دكتورتي النفسيه

الجزء الثالث

ريان العشب

الحمدلله عدد ماكان والحمدلله ع ما يكون

تجارتنه ربحت بعد تعب وجد من عمي وطبعا  بمساعدت الخلص  بالشغل امثال صديقي سامي .صحيح مرت الشركه بضروف قاسيه بحيث منكدر ندفع افلوس العاملين اي رواتبهم .لكن بالصبر والإلحاح  لطريق النجاح الحمدلله وكفنه ع حينه من جديد . وكثرت الايدي العامله وصار شغل مضاعف علينه وكثرة الطلبات وصار لازم انفذ  طلب الزبون
والا يروح تعبنه هواءً في شبك
فضطرينه نطلع للخارج في سبيل انجيب مواصفات الزبآئن حتى يرضي ذوقهم .

بالاول خاف عمي انو شغل الخارج مجرد مصاريف زائدة! لكن قنعته بتفكيري وبفكرة انكبر شغلنه ونسوي افرع كذالك هناك حتى يزدهر الشغل اكثر
وافق عمي ع هذا الشي . ورحب بي بكل رحابه صدر

ف بالأول طلعت لا يران  بصعوبه طبعا توفقت لهذا الشي طبعا مصاريف هواي ذبيته كانو ذبيته بالبحر
مدة 3 اشهر اني اكذب ع عمي واكوله ماشي الشغل ولاتخاف ومن هذي الحجي حتى لايخرب واهسه
طبعا مو كل شي يريده الانسان يتحصل فورا يرادلهه صبر وتحمل حتى يتحقق الطموح
طبعا حسيت انو عمي حس بأني ما أحرزت تقدم بروحتي . فضل ساكت !أعتقد راد يشوف حظي الى وين يوصل بس اني اكللكم اني محارب ولازم اي شي اريدة يصير حتلو بنسبه 30%وره 3 اشهر طبعا لا ليلي ليل ولا نهاري نهار  متاكد انو راح يصير شي
حتى يتوسع الشغل

والحمدلله صار البالي اخيرا بعد معانات. رحت أتصلت  بعمي وفرح هوايه وكتله رحت اطول هنانه بين مايستقر الشغل واخبرك بالتطورات أول بأول
وكتله يسلملي ع العائله جميعا.

بشرى:~ من بعد ما راح لؤي ضوجه حيل ومشتاقتله موت. وين قبل اشوفه واضوجه بس هسه ماكو صحيح اكو اتصالات يعني نتصل بي بس الصوت مو مثل الشوف .واكولكم سراني معجبه بي من جنه صغار يعني من جان يوصني للمدرسه المتوسطه  يعنييييييي. جان عمري 13 سنه وهو جان 18  يعني. ليش ما انعجب بي هم جمال وكمال واخلاق وتربيه واعرفه اني هو شنو ما شنو ومثل ميكول المثل القريب احسن من الغريب هذا تفكيري من جان عمري 13 سنه لحد ماصار 23 .........................
اتغير تفكيري وصرت اعشقه عشق ماينكدر ينوصف بالكلام .
بس هو عده رائي ثاني  وهذا الي خلاني بصدمه!!!!!! أو  شي خلاني مثل  اليسلب الروح ويخلي بس الجسد والعيون تتحرك

بقه شغلي نفسه يعني سويت نفس الروتين ال بلدي يعني هو نفس الشغل بس مصغر.
ضليت فوك 3 اشهر 4 اشهر ثانيه شفت الويل بيه
يعني وحيدي وبلد غريب . طبعا ماكو مثل العراقيين وطيبتهم . المهم
خلصت ع خير  والحمد لله

أمنت ع شغلي هناك وخليت مسؤل عده خبرة وخلا هذي الاشهر الانقضت عيني عليه وشفته شون حريص ويحب شغله وهذا خلاني مآمن حيل بي
وما اقلق ع الشغل هناك واذا صار اي مشكله طارئه ميتردد بالاتصال .
كذلك اتصلت ب عمي وخبرته الصار أول بأول خطيه حيل فرح وآكدلي لازم اجي حتى نحتفل بالانجاز الصار .