﻲ ﺍﻟﻄﺒﻊ ﻭﻣﻦ ﺯﻣﺎﻥ ﻓﻲ ﺑﻴﻨﻬﻢ ﺷﻐﻞ ﺑﻴﻨﻬﻢ ﻧﻮﻋﻪ ﻧﻔﺲ ﻋﻤﺎﺩ ﻭﺷﻐﻠﻬﻢ ﻳﺸﻴﻠﻮ ﻭﻳﺠﻴﺒﻮ ﺍﺑﻀﺎﻋﻪ ﻣﻌﺎ ﺑﻌﻀﻬﻢ ~
ﻋﻤﺎﺩ : ﺍﻟﻮ ﻳﺎ ﺳﺎﻟﻢ ﺷﻦ ﺻﺎﺭ ﻣﻌﺎﻙ
ﺳﺎﻟﻢ : ﺍﻟﺒﻀﺎﻋﻪ ﻭﺍﺻﻠﻪ ﻟﻜﻦ ﻣﺶ ﺣﺎ ﺗﺴﺘﻠﻤﻬﺎ ﺍﻻ ﺑﻌﺪ ﺍﺗﻨﻔﺬ ﺍﻟﻄﻠﺐ ﺍﻟﻲ ﺣﺎ ﻧﻄﻠﺒﻪ ﻣﻨﻚ ﻭﻟﻮ ﻣﻨﻔﺬﺗﺶ ﺍﻧﺴﺎ ﺍﻟﺒﻀﺎﻋﻪ ﻳﺎ ﻋﻤﺎﺩ
ﻋﻤﺎﺩ : ﺍﻧﺎ ﺩﺍﻓﻊ ﺩﻡ ﻗﻠﺒﻲ ﻓﻴﻬﺎ ﺷﻦ ﺗﺤﻜﻲ ﺍﻧﺘﺎ
ﺳﺎﻟﻢ : ﻭﻟﻠﻪ ﻫﻀﺎ
ﻋﻤﺎﺩ ﺭﻗﺎﻟﻪ ﻭﻗﺎﻝ : ﺑﺎﻫﻲ ﺷﻦ ﺷﺮﻃﻚ
ﺍﺳﻼﻡ : ﺑﻜﺮﺍ ﻧﺘﻼﻗﻮ ﻓﻲ ﺍﻱ ﻣﻜﺎﻥ ﻭﻧﻘﻮﻟﻚ ﻋﻠﻴﻪ
ﻋﻤﺎﺩ : ﺣﺘﺎ ﻧﺎ ﻳﺎ ﺳﺎﻟﻢ ﻧﺒﻲ ﻧﻄﻠﺐ ﻣﻨﻚ ﻃﻠﺐ ﻭﻳﺎﺭﻳﺖ ﻣﺎ ﺗﺮﺩﻧﺶ ﺧﺎﻳﺐ ﻭﺑﻜﺮﻩ ﻟﻤﺎ ﻧﺘﻼﻗﻮ ﻧﻘﻮﻟﻚ ﻋﻠﻴﻪ
ﺳﺎﻟﻢ : ﺗﻢ ﻧﺸﻮﻓﻚ ﺑﻜﺮﺍ ﺑﻴﻨﺎﺗﻨﺎ ﺍﻟﻮ
ﻋﻤﺎﺩ : ﺗﻢ ﻫﻴﺎ ﻣﻌﺎ ﺍﻟﺴﻼﻣﻪ
ﺳﻜﺮ ﻋﻤﺎﺩ ﺍﻟﺘﻠﻔﻮﻥ ﻭﻗﻌﺪ ﺳﺎﺭﺡ ﻭﻳﻔﻜﺮ ﻓﻲ ﻗﺮﺍﺭﻩ ﻭﻓﻲ ﺍﻻﻳﺎﻡ ﺍﻟﺠﺎﻳﻪ
~~~~
ﻋﻨﺪ ﺭﻧﻴﻢ
ﺭﻧﻴﻢ ﻛﺎﻧﺖ ﻓﻲ ﺩﺍﺭﻫﺎ ﻭﻣﻜﺴﺪﻩ ﻋﻠﻲ ﺍﻟﻔﻴﺲ ﻭﻫﻴﺎ ﺗﺼﻔﺢ ﻭﺗﻘﺮﺍ ﻃﻠﻌﻠﻬﺎ ﺍﻋﻼﻥ ﻋﻠﻲ ﻋﻴﺎﺩﻩ ﻟﻲ ﺍﻟﺠﺮﺍﺣﻪ ﻭﺍﻥ ﻫﻴﺎ ﻫﻨﺎ ﻓﻲ ﺑﻨﻐﺎﺯﻱ ﺧﺸﺖ ﻟﻲ ﺍﻟﺼﻔﺤﻪ ﻭﺑﺪﺕ ﺗﻘﺮﺍ ﺷﺎﻓﺖ ﺻﻮﺭﻩ ﻟﻲ ﺩﻛﺘﻮﺭ ﺍﺳﻤﻪ ﻫﻴﺜﻢ ...
ﺭﻧﻴﻢ : ﻣﺸﺎﻟﻠﻪ ﻋﻠﻴﻚ ﺯﻭﻝ ﻳﻬﺒﻞ ﺳﻤﺎﺣﻪ ﻭﻋﻠﻢ ﺭﺑﻲ ﻳﻬﻨﻲ ﻣﺮﺍﺗﻪ ﺑﻴﻪ ﻧﻴﺎﻟﻬﺎ ﻭﺍﺧﺬﻩ ﻫﺎ ﺍﻟﻐﺰﺍﻝ ﻣﺶ ﺍﻧﺎ ﻗﺼﻪ ﺣﺒﻲ ﺍﺥ ﻭﺧﻼﺹ
ﻭﺫﻛﺮﺕ ﻗﺼﻪ ﺣﺒﻬﺎ ﺍﻟﻔﺎﺷﻠﻪ ﻣﻌﺎ ﻋﻤﺎﺩ ﺍﻟﻲ ﻣﺶ ﻋﺎﺭﻑ ﻛﻴﻒ ﺣﺎ ﺗﻜﻮﻥ ﻧﻬﺎﻳﺘﻬﺎ ﻭﻧﺰﻟﺖ ﻣﻨﻬﺎ ﺩﻣﻮﻋﻬﺎ ﻣﺴﺤﺘﻬﻦ ﻭﻓﺘﺤﺘﻨﺖ ﺑﻴﺶ ﺗﻬﺪﺭﺯ ﻣﻌﺎ ﺻﺎﺣﺒﺘﻬﺎ ﺍﻳﻤﺎﻥ ﺻﺪﻳﻘﻪ ﺍﻟﻄﻔﻮﻟﻪ
~~~~
ﻭﻛﻤﻞ ﺍﻟﻴﻮﻡ ﻭﻛﻞ ﺣﺪ ﻣﺸﻐﻮﻝ ﺑﺤﻴﺎﺗﻪ ﻭﻛﻞ ﺣﺪ ﻣﺎﺳﺎﺗﻪ ﺗﺨﺘﻠﻒ ﻋﻦ ﺍﻟﺸﺨﺺ ﺍﻟﺜﺎﻧﻲ
ﻳﺘﺒﻊ
~~~
ﺍﻋﺠﺎﺏ + ﺗﻌﻠﻴﻖ

