عشقت قاتله
البارت التاسع
معقوله الانسان يكدر يعيش بصراع بين مشاعرة وبين قلبه وبين عقله وهو متحكم بيهن معقوله كلبي يردها وعقلي يمنعني معقوله الانسان يحب شخص هو بعيد عنه كل البعد بكل الامور اول مرة اكول لنفسي اني عشقت قاتله
اكو حقيقه متنسي انو اني حبيت وحدة قتلت يجوز تكدر تقتل مرة ثاني ولكن شلون رح اقتل مشاعري اتجاه وليش مداكدر انطيها الحق برغم انو اني دافعت عنها واستقتلت لااجلها شنو الي رح يصر اذا ازوجتها وعشت وياها ماعرفت اجاوب على نفسي ماعرفت ارد عن هذا السؤال
طبعا ايضا مرت سنتين رفضت فكرت الزواج نهائيا
وحتى الحب رفضته لان ماحسيت انو رح اكدر احب بعض الاحيان تتولد بداخلنه مشاعر بسيطه وبعدين تتحول الى حب جبير اني ماكدرت انو اعيش حياتي طبيعيه
وبخلال هاي االفترة اجوي اصدقائي وكالولي خلي نسافر كم يوم ناخذ اجازة من الدوام ونغير جو نروح لتركيا وقنعوني واني صارلي فترة مخنوك كلش فقبلت والله اخذت اجازة ورحنه لتركيا بااسطنبول النا تقريبا خمس تيام وطلعت رحت اكو بازار بااسطنبول كلت اخذ اشياء لااهلي ودخلت محل يبيع ملابس نسائيه وجانت اكو وحدة خاله طفل بعربانه وكاعد تعامل وتحجي تركي بس صوته جذبني حسيت سامعه بس هيا جانت مندارة ظليت
انتظرها لحد مندارت وجان اصيربوجي والصدمه
انو هيا جانت صفيه سبحان الله صدفه جانت موطبيعه عبالك رب العالمين مديخليني انساها او كلما اريد انساها واشوفها بوجي طبعا هيا بهتت حتى الجنطه مالتها وكعت واني هم بهتت كتلها صفيه كالت ضابط امجد كتلها شنو هالصدفه كالت اي صدفه حلوة باوعت على الطفل الي جان بالعربانه كتله هذا ابنج كالت اي ابني امجد ظليت ساكت مكدرت اجاوب حسيت كلبي رح يطلع من مكانه مدت ايدها وصافحتني و كلتلي لازم اروح اسفه شكد حاولت تبقه احجي وياها مقبلت ترجيتها تنطيني رقمه هم مقبلت شفته دفعت العربانه مال طفل ومشت مكدرت ماالحكه لان مصدكت عيني من شفته ظليت الحكه لحد مشفتها دخلت لعمارة ترددت ادخل للعمارة بس جان اكو رجال جبير كاعد باب العمارة حاولت احجي وياه ميفتهم واني ماااعرف احجي تركي طكيت صورة بالموبايل للعمارة ولااسم الشارع كلت باجر اجي واجيب صديقي مصطفى يعرف يحجي تركي واخلي يحجي وهذا الرجال يسئله خليت ورجعت بس بالي بغير مكان زين هيا ليش هيجي سوي ليش كلما اريد اتقرب منه تبتعد شنو السبب
اذا هيا كتبتلي انو هيا تحبني ليش دتبتعد ومعقوله زوجت وهذا الولد ابنها زين ليش من حجيت وياها وكتلها هذا الولد ابنج باوعت عليه بحزن وكالتلي هذا ابني امجد يعني قصدها سميته على اسمك خفت من صدمه جديدة لان كل يوم اعيش بدوامه جديدة من ورة صفيه
كلت بكلبي وتالي وياج صفيه
شلون رح تصفه واني كلساعه بحسبه
وثاني يوم اخذت مصطفى ورحت للعمارة وشفت نفس هذا الرجال كاعد وكلتله ل مصطفى سئله على وحدة هنا بالعمارة كتله كله عراقيه اسمه صفيه وعدها طفل عد من كله مصطفى جان يهز براسه يعني عرفها قصدة
عد حجه بالتركي كتله ل مصطفى شيكول يكول هاي ساكنه وحدها عراقيه صارلها سنه تقريبا كاعدة هنا
كتله كله مزوجه احد يجيها كله
عد كله لااي احد ميجيها ماعدها احد هيا تشتغل بمعمل مال خياطه هنا كتله هاي هيا
كتله سئله هيا موجودة كله لا مموجودة لان هيجي وكت تشتغل بالمعمل كتله زين لعد رحت ورة شويه رجعت وجان اكو واحد ابو سيارة هيجي يبيع كفته لفات وجان خال مثل الطبلات الصغار العالم يشترون لفات ويكعدون عد اني كعدت هناك انتظرها صديقي راح ظليت لحد مصارت ساعه بالسته شفته جتي هيا ودتدفع ابنها بالعربانه
كمت رحت عليها كتله هلو صفيه جان تندار عليه كلتلي امجد شدسوي هنا كتله اريد احجي وياج ضروري
بعد ماااكدرااذا مااحجي كالت اني اسفه مااكدر اكلك اتفضل لشقتي لان وحدي ومااكدر اظل واكفه بالشارع اخاف على ابني خاف يتمرض لان الجو صار بارد كتلها لعد شلون كالت باجر ماعندي دوام تعال فدساعه بالعشرة يم هذا ابو السيارة الي يبيع لفات مال كفته كتله اوكي باجر نتلاكه تصبحين على خير كالتلي وانت من اهل الخير وظليت اباوع عليها لحد مدخلت وبعدين خليت ورجعت للفندق بس الليل كله منمت ادكلب وحرت شرح احجي شرح اسوي اخير شي استسلمت للنوم
يتبع........
أنت تقرأ
عشقت قاتله 🔪☺
Ужасыتتابع قصه حقيقيه مساء المحبه اليوم قصتنه حقيقيه ولكن احداث القصه تتكلم عن قضيه رأى عام ممكن نعتبرها وتتكلم عن ضحيه مجتمع وتتكلم عن علاقه حب ممكن البعض يعتبروها من وجهة نظرهم غلط طبعا احداث القضيه كانت بعد السقوط بحوالي ثلاث سنوات عنوان القصه ـ عشق...
