ضلينا اليوم كله واني استقبل الاقارب والناس اللي تجي تشوفني وسولفت لأهلي على كل الاحداث والتهيت بيهم وما شفت صفا لحد ما صار الليل دخلت على اختي ام حسين اسألها عليهم لأن هي اللي تكفلت بيهم من وصلنا وكلش انقهروا على حال صفا وبدوا كلهم يداروها ونسوان اخوتي وامي ما قصروا والحجية امها بس تتشكر منهم
مرتضى: عيني ام حسين بشري
-والله يا خوية كلش تعبانة وما اكلت وبالموت قبل شويه يلا امها قنعتها تشرب كوب حليب وتاكل لفه
-شوفي ام حسين ما اريد احد من الخطار يشوفها بهاي حالتها
-يمكن اخوي عاشك هههههه
-ههههه مو وكت شقا تره بعدين تشوفين شلون بنية هي وعود كولي ليش خايف عليها وبعدين هاي اللي رجعتني من الموت
-اوووف الله لا ينطيهم شنو ذنبها شافت ابوها ينكتل كدامها
-ام حسوني ديري بالج عليها ما الها احد هسه لما اكدر اتصل باخوتها او خوالها
-بعيوني اخليها هاي صارت معزتها جبيرة عدنا
سجاد:ها خويه يلا تره الولد اصدقائنا محضرين عزيمة الك ما نروح
-اي يالله امشينا
ريم :بعد مقتل ابوية ما وعيت على نفسي عايشه واباوع بالوجوه بس مثل الحلم لا احجي ولا اعرف احد الا بعد ثلاث ايام لكيت نفسي بالعمارة اني وامي ببيت اهل مرتضى جنت كلش تعبانة وكلامي ما يطلع من صدري والليل كله انحب وابجي عاللي راحوا مني وكلهم يحاولون يهدوني تعرفت على عائلتهم كلش خوش ناس وشالونا بالصلوات الحجية ام سجاد وبنتها ام حسين النهار كله كاعدات يمي ويصبرون بيه بس اني جنت ما ارد ولا احجي ويا بشر ومرتضى يوميه اسمعه يجي لباب غرفتنا ويضل يسأل علينا كبر بعيني وزاد احترامي اله ولأهله وبيوم الرابع اجتي بنية صغيرة عمرها سنتين كعدتني من النوم الفجر عرفت هاي بنته جانت تلعب بشعري ومن كعدت حطيتها بحضني والعب بيها لحد ما كعدوا ساعتين هي عندي كلش حبيتها حلوة وصغيرة بعدها وعدها عيون ابوها ام حسين من كعدت اجت تركض خايفة ما لاكيتها بكل البيت ومن عبرت وشافتها ارتاحت وجتي اخذتها مني 5
ام حسين: صباح الخير خيتي كون ما ضوجتج هاي الوكحة
-صباح النور لا والله بالعكس تونست هو اكو احلى من هالوجه يكعد الناس من الصبح
-شلونج اليوم ان شاء الله زينه ....اخيتي تره هذا امر الله وما يصير انت كاعد تعذبين ابوج بهاي حالتج
- الحمد لله على كل حال حسبي الله ونعم الوكيل عليهم حرمونا من عنده
-الله لا يوفقهم اي شسوتلج هاي الفصعونة
-فدوات ربي تخبل ردت اكلها شلون حلو تضحك
-كل يوم نخليها تكعدكم اذا هيج تغير المزاج ما طالعة على امها همزين
أنت تقرأ
قــصــتي مــع نهہر دجلهہ
Romanceالجزء الاول نهر دجلة ماي اطيب من العسل ريحته اطيب من المسك ينطينا احسن رزق والخير بي ما يخلص بس حاله مثل كل نهر مثل ما ينطي ياخذ ومرات اللي ياخذه اغلى واعز من عطايا لسنين وسنين.
