I will add a suitable cover soon. Just bear with me..;-)
Please put a smile on my face by clicking the star at the bottom of your screen.
Lata kiesha" mi seh as mi walk guh tru mi lane like dem dash tyad pon mi. "Lata alli an memba tomorrow" kiesha shout back. A frideh an mi deven inna di weekend mood an dat nuh normally happen jus fe show yuh how mi tyad. Mi a walk pass miss nicey yaawd an nearly buck mi toe drop. A crosses ppl yaad dis enuh. "Alli, yuh cyaa seh good evening? Eberyday yuh pass yah suh like yuh puppa nuh grow yuh good like yuh no av no mannas" miss nicey seh as mi walk pass. Afta har daughter tief mi Bridgetts, and she back har. And afta har son try assault mi. Plus, di one day mi pass an nuh seh evening to di woman, she av a problem and most times when mi call to har, she act like she nuh hear mi. "Evening Mam". Mi walk pass the big house weh nuh body nuh live and go inna my yaawd. Mi a pray seh mi fada yellow teeth woman nuh deh a di house. Mi cyah stan har.
Mi tell di' security guard evenin as mi walk in a di yaad an tek off mi shoes dem pon di verandah. Mi jus walk in wid mi hot body tyad bad. The Gym is a serious place, but mi affi stay fit.
"Alli, yuh can't seh good evening?" Melisa mi step monsta seh as shi an daddy siddung pon de settee a hug up wid daddy han roun har. Why everybody hungry fi a good evening?? "good evening Daddy, evening Mel" mi seh ah walk go upstairs. Mi guh upstairs pull mi room door an crash pon mi bed. "Oh gad ah tyad" mi seh unda mi breath as mi doze off inna mi beauty sleep.
YOU ARE READING
My Jamaican Life
Romance" How yuh fe mek a bwoy without passport tell yuh seh yuh a di prettiest girl inna di world??" Ask Alli nuh... She mus know... Then again, wah yuh nuh know,bigga dan yuh
