قــصــتي مــع نهہر دجلهہ

بــآرت 11

صفا:

اليوم جان مهرنا ومرتضى حبيبي ما ضل شي ما جابلياه وباجر نروح للعمارة اني وامي وخالد وعائلته لأن عازمينا ونشوف البيت اللي اشتراه مرتضى النا وطبعا يكولي اكو مفاجأت هناك تنتظرني .... ثاني يوم من الصبح طلعنا للعمارة ورحنا لبيت سجاد ابو علي ورحبوا بينا ومسوين عزيمة كلش جبيرة كل اقاربهم وعمامهم حاضرين واليوم كله ما شفت حبيبي وصار الليل وهو ماكو بس كل شوية يدك عليه نحجي شويه ويروح لان النسوان وحد والزلم وحد وبعدين عرفت وحده من النسوان ام بنين زوجته الاولى باركتلي ولا مهتمة ومامقهورة ووصتني على بنتها بس اني الغيرة اكلتني من وراها صح هي مو حلوة وشكلها رجولي وشعرها قصير بس اني كمت اريد اموت من الخنكة ولما اجه مرتضى باليل بعد ما راحوا الخطار كضتها شقه وضحك وياه واني سكتت ولو مو الناس كاعدين يمنا جنت جان صرخت وبجيت الما اطلع قهري كله وهو ولا انتبه بس ام حسين جتني ركض واخذتني لغرفة سجاد وقفلت الباب واني انفجرت بالبجي هناك وهي تسكت بيه وتضحك

-شبيج ام حسين ليش الضحك عاجبج حالي وسواية اخوج شسويتله اني وهيج يجازيني اذا يريدها ليش خطبني

-هههه يمه الحب يمه تغارين عليه

-كافي ام حسين وروحي كولي لأمي ومرتضى نرجع للبيت

-ولج يالخبلة شبيج انت مصدكة مرتضى لساه يريدها

-لعد اجذب عيوني شوفة عينج ميت ضحك وياها

-لا حبيبتي لا شفتي ولا سمعتي لج هي كاطعة مهر وجاية تشوف بنتها قبل ما تتزوج وراح تسافر واصلا هي ومرتضى صايرين عبالك اخوان وما يريدها بعد لو يصوغوها ذهب كلها

مسحت دموعي وهي تضحك عليه وهنا اجا مرتضى يدورنا وعبر للغرفة وتخبل لان شافني دا ابجي

-انت هنا حبيبتي شبيكم ام حسين شبيها ليش البجي

-احم احم اني رايحه وانت ضل شوية ويه زوجتك بس مو تطولون تره امها هنا مو تنسى راح الهيها شويه وبس تسألني اجيكم

- يله روحي قفلت الباب وانداريت على حبي...شبيها قلبي منو زعلها ليش هالبجي

-ماكو شي بس ما تعرف انت ليش

-لا والله ابد شنو شبيج خوفتيني

-ليش تتشاقى هيج وياها ما تكول اني كاعدة

-لج هاي شنو صدك تغارين عليه يابه اني امي داعيتلي هالخلقة الحلوة تغار على واحد مثلي

-ليش لعد ما اغار بعدين هو ماكو احلى منك

-اوف راح اموت تحبيني صفا

- هزيت راسي

-اريد تكوليها مو تأشرين براسج

-بصوت ناصي اي

-شنواي كوليها

-احب..ك