جا الصباح و ناضت تقذي الصوالح ولات تصيق برا حتى شافت الجاجة تعفسلها وين صيقت
توبة:يا الجاجة الكلبة يا الحمارة علاه راكي تعفسي أرواحي هنا
ولات تجري موراها قايستها بالفروتوار جابتها في رجلها كي شافتها هكاك ولات تضحك صايي فرغت زعافها كملت التسياق و دخلت تنشف الداخل حتى شافت يماها داخلة و البليغة في يدها
توبة:علاه راكي تعفسي أوف ني نخدم عندكم واقيلا
أمينة:أرواحي هنا يا كلية كيفاه تدريب الجاجة صبت رجلها مكسوره
تفكرت توبة وش دارت ولات تجري فكولوار و ياماها موراها
أمينة:والله متسلكي من يدي اليوما
توبة:هي عفستلي أنا قتلها أرواحي ليا
أمينة :نتيا مهبولة
أمينة:(كي عيات)كملي تنشافك و كي تكملي نهدروا مليح مليح
راحت و رجعت للتنشاف حتى دخل سيف الدين ولا يعفسلها
توبة:أخرج عليا برا علاه راك تعفس راك تشوف فيا نشف
سيف:صايي مشفي و بلعيه عاودي مورايا وش فيها
توبة:نعاوددد موراك😬😬😤ني نخدم عندك واقيلا
مااااامااااا عندك لوليدك والله دوك نحط النشاف و نروح
أمينة:آههه يا ربي دايمن معاك نتي دايمن ميدخلش خوك للدار
توبة:كي نكمل و يدخل آه يربي عيتوني ني نخدم عندكم
(ولات تفاتن و تنشف)
دخل باباها صاحبها تفاتن
كمال:نتي دايمن هاك دايمن نهدر مع جدك
توبة:هو اللي رآه يعفس
كمال:بلعي فمك نزيد نسمعك تهدري مع واحد من خاوتك هكا نوريلك والله نهارك مايتلع فيه الشمس
كملت و هي زعفانة فالفطور محبتش تفطر
توبة:يزعفوني أومبعد مانكلش نورمالمون هوما مياكلوش ماشي أنا والله غير نهبط ناكل شنانة فيهم
دخلت للكوزينة صابت خير الدين و سيف يفكروا
سيف:هاهي جات
توبة:😒😒
خير:بلع و خليها تاكل كع بسبابك
أمينة:ماشي قلتي متفطريش
توبة:ماشي علا حالكم مناكلش نتوما اللي متاكلوش
سيف:ڨع ڨع و كرشها لالا
أمينة:كي تفطري أغسلي الماعن
توبة:ڨولي لوليدك يغسل الماعن أنا منغسلش
جا باباها كي سمعها تعيط و جاب العصا
كمال:نتي نضالي نهدر معاك عيتيني خساتك هراوة لله تحشمي علا روحك
أمينة:خلاس خليها أنا نهدر معاها
كمال:بعدي متريڨي و أخرجي مالكوزينة
تخبات توبة مور خير الدين
خير:صايي بابا خليها كونا نڨسروا برك
كمال أخرجوا نتوما برا للكوزينة ولا علابالكم وش يسرا
خرج سيف و خير و أمينة مالكوزينة بسك علابالكم لكان يڨعدوا يزيدوا يعقدوها
توبة:يا بابا سمحلي والله مانعاود😢😢
غلق الباب تع للكوزينة ولا يدري فيها و هي تضبح
تكسرتلوا العصا مصابش باه يدربها أرفد الكسرونة اللي كان فيها الما سخون أدفڨ عليها
عيطت عيطة سمعوها ڨاع أومبعد طاحت فالأرض
أمينة:كمال حل الباب حل 😢😢😭
خبر:بابا أفتح الباب
سياو يكسروه مي مقدروش مسمعوا والوا بعد العيطة اللي عيطتها
باباها كان مخلوع و يشوف وش دار قلاقوا وش خلاه يدير في بنتوا صح دايمن يدربها مي جامي وصل و دارلها هكا
أنت تقرأ
#أُحِبُكِيْ_بِجُنُوْنِكِيْ🎎
Horror*الحياة گ البيانو:🎹 لايكتمل لحنها بالمفاتيح البيضاء ..◻ لابد من استخدام المفاتيح السوداء◼ اليس غريبا أن نسميه ماض⚪⚪ ⚪⚪ ونحن نفكر فيه في گل لحظه..
