بغير مكان بالتحديد محافظة ميسان /العمارة
ام سجاد:تبجي يمه سجاد ماكو خبر عن اخوك ما عرفت شي
سجاد:يمه ابوس ايدج كافي بجي صار شهرين راح تعمين فدوة كافي
ام سجاد:ولك يمه كلبي نار لا شايفته ولا اني دافنته وكاطعة نفسي مو انت ضابط ما ينطوكم نشدة عنهم
-يمه مرتضى عد مجرمين وهناك كلهم دواعش يمه يرادلنا حظ وبخت اذا خلص منهم
-يا يمه يا وليدي شلون ربي برد كلبي وردلياه هالنوب بنته شلون شيفمهمها امها ذبتها ومشت وهسه ابوها
-لا تخافين بنين بركبتي لحد ما اموت هاي بنت اخوي وعمرها ما تنضام ما دام بصدري نفس
-ما يكفي وما يعوض عن ابوها لو نشيلها بعيونه
مرتضى : بعد ما نهزمت من المكان اللي احتجزونا بي ركضت وجانت الدنيا ليل قبل الفجر بشوية المكان بساتين انضربت طلقات برجلي وكمزت ذبيت نفسي بالشط وهمه ضيعوني ضليت احاول اسبح بس ما كدرت لأن متصوب وصلت لمكان بعيد تعبت وكام المي يكلب بيه ونفسي كام يثكل سلمت وتشاهدت بس جان كبالي صورة بنين بنتي الوحيدة اللي فكرت بيها بهاي الاثناء حسيت احد يجرني من الماي سديت عيني وحمدت ربي لما طلعنا شفت شابة حلوة كلش واكفة على راسي ومبين عليها الخوف ركضت صاحت زلم وعرفت اسمها صفا وابوها ضل يغلط عليها ويريد يضربها والرجال الثاني يحاميلها وخايفين مني وخايفين من الدواعش لا يدوروني وهي توسلت بيهم حتى يساعدوني وتكلهم احسبوا مصطفى وبالموت يلا قنعتهم وشالوني هي والرجال ووحدة ثانية وياهم وطلعوا الطلقات بس الالم اللي شفته بعمري ما شايف مثله اغمى عليه وما حسيت الا وره ساعتين تشكرت منهم وعرفت نفسي واستحيت اسأل عن اللي طلعتني بس ضليت خايف منهم لا يسلموني لداعش وخصوصا بعد ما عرفوا طائفتي وشغلي واني خفت لا يغدروني.
صفا:
حبست نفسي بالغرفة وضليت لليل ما اطلع لان اهلي خافوا عليه بحكم اني شابه وهذا الولد بالبيت وما نعرفه ابد وابوية خايف لا يغدرنا لان الدنيا ما ضل بيها امان ,لليل ردت اروح للحمام طلعت على كيف وفتت بالممر وهو بالاستقبال سمعت ونين قوي انقهرت عليه فتحت الباب لكيته يلوب بالكاع من رجليه وزاحف متمدد عالكاع عبرت هو فز مني ....
-السلام عليكم
-عليكم السلام .....ااااخ يابويه
-خويه اجيبلك شي... تتوجع اصيح عمي ابو نور ه
-لا خويه بس اذا عندج مسكنات راح اموت م الوجع
-اي هسه اشوفلك رحت ركض جبت ادوية وماي وجيت
-مشكورة خيتي لو ما انت جان هسه اني ببطن دجلة الله دزج بذيج الساعة اني مديون الكم
-لا ما سويت شي والحمد لله على سلامتك يلا اني رايحة محتاج شي
أنت تقرأ
قــصــتي مــع نهہر دجلهہ
عاطفيةالجزء الاول نهر دجلة ماي اطيب من العسل ريحته اطيب من المسك ينطينا احسن رزق والخير بي ما يخلص بس حاله مثل كل نهر مثل ما ينطي ياخذ ومرات اللي ياخذه اغلى واعز من عطايا لسنين وسنين.
