اني اعشق فصليتي

مشاعر غير مفهومة

            السلام عليكم اليوم راح اكتبلكم البارت السادس

براء /  خفت من صاحلي وجان عصبي ظليت بس اصفن انتبهت  علية ملاك وكالتي روحي اني اعزل المطبخ خاف ايظل يحجي عليج اذا تتأخرين كمت طلعت من المطبخ واني ادي يرجفن دخلت الغرفة لكيتة كاعد على الجرباية

غيث /  تعاي براء اكعدي اريد احجي وياج لازم اتسمعين كل احجاية وتخلينهة ترجية بأذنج

براء / حاظر اني اسمعك كول شتريد مني

غيث /  شوفي انتي مجرد فصلية مال اتفكرين انو انتي وحدة منه وعبالج اظل احبج لا انتي غلطانة وبعدين منو انتي وتكولين بابا وماما الهلي وتضحكين وتشاقين انتي بس تخدمين ما اريد اسمع صوتج لن صوتج يزعجني ماشي

براء/  اي صدك اني منو يلا اكول ل امك ماما اني اصلن ما عندي ام اني يتيمة وما الي الحق ايصير عندي ام وهم فصلية وابوك مو ابوي واختك مو اختي اني غريبة اني مجرد خدامة مو هاذا الي تريد اتوصل الي مشكور ذكرتني منو اني لن جنت ناسية واسفة اذا اتجاوزت حدودي وياكم

غيث / هاي اني شسويت وليش حجيت وياهة هيج ما اعرف شسوي وياهة هسة هية ظلت تحجي ودموعهة عشر ة عشرة
توكع والله من حجت جانت تحجي بحركة وجعت  كلبي  وتندمت خليت وطلعت وعفتهة تبجي وحدهة

ملاك/  طلع غيث كتلة شكو شصار شبيك عصبي ما جاوب عافني وطلع اني خليت وصعددت جاي اوصل الغرفة مال غيث واسمع براء تبجي وتناشغ دفعت الباب ودخلت جان
الكاهة كاعدة على الجرباية وتبجي صحت شبيج برو غيث مسويلج شي

براء / لا بس اني مشتاقة لهلي

ملاك / برو انتي ما تعرفين تجذبين كولي شكالج زعجج بشي

براء / لا هوة ما كال غير الصدك اني مجرد فصلية لا اكثر ولازم ما اتشاقة واضحك وياكم وحتى ما ا لي الحق انادي امك وابوك ماما وبابا

ملاك / عود صدك تحجين هذا اكيد اتخبل انتي صرتي بنت هذا البيت وما عليج بيه هوة اكيد جان متعصب ولهيج حجة وياج هذا الكلام اكيد ما اله قصد بيه يلا امسحي دموعج والله اذا بابا وماما عرفو انو هوة كايلج هذا الكلام راح اتصير مشكلة ارجوج لا اتكلليهم

براء / اي عفية اني هم ما اريد ايصير بسببي مشاكل يلا خل 
ننزل اذا يجون وما يلكونة خاف ايشكون اكو شي صاير

ملاك /  شوف انتي ما تردين اتسوين مشاكل والله هسة انتي  
كبرتي بعيني عفية حبيبتي اني اريدج دايمن هيج ولازم
تتحملين علمود ايظل ايحبج وايريدج يلا حبيبتي خل
ننزل