عشيقتي

❤❤13❤❤ جزء ثاني

❤ من اول نضرة❤❤
❤عشيقتي❤

البارت: الثالث عشر

بقلمي: فاطمة أحمد

فوفو.. هسه احنا شرحنه حياة سردار بقت حياة آية
اية.. عرفتوني اني اية من بغداد أصلي بس عايشة بتركيا نتقلت الها تقريبا من كان عمري ١٥ سنة كنت كل سنه نرجع للعراق حنى نزور عمامي واهلنا كلش افرح من اركب طيارة ويه اهلي وماما تقرا الادعية على راسي حتى ماخاف ماتوقعت يجي يوم اركبها حتى اخلص من عيشتي وياهم او بالعراقي نكول حتى اهج من اهلي واخلص كانت ضروفنة بالعراق ضعييييفة كلش وحتى بتركيا من اجينه بقت ضعيفة لكن احسن من بالعراق رغم متحجبه اني بس البس بناطير وتنورات ضيقة
عمري ١٨ سنه دخلت شركه اشتغل بيها لن علاج ماما غالي كان المدير ماجد تعاطف وياي هواي وشغلني يمه صح شركه اهليه لكن كل الاحترام بيها اذا شخص عليه سمعة مو زينه راسا يفصلوا وراتب زين مره من المرات اكو مطعم عربي اروح اكل بي لن الاكل عدهم طيب رحت طلبت فلافل بوقتها❤🐸
جان ولد ديشرب اركيلة كدامي اني ماهتميت كعدت اكل شوية واجتي صديقتي صديقتي كانت جدا متحرره هيه عايشة بالبنان بس اجتي لتركيا حتى تكمل جامعة والوضع عجب اهلها وبقوا بنيه كانت جدا لطيفة بس متحرره لبس ومكياج شرب بارات ماصارت الي صديقة سوء بالعكس اتعلمت منها هواي شغلات
اية.. سنارية تاخرتي
سنارية.. يمعودة الطريق هوووسة حقراء العرب من يشوفون وحدة عربيه تسوق يضلون يزحفون زحف تكول فيران
اية.. ههه طبعا عيني الي يشوف لبسج هيج وعربية يتفاجأ وخصوصا احنا العرب معروفين متحفضين مو مثل حضرتج
سنارية.. طاح حضج خل استراح يمه تعبت من ريحه البانزين
اية.. اكلج شبي هذاك صافن عليه عبالك شايف بعبع
سنارية.. مبين سرسري عوفي وحترمي نفسج وكعدي راحه
اية.. شبيج ولج شكلت
سنارية.. مو اعرفج غبيه وعبالج كل الناس مثل طيبتج
اية.. عابتلج تعالي اكلي اخ يمه حنفجر
سنارية.. وياريت يبين اني حاخذ دولمة اشتهيتها شو
اية.. اخذيها خيه
كملنه اكل ورجعت للبيت
خلصت تنضيف ونمت عائلتي متكونه من بابا وماما واخوية واختي التوم
اختي جانت كلش طماعة لدرجه ماعاجبها وضعنه رغم احنا مو كلش اغنياء ولا فقراء لكن عايشين وحلمها كله تحب رجل اعمال وتزوجه على مود فلوسة وتغار مني ماعرف ليش هيج اني احبها حيل
رجعت للبيت
رسل.. اي عيني ناس تتحسر على الطلعة وناس راجعة بال٨ بليل للبيت
اية.. رسل شنو هل حجي
الام.. اية رسل كافي كلام زايد اية روحي لغرفتج بدلي حتى تاكلين
اية.. اكلت ماما برا اني وسنارية هاج ماما هذا الراتب انتي رتبي امور البيت بي وبست راسها
الام.. الله يرضه عليج بنتي
رسل.. هاهيه ربطت ست اية صارت موضفة وينطوها راتب
الام.. رسل حترمي نفسج
اية.. يلا ماما عوفيها اني حروح امدد لن تعبانه
اية.. رحت مددت من تعبي نمت رأسا كعدت بال٧ نفس الروتين دوام بس هل مره كالوا المدير اجه اني كلتلهم ياهوه منهم كالوا ماجد بوقتها تشجعت ادخل اله حتى يوضف اختي ويانه مهما كان بنيه وتحتاج مصرف وحتياجات وهوه وافق مشت فترة وراح واني نفس الروتين مره وصلني طلب صداقة من شاب مادري وين شايفته كال من بغداد بس عايش بتركيا وبنفس محافظتي 😐
