اني اعشق فصليتي

لا اريد الذهاب

السلام عليكم اذا عجبتكم القصة علقولي رجاء وليس امرا
اني مبتدئة واريد تشجيع منكم اسمي ياسمين علي
البارت ٣

براء / وفي اليوم الثاني اجوي عمامي وكالو اهل الولد المتوفي
يردون يكعدون يتفاهمون وياي عمامي و ابوي راح هوة و
عمامي بقينة اني ومرت اخوي و القلق والخوف مصيطر
علينة محد خابر لا ابوي ولا اخوي شلون شيصبر قلبي
وبعد ساعات اجوي عمامي وجانو مبين على وجوهم القلق
والحزن بس ابوي اول ما دخل اجة حظني وظل يبجي ما اعرف شسوي بذيج اللحظة كتله بابا الله يخليك لا اتخوفني

ابو يوسف / لا باباتي لا اتخافين يا شمعة بيتي والله ما اقدر
افاركج بس يا بنتي ما بيدي شي والله يعلم شكد احبج

براء بابا اترجاك فهمني اجاي اتكول شنو هوة اني وين رايحة
اني موجودة يمك ومنو ايخليك اتفاركني اصلن اني ما اخلي اي شي يبعدني عنك انتة كولشي بحياتي انتة مو بس ابوي انتة امي وابوي اني صدك فقدت امي بس انتة ما خليتني احس بفراكهة وبعدهة عني عوظتني عن كلشي

ومن حجيت وي ابوي هيج بذيج اللحظة اول مرة اشوف ابوي محترك كلبة ويبجي بحرقكة

ابو يوسف / بابا برو ما اعرف شكولج ومنين ابدي بس لازم اتعرفين انو ماكو حل غير انج ترحين من عدنة وما راح اتشوفينة بعد لا نكدر انشوفج

براء/ ششششسنو بابا اترجاك لا اتخوفني وهاي اللحظة نزلت دمعتي وما اعرف شنو الموظوع وليش اروح وابعد عن اهلي

ابو يوسف / باباتي برو عمام الرجال الي اخوج دعمة واتوفة
كالو نريد فصلية واذا ما لبيتو طلبنة راح يصير بيناتنة قتل
ما يخلص ويصير الدم لركب واني املي بيج والخاطر اخوتج
لن اذا ما قبلتي ترحين راح يقتلون اخوانج بنتي اترجاج اتوافقين اني مو هين عليه فراكج بس ما عندي حل ولا بيدي شي

براء عفت ابوي ورحت الى غرفتي وظليت ابجي واليوم اول مرة احس اني اريد امي واشتاقيت الهة اهواي رغم من اتوفت امي جنت اصغيرة وما اتعلقت بيهة اهواي ابوي رباني وعوضني قفلت باب الغرفة واتمنيت تنشك الارض وتبلعني

عائلة ابو ليث

اب وليث / خوية ابو مروان كافي ما بيدنة شي هذا قضى وقدر والله يصبرك على فراك ابنك ماجد الله يرحمة بس ليش انتة طلبت فصلية انت ماعندك ولد اتزوجة مروان متزوج ومستقر

ابو مروان / اي خوية اني ما عندي وليد غير بس مروان وهوة متزوج بس ابنك غيث هو مثل ابني وهوة شاب واعي واكيد ما راح ايردلي طلب واني اهدي هاي المرة مني اله اريد احرك كلب اهلهة عليهة واحرمهم من شوفة بتهم مثل ما حرموني من شوفة ابني حتى بعدني ما فرحان بيه شاب بعمر الورد

ابو ليث / بس خوية ليش هيج ليش ما فصلتهم افلوس خطية ايكولون انو ابو الولد الي دعم ابنك هوة ما عندة غير بنت وبعدهي صغيرة

ابو مروان / ليش خوية انتة جن ما عاجبك قراري اني محروك كلبي على ابني وانتة اتفكر بالناس الغرب مع الاسف خوية اني ما اتوقعت منك يطلع هاذا الكلام

ابو ليث / لا خوية مو قصدي اني اعتذر منك والي تريدة ايصير اني راح احجي وي ابني غيث وانشاءلله يصير خير
يلا خوية اترخص راح اروح اشوف ابني واحجي وياه

ابو مروان / الله وياك خوية مرخوص

ابو ليث / ام ليث وينج

ام ليث / ها ابو ليث شبيك شرايد شو وجك ما يتفسر

ابو ليث/ اكعدي عندي حجي وياج لازم اتعرفينة

ام ليث/ يا ستار خو ماكو شي

ابو ليث / اخوي ابو مروان اخذ فصلية من اهل الولد الي دعم ماجد ويكول بما انو ما عندة ولد يزوج الهة راح يهديهة لغيث

ام ليث / صدك تحجي بس اشلون راح تقنع ابنك هوة ما مفكر بالزواج هسة وانتة تدري بيه كل ما افتح موضوع الزواج وياه يتذايق

ابو ليث / والله ادري وحاولت اخلي اخوي يغير رئية بس ما قبل وحسيت بيه ضاج لن كتله خطية لا تآخذ فطلية اخذ فلوس وهو

ام ليث / وهسة شلون شراح اتسوي بهل الموظوع

ابو ليث / راح افتح الموظوع وي غيث وانشاءلله يتفهم ويقبل اني ما اقدر ارجع اخوي هوة هداهة اله واذا ما قبلت راح يزعل عليه وهوة اصلن يكول لو ما غيث مثل ابني جا ما انطيتياهة روحي صيحيلي ابنج غيث اريد احجي وياه

ام ليث / بس هوة واكف بالفاتحة خابرة اذا تريد

ابو لث / ماشي راح اخابر الووو بابا غيث وين انتة

غيث / هاابابا اني واكف بالفاتحة رايد شي محتاجني

ابو ليث / اي وليدي تعال عندي حجي وياك لا تتأخر

غيث / هسة اجي

غيث رجعت لكيت ابوي منتظرني بالاستقبال سلمت ودخلت
جانت امي كاعدة يمة

ابو ليث بابا غيث اكعد عندي موظوع لازم احجي بيه وياك

غيث / انته تأمر يابه

ابو ليث / والله يا اوليدي ما اعرف منين ابدي

بعدني ما امكملة سار عندي شغل بعدين اكمل الكم باي في البارت ٤