مُغتربات .. في غزل البنات !

البارت 19 | كل شي إختلف !

آسر : بصوت عالي .. يا شباااب تجمعوا سرييييع .
قُصي يجي عنده : شفيك ؟
آسر : لحظه بس يجتمعون .. عزيز إخلص تعال !
عزيز يتنرفز : اوف .. طيّب .. عن إذنك ميرا .
ميرا : إذنك معك .
آسر : اخ يوسف مطول ؟
يوسف : جيت يا نشبه جيت شتبي ؟
آسر : أول شي خلينا نبعد عنهم.
قُصي : إي وثاني شي ؟
آسر : ثاني شي اليوم فرصتكم حتى تأكدوا ...
يوسف : نتأكد من إيش طيب؟
قُصي : فهمتتت عليك !
آسر : تعجبني يا فاهمني.
قُصي يغمز لآسر : أكيد بفهم دامني بستفيد هههههه.
عزيز : وضحوا لو سمحتوا؟
آسر : طيب،المقصد راح نتعمد نسوي كل شي يخليهم يغاروا،ونشوف إذا بيتحملوا أو يعترفوا،فهمت؟
عزيز بإبتسامه وغمزه : فهمت .

    - البنات وهم يراقبوهم ويحاولوا يعرفوا إيش يحكوا -

ميرا وهي معصبه : هفف،لقى الوقت المناسب هالنشبه.
جوليا تضحك وتغمز لها : ههههههه شعندك؟
روز : هههههههه خرب عليها اللحظات الرومانسيه
دانا بعد ما غيرت وجت لهم : شفيكم بنات ؟
جوليا : ليه غيرتي ؟
دانا : خلاص بطّلت أسبح .. وقلت أغير أحسن.
روز : ههههه أراهنكم إن قُصي ورى هالشي .
جوليا تضرب كتف روز : أساساً حتّى أنا هونت بروح أغير.
روز بتوجّع : طيب غيري شدخل كتفي تخلعينه لي ؟
ميرا وهي معصبه تضحك ع أشكالهم : هههههه ،وأنا بغيّر.
روز : ننننن،ما بقى غيري يعني،خلاص بغير معكم .
جوليا : روز .. ما تعرفين آسر شيبي فيهم؟
روز تحاول تكذب : وأنا شعرفني ؟
دانا بعفويه : حبيبته يعني أكيد بتعرفين ؟
ميرا : اوووووه .. لحظه لحظه أقين دانا شقلتي ؟
دانا ترتبك : ههههههههه أتريق شفيك .
روز تطالع دانا وخاطرها تكفخها : أوك أنا بتكلم ممكن ؟
جوليا تطالعها ببرود وضحك : أيوا ؟
روز : أولاً أنا شرق والحب غرب،ثانياً لو فيه شي جدّي خبرتكم بس بالنّسبه لي مُش أكثر من لعبه .
البنات بإستغراب وصوت واحد : لعبه؟!
روز : بالضّبط،هو إعترف بحبه ! بس أنا مُش غبيه طبعاً عشان أصدّق الكلام الفاضي هذا .. بس حاولت أستغل الوضع لصالحنا.
جوليا : لحظه ؟ كيف تستغلي الوضع لصالحنا؟
روز : بمعنى متى ما إحتجناه نلقاه،وبنفس الوقت لو حبينا نعرف عن شلة الجن هذي أي شي ؟ بيكون سهل علينا دامه معهم .
ميرا بقهر : روز لا تستهبلي ! حرام عليك تلعبي بمشاعره.
روز : أي حرام إنتي الثانيه ! ع أساس هم ما يلعبون ؟ كلهم كذّابين لعلمك.
دانا : بس ما كان هذا كلامك لي قبل ؟
روز : فكّرت مع نفسي،وإقتنعت إنّي ما أبادله .
ميرا : طيب لو اثبت لك حبه ؟ ايش بتسوي وقتها ؟
روز : إذا أثبت وقتها يصير خير.
جوليا تمسك يدها : بس هذا مُش طبعك ولا تفكيرك !
روز : المهم أحافظ ع قلبي وكرامتي،عاجبكم إللي يصير معكم يعني؟
ميرا : إللي لازم تفهميه إن الحب يوم حلو ويوم مر،مافي شي حلو ع طول ! لازم تعيشين الشعور بكل تفاصيله .
جوليا : بالضّبط .. عموماً صدقيني هالشي بيتغير معك مع الأيّام إنتي بس شفتي إللي صار معنا وتبعثر تفكيرك.
ميرا وهي تتكلم تطيح عينها ع الشباب : صح كلامك .. هيه شفيهم يطالعونا كذا ؟!
روز تضحك : هههههه ناوين لكم ع نيّه .
جوليا بإرتباك تصدق روز : إحلفي ؟!
روز : هههههههه أمزح أمزح،ما عليكم منهم يلا نغيّر.