اختفة وظل بالي كلشي مرسل اليوم جنت انتظر
المسج ماله على نار صح لحد هسة ممنطيته مجال
بس جان گلبي يرف اله مااعرف شنو من مشاعر
جانت بداخلي اول مرة واحد هيج يستقتل حتى
يحجي وياية ،صح كومه صارحوني بس من أرفض
كلشي ينتهي بس هذا غير شكد ارفض وبعد مُصر
وهذا اصرارة حبيته كلش ..
دزيتله مسج وسالت علي ومباشرة جاوبني ...
-اشتاقيتيلي...
-ميصير اسال الا إذا اشتاقيت.
-ليش اسالين لعد فضول مثلا .
-لا بس ظل بالي عليك.
-ليش ظل بالج معناها حبيتيني.
-استغفر الله الا احبك يعني يلة يظل بالي ،لا بس
كلت خاف مريض عيب لازم اسال.
-ها كثر خيرج عيني ،ولو حطمتيني بهاي كلماتج.
- ليش اسم الله قابل شحجيت.
-هاا،لا هيج محجيتي شي ،عالعموم يمكن مشوفيني
بعد.
-ليش وين رايح والجامعة.
-قررت انتحر لان انتي متحسين بية واني دااتعذب.
-بطل هالشقة السخيف.
-ليش خفتي عليه قابل انتي مامهتمة اصلا اموت
لو اعيش.
-اسم الله احمد لتحجي هيج بعدك شاب .
-شنو فائدة شبابي وانتي مو بي .
-لا اهلك موجودين واكيد الهم اهمية بحياتك.
-محد يهمني غيرج ،لج بابا افتهمي اني احبج ليوين
أظل افهم بيج.
-واني ...
-وانتي شنو .
-بديت ..
-دطلعيهة للحجاية موموتيني .
-افكر بيك .
-هاي هية انيالي ،عبالي حتكليلي اعشقك اموت بيك
حياتي انتة.
-لابعد وزوجي وأبو جهالي ههههه.
-لعد شنو صار شهرين اركض وراج واكلج احبج كل
هذا محسيتي بي.
-شنو يعني لازم اعشقك لان عانيت شهرين صح
دتخليني انعجب بيك بس القلب غير يريد افعال
مو بس حجي .
-يعني شتردين اخطبج ،،واني اكيد حخطبج
واصيرين حلالي بس هسة اني طالب .
أنت تقرأ
الرهان
ChickLit_خرب ببليسك صدك حتسوي هيج بيهة. _انتظر وشوف لواني لوملاك بالجامعه. _خطية احمد كل عقلك . _رسول لتدخل انت ،حطيتهة براسي. وهسة تريدني أتراجع. .