#أُحِبُكِيْ_بِجُنُوْنِكِيْ🎎

الزواج

نهار دارت الشركة رحلة للملاهي راحوا فيها ڨع حتى بهاء و خوه و مرت خوه و ولادهم
وصلوا راحوا لعبوا مع بعض   و اللي قلقوا كانت الرجال لي يخدموا معاها ڨع تلعب معاهم مع أنوا ڨع دايرينها كيما ختهم
عياة و قعدوا و توبة ناضت ولات تقولهم نوضوا تلعبوا و تمشي للور و تشوف ليهم زدمت في واحد
دارت ليه
توبة:سمحلي
الطفل:السماح الزين
توبة:آي أحترم روحك
ناضوا ليه اللي يخدموا مع توبة :آي نتا أحشم ولا والله تدي طريحة
الطفل:ههههه طريحة علا جال وحدة قح**و بويها ماهوش مربيها
توبة:ب😤😤بالاك تهدر على بابا ولا والله ندير حاجة متعجبكش
الطفل:وش يدير الزي..
مكملتش هدرتوا على الحال الدبزة اللي داها من بهاء
بهاء:يا حمار قبل متهدر معاها خمم مليح فوتني أنا قبل باه توصل ليها هي
طفل:على جال وحدة كيما ذي قح**
بهاء:😤نتا جبتها لروحك
طاح عليه يدرب فيه صحاب هذاك الطفل جاو رايحين يتحاماو فيه بصح اللي يخدموا مع توبة مخلاوهمش و ولاة يدربوا هوما فان
كي فرغ جنو راح لتوبة و شدها من يدها و داها بعيد عليهم
بهاء:عجبك الحال هكا كي رآهم يهدروا عليك
توبة:متهمنيش هدرتهم وش يحبوا يهدروا يهدروا
بهاء:أنا تهمني شوفي الخدمة يسموك تحبسيها متزيديش جي الشركة
توبة:و علاه
بهاء:مرتي منحبهاش تخدم
توبة:مرتك أنا وش دخلني فمرتك
بهاء:نهدر خطرة وحدة و سمعيني مليح مليح أنا ملي عرفتك و أنا وحدوخر بدلتي كلش فيا كنت الحياة عايشها غير الخدمة مي دوكا ني عايشها باه نبني دار و عائلة كنت نضالي مقلق مي دوكا راني مليح و نضحك و هذا ڨع نتي درتيه توبة تتزوجيني
توبة:راك معايا ؟؟؟
بهاء:لالا مع خيالك
توبة:نن
بهاء:علاه؟
توبة:اللي يتزوجني ميطلبنيش هاك
بهاء:إيه غدوة نجي لافامي تعك
توبة:لالا لازم تكون سبيسيال فهمت
بهاء:أنا هدرت هدرة غدوة نجي و صايي
توبة :و أنا و ماشي قابلة
راحت و خلاتوا
بهاء:أنا دوكا وش ندير؟؟
كانت في دارهم تتفرج و تاكل فالطوماطيش و تتفرج فمسلسل تركي
توبة:أنااااااااا يطلبني هكاك كي شغل راهو يقول فصباح الخير والله منقبل
كانت تهدر حتى راحت التريسنتي
توبة. :ماااامااا سيفووووو خير الدين
مجاوبها حتى واحد كانت تمشي فالضلمة واحد جا و شدلها يدها و ولا يجر فيها
توبة:سيفو هذا نتا؟؟هاو جاوب علاه دايمن تبغي تتمسخر معايا هاكا علاه دايمن بغل و متخم...
مكملتش هدرتها بسباب الفيديو اللي كانت تشوف فيه  في الحيط تع الشومبرة هي كيما كانت تتبهل مع ولاد أمير ولات تشوف في روحها و تضحك
سمعت الضحك شعلوا الضو صابت يماها و خاوتها و بهاء و لافامي تاعوا
توبة:شراكم ديرو هنا
غمز بهاء لنور اليقين راحت ل توبة و مدتلها حبة طوماطيش
بدأت تاكل فيها و تهدر
نتا اللي صورتني إيه هذا وين فهمت مي علاه صورتني آحح سناني طاروا (كلات عفسة يابسة  )جبدتها من فمها صابتوا خاتم قدم ليها بهاء و دا الخاتم من يدها و قالها :توبة يا المهبولة و البهلولة تتزوجيني باه نداويك و نرجعلك عقلك و لا نتي تهبليني معاك
توبة :لالا نتا تهبلنب
بهاء:جاوبي
توبة:إيه
جا رايح يديرلها الخاتم حبساتوا
توبة:حبببببيسسسسس😱😱😱
بهاء:واششش
توبة:لازم يصورنا سيف أجري صورنا و دير حاجة فيها فائدة فحياتك
بهاء:ههههه قتلك مهبولة دارلها الخاتم
و بوركولها
رتاج:مكنتش نأمن بهاء كي قلنا مهبولة مي كي شفت الفيديو أمنت 😁😁 بهاء:أمني أمني
توبة:😱😱😱😱😱😱متقوليش جيتوا تخطبوني و أنا بدو الحوايج و شعري مكشرد
ڨع:ههههههههه😁😁😂😂😂😂توبة:😞😞😥😥ذاك الزهر دايمن لازم تتعما في جيهة