جوليا بحزن : يوسف إسمعني،صدقني ما قصدت !
يوسف بإستفزاز : هه الظاهر عطيتك أكبر من حجمك،لا تنسي نفسك يا ماما؟ مين إنتِ أصلا عشان يهمني كلامك !
جوليا ودموعها فعينها : أكبر من حجمي ؟ .. صح مين أنا يا يوسف؟
يوسف يرتبك من دموعها بس يمثل الثبات : إنتي؟ ولا شي " نكره".
جوليا وهي تمسح دموعها : صح .. ما إعترف فيني أبوي عشان تعترف فيني إنت .. بالنهايه كلكم واحد - تمشي وتخليه - .
يوسف يضرب الجدار بعصبيه : أووف !
عزيز يقرب ليوسف بعد ما كان يراقبه : إيش هببت بالبنت إنت ؟
يوسف : تستاهل ! أجل أتفرج عليها مع الحيوان هذا وأسكت ؟؟
عزيز يصرخ : وإنت إيش دخلك ؟؟ مين تصير لها إنت عشان تتحكم بحياتها ومع مين تكون ؟؟!
يوسف بعصبيه يدز عزيز : بعد عن وجهي مش ناقصك !
عزيز يشد قميص يوسف بقوه وإنقطع بيده : مو كلهم ساره ! إصحى وأعرف كيف تتعامل وخاف ربك فقلبها !
يوسف يبعد يد عزيز عنه بقوه : لا ت ت د خ ل ! فاهم؟؟
عزيز : وإنت لا تتدخل بحياتها ولو شفتك تأذيها راح تندم ؟
يوسف : أوووه يا العاشق المدافع من متى؟
عزيز : إحترم نفسك وإنتبه للي تحكيه أحسن لك !
يوسف بإستفزاز : هههه بس ! واضحه .. روح إلحقها يا روميو !
عزيز : بلحقها .. وإنت خلك هنا وشوف مين يعبرك !
يوسف يصفق بقهر : هه براڤو .
- عند جوليا بالشارع -
عزيز ينادي : جوليا ؟!
جوليا تلتفت وهي تمسح دموعها : نعم عزيز ؟
عزيز بصوت حزين : آسف .
جوليا : ما غلطت بحقي عشان تعتذر ؟
عزيز : آسف عن يوسف .. صدقيني ما يقصد أنا أعرفه.
جوليا : ما يهمني يقصد أو لا،أساساً كله ع بعضه م يهمني يا عزيز.
عزيز : جوليا إفهميني،يوسف مر بتجربه قاسيه غيرته ع الكل !
جوليا بعصبيه : عارفه ! بس أنا مُش هي ! أنا جوليا يا عزيز .
عزيز : عارف إنك غير وربي عارف،ويوسف مدرك هالشي بس بعده متأثر حتى شخصيته تغيرت بعد إللي صار .
جوليا تبكي : هو تركته حبيبته؟ أنا تركني أبوي ورفض يعترف بوجودي ووجود إخواني بحياته ! فاهم قد إيش هالشي قاسي ويوجع يا عزيز؟؟!
عزيز يمسح دموعها : طيب عشاني إهدي،صدقيني بيعتذر لك ويصحح خطأه ويندم،يوسف طيّب يا جوليا وتهمينه كثير .
جوليا : ما يهمني إعتذاره ولا إهتمامه ولا وجوده بحياتي أصلا،ولا عمره صار شي يهمني لذلك إبعده عنّي يا عزيز فيني إللي مكفيني.
عزيز : طيب راح أتركك الحين،بس أوعدك كل شي بيكون أحسن.
جوليا شافت يوسف قريب : صدّقني مُش مهم ... سلام.
عزيز : بحفظ الله .
يوسف يراقبهم بنظرة حقد ويخليهم ويروح : هه هذا إللي ناقص .
- بشقة البنات -
روز بخوف : جوليا وين كنتي؟ طلعنا من المستشفى وما حصلناك !
جوليا : أنا مُش طفله عشان تسأليني وين كنت !
روز بزعل : ما قصدت بس خفت عليك ..
جوليا : لا تخافي،أنا بخير .
ميرا تقرب لها : جوليا كنتي تبكي ؟
جوليا : شفيكم لازم يكون صاير شي؟ أنا تعبانه وبنام .
دانا : خلوها ترتاح يا بنات،إذا صحت يصير خير .
روز تهمس لدانا : تعرفي شصاير؟؟
دانا : شفت يوسف شدها برا الغرفه بعصبيه بس ما أعرف ليه ؟
ميرا بعصبيه : يعني هالحقير هو إللي مسوي فيها كذا ! وربي لا أوريه !
دانا : وين رايحه يا مجنونه ؟؟
ميرا : بروح آخذ حقها منه ! يحسب الدنيا سايبه دلوع ماما !!
روز تلبس جاكيتها : إصبري جايه معك .
دانا : يا مجنونه إنتي وياها لحظه !
روز : هيهه إجلسي إيش بتسوين ؟؟
دانا : جايه معكم طبعا !
ميرا : ورجلك ؟؟
دانا : شفيها يعني ما إنكسرت،بسند عليكم.
روز : يا الله .. هاتي يدك طيب .
أنت تقرأ
مُغتربات .. في غزل البنات !
Adventure- سيناريو روايتي تركي بصيغه عربيه، يعني الأحداث كلها تقريباً ؟ مستحيل تدور بوطن عربي،لكن مُجرد خيال،والأحداث عباره عن : مجموعه من البنات .. بعمُر " غزل البنات " في بداية شبابهم تجمعهم الغربه لسبب الدراسه وتدور فيهم الأحداث والصدف مع مجموعة شباب مُب...
