كانت توجد لعرسها و جا النهار اللي حبت تفرغ لبهاء كلش
عيطتلوا توبة:بهاء ني حابة نحكيلك عفسة
بهاء:أحكي متخوفينيش
توبة؛راك سيي
بهاء:أحكي
توبة:أنا كنت الطفلة الوحيدة في وسط خاوتي بابا مكانش يحب البنات كان يكرهني كان حاب دايمن يبكلني مقرايتي مي ماما و خاوتي مخلاوهش كان يضربني كي يتفاتن هو و ماما و يحبسني فالشومبرة باليومين كان يسبني يقولي هدرة نكره روحي بيها
بابا مات فأكسيدون صح كان يكرهني مي أنا كنت نحبوا نتمنى لكان كان حي و يحضر نهار عرسي و كي جبت الباك كنت نتمنى يكون معايا في كل حاجة كنت محتاجتوا مور ما مات بدلنا دارنا و جينا للبلاد و كلش خليناه لوليد عمي تماك بسك خاوتي ميحبوش يزرعوا نقسموا الرب و الخسارة مع وليد عمي طينالوا دارنا كلش و الدراهم اللي يجوني من حقي دايمن نحطهم فالجمعيات و ننويهم على بابا باع نتلاقى بيه فالجنة أوموان يكون يحبني فالجنة بسك ربي يجمع اللي يحبوا بعضاهم فالجنة و أنا حبيت واحد في حياتي و كنت قادرة نمدلوا عينيا و اللي هوا بابا مور ما مات موليتش نرقد و لحد لي عرفتك و ليت نخمم فيك حتى نرقد كيما مكنتش نرقد من قبل كنت نشوف بابا راضي عليا في منامي (مقدرتش تكمل كانت تهدر و تبكي)
بهاء:توبة !!
توبة:أممم
بهاء:مام أنا عانيت ماما و بابا ماتوا عمومي قاسونا واحد مصبناه أنا و خويا صبنا غير جدة مور ما ماتت كانوا جايين يخرجونا مالدار و يقسموا الورث حتى وين صابوا جدة محلية وصية بلي الدار ليا أنا و خويا وليت نخدم و نتمرمد عند الناس كنت طلاب لبنات كانوا يضحكون عليا قريت و كملت قرايتي و خدمت و تعبت على جال خويا الصغير كي كسبت الدراهم ولاة لبنات يهدروا معايا جبدت عليهم ڨع عرفت بلي هوما غير تع صوالحهم حتى وين جبتي نتي فحياتي مضحكت كيما كنتي نتي ضحكيني و عرفتك بلي نتي ماشي كيما لبنات لوخرين و قررت غير نتي لي نديك ربي بعثك ليا تبدليني و أنا نعوضك علا كلش
توبة:😢بهاء
بهاء:ويي
توبة:نحبك
بهاء:😮😱مسمعتش
توبة:😓😓والوا تصبح بخير و كوبات عليه
جا نهار العرس حلم كل طفلة فات يهبل و مننساوش توبة و هبالها كانت تروح تبدل تسمع غنيا تحبها تخرج بلا صباطها تجري و تشطح مع صحاباتها 😂😂
فاتوا شهرين علا زواجهم راحوا شهر العسل كل سمانة وين و مننساوش تبهليل تع توبة
كان يخدم فالشركة تاعوا حتى دخلت عليه توبة
بهاء:وش جابك
توبة:جيت نخدم
بهاء:شغال منخطرة نهدر و نقلك مكاش الخدمة
توبة :علاه!!؟؟
بهاء:منحبش مرتي تخدم مع الرجال
توبة:ديرني مع النسا
بهاء:مكاش
توبة:أنا قتلك نخدم نخدم
بهاء :فوائد تشوفي قدامي أهبطي للطونوبيل
توبة:أوف أوف
هبطوا و ركبت معاه و هو مزعف
توبة. :نلعبوا أكسيون فيريتي
بهاء:روحي
توبة:أكسيون ولا فيريتي
بهاء:أكسيون
توبة :نديرلك غنية و هبط تشطح فالطريق
بهاء:نتي مهبولة منديرهاش
توبة:خسرت كنت عارفة مكاش قدها
حبس بهاء الطونوبيل و دار غنية و زادلها نزل مالطونوييل و ولا يشطح
توبة:ننزل نعاونك نشطح معاك
ركب فالطونوبيل :أحكمي بلاصتك
بهاء:دوكا نتي أكسيون و لا فيريتي
توبة:أكسيون
بهاء:روحي لذيك المراه جيبيلي نيميروا
توبة:😑😒😒منلعبش صماطت
بهاء:ههههه مزية باه تسكتي
وصلوا للدار و بهاء نزل و خلا توبة بقات فالطونوبيل تكونيكتي و زعفانة منوا
توبة :والله نتطلع نبات ليوما هنا
طلع هو دوش و هبط يحوس عليها مصابهاش عيطلها فالتيليفون تكوبي
حسبالوا راحت لدارهم دا المفاتيح باخ يروح ليها كي وصل صابها فالطونوبيل متكسلة و تكونيكتي
فتح الباب بهاء:علاه مكيش ترييوندي
توبة:منفحتليش
بهاء:ولات الدخلة للدار بالنفحة يا سيدي
توبة:إيه
جات رايحة تغلق الباب تفكرت عفسة
توبة:معليش تسلفلي يا جاري شوي ماكلة و غدوة نرجعهالك
بهاء:😕😮
رفدها و غلق الباب و دخل للدار
توبة :يا بغل هبطني
بهاء:دوك نوريلك إيدا جارك ولا لالا
دخلها للدار ولا يدغدغ فيها
توبة:حبس 😂😂😂😂حبس آي كرشي ضرتني ماضحك حبس هههههههه
ولات توبة اونسانت كانت تتوض بهاء فتص الليل جيبلي طوماطيش هبلاتو
وصلت وقت الولادة
فالطريق
توبة:نلعبوا أكسيون و لا فيريتي
بهاء:يا الحمارة دوكا وقت أكسيون و لا فيريتي
توبة:آيي كرشي
وصلوا للسبيطار كانت داخلة فالباب صابت ناس توفرت بالمزيد الجديد
توبة:يااااااااا ناس تزغرت نهار يولدو بهاء معليش نزغرت آييي كرشي
بهاء:إيه باخ الطفل يطيح هنا
توبة:أرفدني و بلع أجريييي
كان رافدها و يمشي باخ يدخلها
توبة:بهاء "هاء" ديرو الطعام في جنازتي"هاء" ....
بهاء:راحوا جاها التبهليل تقولي مانيش رايحة تولد أنا ني رايح نولد
توبة:ياا بهاء فكرة وش رأيك تولد في بلاصتي
بهاء:عيتيني
توبة :متحبنيش 😢😢😭😭
ههههههههه ولدت توبة و جابت سجود و بهاء راهوا خايف إيدا جي كيما ياماها 😂😂😂😂
ربي معاك خويا بهاء
أنت تقرأ
#أُحِبُكِيْ_بِجُنُوْنِكِيْ🎎
Horror*الحياة گ البيانو:🎹 لايكتمل لحنها بالمفاتيح البيضاء ..◻ لابد من استخدام المفاتيح السوداء◼ اليس غريبا أن نسميه ماض⚪⚪ ⚪⚪ ونحن نفكر فيه في گل لحظه..
