قاعدة قدام التلفزيون و تتفرج فالماتش تاكل فالطوماطيش جا خوها وقف قدام التيلي
سيف الدين:مفهمتش علاه تحبي الطوماطيش
توبة:الله الله 😒😒😕😕دوكا شا جابك ليا
سيف:(دار شاف وش راهي تتفرج ) نتيا متتبدليش ؟؟
توبة:قولي دوكا علاه راك تخلت فيا
سيف:بعدي لهيه شوية خاليني نڨعد سمينة هنا
توبة:راك حاب تموت إيه غير روح أخطيني نتا جيبلي غير لي بروبلام
سيف:أيا نودي تقراي عندك الباك (طفا التيفي)
توبة:قولي علاه تبغي دخل روحك علاااااه ؟؟؟
(ولات تمثل)علاه علاه تحبوا تفكروني فالباك فالكوشمار تع حياتي 😔😢😢
سيف:هاي بدأت تمثل
توبة :كي داير 😒بنعااااميييي
سيف:روحي تقراي و مديلي كيتمان
توبة :تدي💩
سمعها باباها
كمال؛وشنوا هادي الهدرة لي راكي تهدري فيها متحشميش علا روحك سكتلك دو نهارات راكي دايرة رايك خوك كي يڨلڨ أقتلي روحك تقتلي روحك و بلا هدرة
توبة:بصح...
كمال:صايي بلعي فمك و بعدي وجهك عليا
راحت لشومبرتها و تسايي تحبس دموعها
توبة:(تهدر مع روحها)صايي أسكتي صايي متبكيش علا حاجة متستهلش
راحت توضات تصلي زوج ركعات تشكي لربي همها و تطلب منو الصبر علا بباها
كملت هبطت من الدرج
توبة:مااااامااااا
أمينة:وش تستحقي
توبة:جععععتتت😢😢
أمينة:مينتا شبعتي نتي
خير الدين:خلوها تاكل وش دخلكوم نتوما شوفوا الباك وش دار فيها
توبة:😢
سيف الدين :بركاي متمثلي علينا مكاش تشوف فيها سمينة نتا نفسي شوي ماكاو نقصي
توبة:أنت شو دخلك(تتكلم سوري)
خير:راهي تهدر السورية معناه راهي زعفانة منك
توبة:😒😒😡😡
سيف:هههههههه و كيفاش نصالحوا الزين
توبة:😍نقلك
سيف:ڨولي
راحت قعدت فوق رجليه :ليوما شفت وحد لاديداس فور عجبتني بزاف
سيف:معندكش بباك
توبة:بففف علبالي لكان نقولوا يقولي لالا بسك البارح شريت غوب و ساك
سيف:غير الحوايج
أمينة:لالا متشريلهاش رآه عندها كولاكسيون تع صبابط ماخيش تلبسهم
توبة:اوف اوف
أمينة:تشريلها نقول لباباك كي جيب الباك مليح نشرولها واش تحب
ناضت من فوق حجر خوها
توبة:الباك الباك الباك كرهتولي حياتي بيه أوف صايي متشروليش خير الدين يشريلي و نتا يا سيفو يا اللي داير روحك خويا بلاك زيد تهدر معايا ولا تڨولي كيتمان ني هدرا معاك
سيف:الله الكيتمان تاوعي و تقولي متديهمش
توبة:مين تاوعك والله ما تديهم راحت و خلاتوا
علو المغرب عيتتلها ياماها
أمينة:توبةةة
توبة :عندي الباك متهدروش معايا
أمينة :هدا وين جاك الباك أرواحي جيبيلي من عند باباك البيض
توبة:أوف أوف خطرة يڨولولي روحي أقراي الباك و خطرة يعيطولي نجيبلهم صوالحهم
خرجت توبة و هي تفاتن
شافت خروف صغير برا ولات تجري موراه
توبة :أرواح نبوسك برك أرواح يا مامي شغال شباب ها أرواح و الله منديرلك والوا
كانت تجري حتى تشوف فالنعجة اللي وليدها الخروف جايا ليها تجري
توبة:😮😨😨😱😱أشهد أن لا إله إلا الله وأن محمدا رسول الله
ولات تجري تحوس ترجع للدار ضربتها ديك النعجة بڨرونها طاحت فالغرسة
توبة:😢😭😭😭علاه دا الزهر علاه
راحت للدار في ديك الحالة دخلت على يماها
أمينة: شكون دارلك هاك نتيا بعثتك جيبي البيض شوفي كي جيتيني
توبة:متزيديش تبعثيني عندي الباك فهمتي الباك الباك
طالعة فالدرج و هي غير تعاود في كلمة الباك الباك الباك الباك الباك ... كانوا هابطبن خاوتها من الدرج شافوها في ديك الحالة
خير:أواه هاذي واقيلا هبلت😮😮
سيف: هادي مهبولة من بكري 😁😁😁😂😂
أنت تقرأ
#أُحِبُكِيْ_بِجُنُوْنِكِيْ🎎
Terror*الحياة گ البيانو:🎹 لايكتمل لحنها بالمفاتيح البيضاء ..◻ لابد من استخدام المفاتيح السوداء◼ اليس غريبا أن نسميه ماض⚪⚪ ⚪⚪ ونحن نفكر فيه في گل لحظه..
