عشقت قاتله
البارت الرابع
والله اشرب من دمها جيبها كتله سيدي مع احترامي الك بس ملف القضيه بعدة واني بعدني ممستجوبها وترة هيا هم اهلها عشاير وناس الهم وزنهم وترة سيدي البنيه مغتصبها وتقرير الطبيب اصدق برهان على كلامي والاثار الي جانت على جسم المقتول اثار اظافر واثار عنف يعني هو المعتدي عليها وسيدي انت ادرى بالقانون هيا دافعت عن نفسها
كلي اي هذا الحجي احنا نعرفه بس تكدر بكل بساطه تسوي انو هيا جابته للبيت وقتلته ونطلع ميت الف سبب وسبب شوف اني بكل بساطه اكدر اسحب ملف القضيه من يدك بس هاي اصير عيب بحقك فااتمنى تتصرف مثل مااكلك لوتريد هم موت وهم هجمان بيوت وسمعتنه وسمعت خوات المقتول تروح فرتب الوضع على الاتفقنا عليه
وطلع ظليت ساكت يريدني الفق الها تهمه
وخاف جنت شاك بيها شويه هسه اتاكدت هيا بريئه وهيا دافعت عن نفسها فقط واني من قسمت انو احافظ على ارواح الابرياء ماارجع بقسمي لو الدنيا تنكلب شيسوي خلي يسوي واني اعرف شلون اخلي يسكت
وصراحه كمت اخاف اعوف صفيه ماادري شلون رح اصرف
المهم طلعت رحت للبيت شويه واجيت ورحت اطمئنيت على صفيه لمن رجعت لمكتبي شفت رجال جبير واكف ومرة بالباب مال مكتب كتلهم خير كال ممكن ادخل كتله اتفضل طبعا جان الرجال كلش يقهر لان جان مكسور يحجي هو مدنج
كلي اني ابو صفيه المتهمه فتحت عيني كتله اهلا كلي اهلا بيك ابني وامها جانت تبجي كامت اجتي عليه اجربيدي تريد تبوسها كلتلي ابوس يدك بس اشوف بتي والله بتي خوش ابنيه فدوة اروحلك ابوس رجلك كتله لاخاله استغفرالله كومي هسه اني اخليج اشوفين بتج
صحت جابها الشرطه
وامها ركضت تبوس بيها وهيا بس تنزل دموعها عجيبه هاي البنيه مرة عن مرة داكتشف هاي البنيه شكد قويه
وابوها متقرب عليها يباوع من بعيد ظلت امها تحجي وياها والاب مكسور ومدنج يباوع بالكاع كتله عمي ترة بتك ممسويه شي بتك دافعت عن نفسها لمن حجيت هيجي هيا رفعت راسها وباوعت عليه ظلت تباوع وبعدين ندارت تباوع على ابوها ا الاب كام كال رح نروح صاح على مرته كللها يله بته كلتله يابه كللها اني مو ابوج انسي عندج اب واذا طلعتي منا مااريد اشوفك وللتتقربين على بيتنا لان اعمامج ناوين يكتلوج ويغسلون عارهم اذا بيج خير صنعي من نفسج انسانه محترمه انتي دنكتي راسي على تالي عمري وكسرتي عيني
كلتله يابه اني بنتك اني تربات يدك اصدك اسوي هيجي شي اني قتلته لان اعتدى عليه دافعت عن نفسي دائما جنت ادكلي الرجال والمرة مابينهم فرق بالقوة كلهم يكدرون يحمون نفسهم والمراة لازم دافع عن نفسها مهما كان وتحافظ على شرفها باوع عليها كللها ياشرف هذا شرفي راح ونداس بالرجلين
كلتله ليش اجيت لعد كللها علمود امج كلتله اشكرك ماقصرت الله وياك وامها تبجي كسرت كلبي من اهلها طلعو كعدت هياعلى الكرسي كالتلي اني قتلته لان اخذ شي مني جانو دائما يكلولي حافظي عليه ودائما جانو يكلولي اذا راح منج بالحرام معناته انتي انتهيتي لهذا السبب قتلته لان بكل الاحوال اني ميته وبكل الاحوال اني رح انتهي طبعا كلامها صدمني
كتلها خلي انكمل الاستجواب هزت براسها كتلها
اوكي كتلها انتي كلتي بينا علاقه كالت لا كتلك اني حتى من يجي يم بيت اهلي ماااكعد وياهم اظل بغرفتي كتلها ها طبعا اني جنت اريداخربطها بالحجي بلكي والسانها يفلت بشي المهم كتلها سولفيلي بيوم الي تهجم عليج شلون كالت اني عساس بيت اختي ديجون يمنا خابرت اختي كالت منجي منا للعصر لان عمي تخربط ابو زوجها وكالت ميكدر رجلي يعوف ابو وبيت اختي منطقتهم بعيدة عد كلتلي شلون تبقين وحدج كتلها لا قابل شكو عليه اقفل الباب
كلتلي زين من يصير شي خابريني كتلها ان شاءالله ورة ساعه اندكت الباب حتى جان بيدي ماعون مال فاكهه وسجينه كمت رحت كلت منو كال اني رامي كتله شتريد
كال هاي غراض امج وصتني عليها كلي فتحي الباب فتحت الباب جانت بيدة علاكه مديت ايدي من ورة داخذ العلاكه وجان يدفع الياب ودفعني وسد حلكي وسد باب الشارع برجله ودخلني جوة دخلني لغرفه الكعدة مالتنه وكام يجرجر بهدومي وريحته جانت مقرفه ومكدرت اقاومه
واغتصبني بكل وحشيه وعافني وكام وظليت اون من الوجع وجان هم يجي عليه جان يكلي بعدني مشبعان منج وهم اتقرب عليه اثناء مجان يحاول ويايه اندفعت الطبله وكع الماعون مال فاكهه والسجينه وكعت بالكاع
بس ثاني مرة من اجه يمي حسيته يريد يخنكني خله يدى على حلكي وظل ساد نفسي كمت مااكدر اتفس بهل الاثناء شفت السجينه جانت كلش قريبه مني اخذتها وضربته ووخرت من يمه من شفت الدم وبعدين شفت الدم غرك الدنيا ماعرفت شسوي غير انو اكعد ماكدرت حتى اتحرك
يتبع..........
أنت تقرأ
عشقت قاتله 🔪☺
Hororتتابع قصه حقيقيه مساء المحبه اليوم قصتنه حقيقيه ولكن احداث القصه تتكلم عن قضيه رأى عام ممكن نعتبرها وتتكلم عن ضحيه مجتمع وتتكلم عن علاقه حب ممكن البعض يعتبروها من وجهة نظرهم غلط طبعا احداث القضيه كانت بعد السقوط بحوالي ثلاث سنوات عنوان القصه ـ عشق...
