الرهان

part5

كلامهة اثر بية حيل وانقهرت بس متراجعت ابد جان همي الرهان ....

....
التقينه ثاني يوم بالجامعه رحت گبل عليهة ،جانت كاعدة يم اسراء وزينه .
_صباح الخير.
_صباح الخير .
_ملاك ممكن تجين شوية ،عندي موضوع وياج.
_اوك .
_واني اعشقج واعتقد صار الوقت مناسب أنه الكل يعرف انتي الي وبس .
_ليش مستعجل مااريد احد يعرف اني.
_ملاك ،اني اعرف شون الولد يباوعون وشون يفكرون مااريد احد يباوعلج حتى بنظرة موحلوة اريد الكل يعرف انتي حلالي .
_افكر واردلك خبر.
...
رجعت وسولفت للبنات ،ظلن يحجن عليه بس اني ولااهتميت الي براسي براسي.

خابرته بليل وكتله موافقة واتفق وياية يعرفني على اصدقاءة المقربين باجر ...
وصدك ثاني يوم داومت وعرفني عليهم بس جان واحد بيهم ردة ثكيل عليه الي هوة علاء واني حاجية وياه قبل سلام بس بينه.
بس هالمرة طريقة سلامه من ورة خشمه ضايج من شي ماعرفت شنو واني هم غلست شسويله.

ظلينه نحجي وطشت بالجامعه ملاك وكعت وية احمد بس اني واثقة بي مياذيني .

....رحت للجامعه وعرفتهة على جماعتي وخليتهم يورقون الفلوس بس علاء ضايج مني لان سويت الي براسي وحتى كلامه بدة يقل وياية يتهرب مني ومن يشوف ملاك عيونه اصير بگصته ...
خلصت السنة على خير وعلاقتي بملاك بيهة ومتزيد وتصير اقوة من قبل كلشي عرفت عنهة اهلهة اختهة ارقامهم كلشي تتخيلوا عرفته عنهة وهية سولفتلهة عني المهمات والباقي جذب ،جنت اخاف احجيلهة شي عني ،اخاف تتعمق وتعرف كلشي عني اخاف اتعلق بيهة اذا عرفت شي ..
...

خلصت مروة الامتحانات وبذاك اليوم سوينه حفلة وركض ودك لان جانت كاربة گلوبنه بالامتحانات ومحد لازم يحجي ومحد يطلع لان سادس ومتحملين لخاطرهة خابرني احمد بليل سمع هوسة على غير العادة  .
_شواليوم هوسة شعدكم.
_جايني خطابة ووافقت واهلي فرحانين.
_صدك ،لالا دجذبين.
_بكيفك  لصدك.
_شوحلفي.
_مااحلف .
_اي لعد الله يوفقج شسويلج.
_بهالسهولة تحجيهة.
_اذا انتي بسهولة وافقتي شاسويلج اني.
_اي لا لسوي شي ،باي.

..سديت الخط وظليت اكمز بالكذب مكال لا كيف بس يريد يخلص مني لهناك اجتني رساله ...
_لج عوبة اعرف بيج جذابة گلبج مينطيج تعوفيني موبله.
ضحكت وكمت كملنه شغل ثاني يوم لازم نسافر لاربيل نفه عن نفسنه ورة الامتحانات بابا خطية فرغ نفسة وسافرنه طبعا طلعنه برحلة جماعية احلى وية الهوسة.
في السيارة جانت اكو عائلة ويانه اب وام وبنات ثنين اصغر مني وولد تقريبا بعمري اصغر
ظل يباوع لمروة بس مروة بيا حال بالهة يم النتائج تعرفنه على بناتهم وظلينه نضحك ونغني طول الطريق .
وصلته للفندق ارتاحينه شوية وطلعنه نتونس هوة كروب كامل امي صارت صديقة امهم تعرفون نسوان وميصدكن يحجن ههههه.
خلص الأسبوع ركض ركض بالغفلة اخابر وهاي اذا خابرت احمد لان اهلي وياية وين مااروح ومااريد اكسر خاطرهم إذا عرفوا .
رجعنه وجان احمد زعلان عليه لان مامحاجيته هواي وظليت اقنع بي وارضي طلع روحي يلة رضى بس بدون يتغير هواي تغيرت اشياء بي .بعد ماجان كل خمس دقايق رساله حب صار باليوم لو يذكرني لولا جان يخابر يومية صار ميخابر كل يومين 3.
عاتبت وحجيت واشتاقيت وبجيت بس ماكو اي فائدة بحجة الشغل شون لعد اگعد بالاخير عفته على راحته تحت مبدأ ..
اذا اردت شيئا بشدة أطلقه فان عاد لك فهو ملكك وان لم يعد فهو لم يكن لك من البداية ..
بس جان گلبي يوجعني والاشتياق يدمرني واصبر.
مرت 3اسابيع وطلعت نتائج مروة ونجحت الحمدلله وفرحنه بيهة كلش .
وبيوم امي كالت اليوم عدنة حملة عالبيت حيجونه خطار حظرن نفسجن .
وصدك گلبنه البيت كلاب وامي طلعت كل الاغراض الي جانت ظامتهن تخاف عليهن وخلتنه نتحظر ونتشيك واني ومروة وحدة تباوع بوجه الثانية عرفنه اكو شي بس شنو ومنو مندري سوينه مثل مكالت ..
ظليت ادك على احمد من الصبح للمغرب اريد بس يجاوبني ماكو صدك اشتاقيتله وتعبت كلش اريدة يحس ماكو ردت بس اسمع صوته جنت احس اكو غصة بگلبي بس وشعور غريب ..
فجاءة دك الموبايل رساله ...
-كتلج من قبل لتصدكين باي شي مقابيلج الحب ميكون حجي يكون فعل ،حذرتج من هالطريق بس انتي مااخذتي بحجيي حتى مسألتي اني منو ،عالعموم لظلين تنتظرين احمد موالج ولاراح يصير بيوم من الايام كل هاي جانت لعبة سواهة حتى يفوز برهان سخيف ويحصل عليج مصدكيني سالي خابري شوفي وين هوة هسة ،واما اني فااني حتعرفين منو عن قريب محب .
انهاريت ادمرت مااعرف شنو مشاعري من قريت هالحجي دموعي متطلع من عيني عبالك تعاندني كلبي يكلي جذب هالحجي ممعقولة يخدعني كل عالحب والكلام ممعقولة جذب هذا منو ليش يريد يخرب بيناتنه شنو غايته ،
-ملاك ماما تريدنه اجوي الناس تعالي.
هسة وكت ناس بيا حال حستقبلهم شون حكدر اسيطر على  روحي مسحت الدمعه الي اجمعت بطرف عيني ونزلت رسمت ابتسامه مزيفة من شفت عائلة محمد مجمعين باب البيت اقصد العائلة الي التقينه بيهم باربيل طبينه للاستقبال وضحك وسوالف ورة ساعه اندكت الباب كالت ام محمد هذا اكيد علاء تؤم محمد مشفتو انتو مااجة ويانه لاربيل ...

رايكم وافكاركم شحيصير