عشقت قاتله
البارت الخامس
طبعا خلصت اوراقها وحسب كل الظروف وبعد كل التحقيقات هيا دافعت عن نفسها ولان هيا الوحيدة الشاهدة عن كلامها ولان هيا مغتصبه وكل الادله تثبت انو هيا بريئه
لان ماكو شي ضدها
وجانت اكو بعد الامور اخلصها واطلعها صراحه اني خفت عليها تطلع لان احتمال يكتلوها وابوها ميريدها زين وين رح تروح
وفوك هذا كله شنو نظرة المجتمع الها اكيد محد رح يبريها
ولكن باليل اجاني تلفون من عم المقتول العسكري كلي سمعت رح تطلع كتله سيدي هيا قتلته دفاع عن النفس وكل التحقيقات وصلتنه انو هيا بريئه وهو الي اعتدى عليها كلي معليه بهذا الحجي وانت اسحب نفسك من هاي القضيه ملف القضيه صار يم ضابط مرتضى
وقبل مداعترض سد التلفون اني الضابط مرتضى اعرفه موخوش ادمي وهاي اذا صارت يمه يلعب بيها طوبه اني محامي واعرف كل الامور القانونيه قدمت ورقه لشخص ما هذا انسان نزيه كتبتله عن وضع البنيه
وكتبتلت انو وفق القانون المرقم٢٤٦من قانون العقوبات
تبيح لكل شخص الحق في استعمال القوة الازمه لدفع كل فعل يعتبر جريمه على النفس كالقتل والضرب والجرج
ومايمثل الاعتداء على العرض كهتك العرض والاغتصاب-
وذلك ايضا اثبات وقوع الحادث من خلال توثيق واجراءات
وكشف المكان وايضا طريقته الاعتداء ورفقتها بتقرير الطبيب كلت قبل ميزورو
المهم وسلمته تسليم شخصي للرجال طبعا اطلع على الملف
وكال معليك بيهم اني وياك هاي مدافعه عن نفسه خلص كمل باقي الاجراءات القانونيه وخلص كتله اشكرك سيدي كلي هذا واجبنه
طبعا شويه اطمئنيت بس غريب هاي البنيه من اول ماشفتها حسيت نفسي مسئول عنها مع العلم الكل تخلو عنا
شنو السالفه ماادري زين هسه اني جنت خفارة بالدوام صارلي اسبوع هسه خفارتي خلصت لازم انزل للبيت زين هاي خلصت اجراءاتها ولازم تطلع ماكوشي ضدها وين رح اوديها اهلها ميردوها اهل المقتول يريدون يقتلوها اهل ابوها يريدون يقتلوها شلون دوخه كلت لنفسي
المهم اتفقت ويا الضابط الي بدالي خفر كتله روح اليوم اني بمكانك اظل كلي اي زين كلت باجر الصبح شوف شلون الكي حل ساعه بالاربع الفجر اجه الشرطي صمد
اني جنت هستوني نايم كلي سيدي كتله شكو كال اخذوها كتله شخذو كال المتهمه رحت ركض شفتهم سادين عينها وديصعدوها بلسيارة كتله ل صمد بسرعه صيح الضباط كلهم وجيبلي مسدسي وركضت
عليهم وكفت كدام السيارة وجان ينزل واحد كتله وين مااخذها كلي اجتنه اوامر انو ننقلها لغير مكان كتله من منو كال اوامر من فوك بهاالاثناء اجه صمد انطاني مسدسي سحبت السلاح كتله نزلها عالسريع اشرتله الصمد صمد هم سحب سلاحه ومناك على صوتنه والتمو الضباط الي خفر المهم صارت هوسه كلتله بااي حق تاخذها جان يكلي هيا قاتله كتله هيا بريئه واوراقها كامله وباجر الصبح تطلع كتله نزلها كتله صمد نزلها بسرعه عد نزلها وكتلهم يله منا روحو
والله وراحو بس صراحه اني بهاي القضيه فتحت على نفسي. ابواب جهنم لان بعد مرح يتركوني
كلت يله وين متوصل خلي توصل طبعا صفيه معصبين عينها رحت تقربت عليها شلت العصبه شفتها ترجف مثل العصفور كلش انقهرت عليها كلت هاي شمسويه الي هيجي دتتعاقب عقاب ولو هيا شسوي هياعمرها ١٧سنه
بعدها طفله كتله ل صمد وديها لغرقتي
وداها طبعا الضباط كلهم عينهم عليها من شافوها لحد الان
واني من كل عقلي ضجت المهم كعدت انطيته مي كتله ارتاحيتي كلتلي لا عفيه لتوديني هناك انام بالسجن خلي انام هنا اني احس بالامان من انت موجود حباب خلي ابقه
ضحكت من كالت حباب وحسيتها مثل الطفله الي دتستنجد
كتلها يله نامي ونامت على القنفه وغطيتها بالغطه مالي
وظليت اني كاعد اباوع عليها من نايمه شكلها غير حلو
حرمات هيج وحدة تقتل وشرفها يروح لااعتراض على حكم رب العالمين بس ظلم هيج خطيه هاي شلون رح تعيش شلون رح تمشي حياته متكدر طبعا طول منايمه اني اباوع عليها حسيت نفسي مسئول عنها وكلت لازم احميه مهما كان الثمن وقررت انو تكون تحت حمايتي طبعا ردت بس يطلع الصبح واشوف مكان اخذها لان كمت اخاف عليه
ثاني يوم بالسبعه الصبح اندكت باب مكتبي
يتبع.........
أنت تقرأ
عشقت قاتله 🔪☺
Horrorتتابع قصه حقيقيه مساء المحبه اليوم قصتنه حقيقيه ولكن احداث القصه تتكلم عن قضيه رأى عام ممكن نعتبرها وتتكلم عن ضحيه مجتمع وتتكلم عن علاقه حب ممكن البعض يعتبروها من وجهة نظرهم غلط طبعا احداث القضيه كانت بعد السقوط بحوالي ثلاث سنوات عنوان القصه ـ عشق...