ماثيو.. اي عيني
اية.. شنو معنى اسمك
ماثيو.. اجنبي اسمي معنى هدية الله
اية.. اها
ماثيو.. اية اني احبج واريد اخطبج نيتي وياج بيضة وواضحه والله
اية.. ماثيو تعرفني اني مو مال علاقات
ماثيو.. اعرفج والله لهذا حبيتج
اية.. استمرت علاقتي مع ماثيو ٥ اشهر وراها خطبني
اية.. ماما باعي اخو صديق سنارية يريد يتقدملي الاسبوع الجاي حبيت اكوللج
الام.. اية بس لا مسويه مكسورة
اية.. ماما شهل حجي مواثقة من بنتج
الام.. لا بس خايفة من شباب اليوم
اية.. لتخافين يمه
الام.. اي نشوف شسم الولد
اية.. ماثيو
الام.. شهل اسم ماثيو منين جبتي هل ولد بس لا مسيحي
اية.. لا يمه مسلم
الام.. يلا هسه روحي لغرفتج
اية.. خوش رايحه
رحت وراها بيوم اجه ماثيو يتقدم بابا سالة على كل شي ادق التفاصيل واتفهه
ماثيو.. عمي اسمي ماثيو عمر وهذا عنون شغلي وأسأل عليه
الاب.. سني شيعي
ماثيو.. عمي ماكو فرق كلنا نعبد الله
الاب.. غير دسالك ماكو طائفة ابني
ماثيو.. سني عمي
الاب.. خوش فترة ونردلكم خبر
اية.. واكفه على نار اسمع على الباب اني وسنارية لن اجتي تساعدني ديطلعون الناس جان تعيط سنارية لج طفري حيطلعون اكو صوت مشي
اية.. عزا امشي للمطبخ صعدنا فوك كبل
سنارية.. خرب يومج عمري مصاعدة درج بهل سرعه لا والخبله اجرها متمشي
اية.. لج بهيج مواقف الضحكه تلزمني
سنارية.. جان نفضحتي ياثولة اكلج هذا وين شايفي ياااا هذا نفسه ابو الاركيلة لج
اية.. يابو الاركيلة
سنارية.. لج هذا الي شفنا بالمطعم العربي
اية.. يااا لج مامدققة معقولة من شافني حبني يايييي وكمت اكمز
سنارية.. نجبي نجبي اكلج هسه تعالي نسال ابوج
اية.. وي انتي ولي اني ابقى هنا اسوي جاي نشربه
سنارية.. تمام
سنارية.. هلو عمو
الاب.. هلا سناري
سنارية.. ها عمو شنو رئيك بالولد مبين طاك ههه
الاب.. ميفيد هذا سني
سنارية.. عمو ماكو فرق سني شيعي كلنا نعبد الله
الاب.. لا اكو فرق ماريد بتي تروح يم واحد يحجي كال عمر وكال علي
سنارية.. عمي ماكو فرق احنا كلنا إسلام ونعبد الله اول وتالي مسلمين ومحمد نبينا لا عمر ولا علي. صح لو لا
الاب.. هذا الحجي ميصيرفلي مانطي بنتي لواحد سني يعني مانطي
سنارية.. خوش عمي بس احب اكلك ماكو شي دمر بلدنا ودمرنه احنا كبشر غير هل طائفة وطغاوة اول وتالي مسلمين واحنا الاسلام اخوة المسلم اخو المسلم مو صح هل كلام
الاب.. هذا الكلته اني وراح
سنارية.. اووووووووف وصعدت اية لج الولد طلع سني وابوج معلك
اية.. لا بربج عزا شحسوي😢
سنارية.. باعيلي باجر تروحين تكوليله بابا اني احب ماثيو مادري شسمه
بشار.. سناري منين جايبة هذا السني الطاغي
سنارية.. يمعودين شبيكم شهل طائفة واذا سني اصلا تصحيح ماكو شي اسمه سني او شيعي بالدين او الاسلام هاي بس تفاهات اخترعوها حتى يفرقون بين المسلمين وانتو طبقتوا هل شي
اية.. يمعودين حتتعاركون كافي حروح اني
سناري.. اني هم باي ايو مححح جاو حبي
اية.. نزلت اشوف بابا واصارحه بالحقيقه
اية.. بابا انت كاعد
الاب.. اي بنتي كولي
اية.. بابا اني
.
.
.
يتبع
الي يحب يعرف اية تشبه منو اكثر شي تشبة الممثلة لجين عمران كل ما اشوفها اشوف بيها اية نفس الملامح