اني اعشق فصليتي

البارت الخامس

براء/  فتحت عيوني واتفاجئت اجيت اصرخ بس ما اعرف شنو المنعني ظليت اباوع عليه وعرفت انو هاذا هو زوجي لن الغرفة مليانة صور اله خليت وكمت اخذت ملابسي ورحت للحمام

غيث / كعدت ما لكيتهة اوف بس لا عبالهة اني ميت عليهة واجيت نمت يمهة اني حتى ما احبهة ولا راح احبهة لن اني اكو وحدة غيرهة ابالي

براء/  طلعت من الحمام لكيته كاعد ظل ايباوع عليه اني بداخلي خفت منه بس هذا بعد زوجي ولازم اقبل بيه كلت صباح الخير رد علية وكام اخذ ملابسه وراح للحمام يسبح
اني ظليت اسشور بشعري وحطيت  مكياج خفيف كملت ونزلت اسوي ريوك

غيث/  طلعت من الحمام ما لكيتهة سشورت شعري ولبست ملابسي ونزلت

براء/  صباح الخير ماما وبابا

ابوليث/  صباح النور بنتي 

ام ليث/  صباح الورد تعاي اتريكي راح اصبلج جاي

براء/  العفو ماما اني اخذتني النومة وما كعدت اساعدج وانوب انتي تكليلي اتصبين الجاي لا اني راح اصب لنفسي ربي يحفظج

ام ليث / لا ما مقبولة منج انتي مثل بنتي ولازم ادللج بعدج عروس

براء / والله خجلتين ما اعرف شكولج بس الله يحبني لن اني عندي هيج عم وعمة اتو حتى صرتو مثل بابا وماما والله شاهد اني ما احس اني مو بتكم الله يحفكم ويخليكم خيمة فوك روسنة جاي احجي وفجئة دخل وجان عيونة تتجادح ما اعرف ليش

غيث صباح الخير

ام / غيث صباح النور اوليدي اشوكت اجيت عبالي ما تجي البارحة كلت اكيد بات عد اخوه

ابو ليث / صباح النور غيث بس كلي اكو شي ساير وياك اشوفك مو على بعظك

غيث / لا بابا بس اني تعبان وراسي يوجعني

ام ليث برو حبيبتي صبي جاي لزوجج وتعاي اكعدي

براء/ حاظر ماما  اكول بكلبي هاذا المغرور عليمن شايف نفسة روحة بخشمة

غيث / لا تصبيلن اني اريد اطلع عندي شغل

ام ليث / اي ماما غيث محد لزمك تتطلع بس لازم تاكلك لكمة علمود راسك ايصير زين ماما برو ماعلج صبي الجاي

براء / اي حاظر وبعد ما  صبيت  الجاي قدمت اله وجانت ايدي ترجف ظل ايباوع عليه بغظب ما اعرف اني شمسويتلة
يلا اني شعلية بيه

غيث / والله العظيم ما اعرف ليش من اشوفهة اصير عصبي اليوم اول يوم اكعد وياهة بالريوك وانوب امي كالتلهة صبي جاي لزوجج ما صدكت عبالهة اني صدك زوجهة اف ربي اشوكت اخلص من هل مصيبة الوكعت على راسي

براء / خلصنة ريوك غيث طلع ايكول عندة شغل وبابا راح للعيادة مالتة وماما هم راحت لعياددتهة واني ظليت وحدي نظفت وغسلت مواعين الريوك وسويت غدة ودخلت سبحت ولبست تركسود وردي و مكيجت ونزلت جوة انتظر بلكي احد يجي لن صدك طلعت روحي ملاك لكيتهة رايحة للمدرسة من الصبح و بعدهة طلو  جنت صافنة وفجئة اسمع الباب انفتح باوعت واشوف ملاك دخلت هي واخوهة اجوي سوة

ملاك/  مساء الخير برو شمسوية اليوم للغدة يا حلوة

براء/ مساء النور سويتلكم برياني مال دجاج

امير شلونج برو اليوم طتلعة تخبلين مثل الوردة

براء شكرا والله خجلتني يلا روحو غيرو ملابسكم وغسلو اديكم اني راح اصب الغدة وبعد ما راحو ظليت اصب بالغدة كملت حطيتهن على ميز الطعام بالمطبخ ورى اشوي اجة سمعت الباب يدك رحت افتحة كلت منو

غيث / اني غيث  افتحيلي الباب بسرعة

براء / فتحت الباب وسلمت عليه كتلة الله يساعدك رد ودخل
اني دخلت وره هوة راح ايغسل واحنة كعدنة اني وملاك وامير انوب اجة هوة كعد ويانة ظلينة اني وملاك وامير نتشاقة ونضحك بس غيث جان ساكت وبس يباوع عليه وعيونة تتجادح

غيث / براء تعاي اريدج عندي حجي وياج راح اصعد للغرفة انتي من تخلصين تعاي وراي

اني هسة راح انام باجر اذا صار عندي مجال اكللكم وانتضروني بالبارت السادس اوك حبايب وارجوكم علقولي علمود يصيرلي واهس حلوة القصة لو لا