Mi reach home. Kinda tyad but mi av enuff time fe a beauty nap. Mi walk een an si daddy. Him hardly av time fe mi since cruella happened.
"Hey daddy good evening"
"Good evening"
"Yuh ago drop me by lisa still?"
"Mi affi carry melisa go someweh tonite."
"Oh." Mi seh,clearly disappointed"yuh can pick mi up afta then"
"*scratch head*sweety about that, mi nuh think mi ago able fe do that"
"Ok daddy. Mi wi ask uncle jimmy." Mi seh an walk upstairs. I doh kno waam to him. Mel jus liv ere 6 months aguh an mi life totally change already.imagine f dem fe marrid. The day him propose is the starting of di end a mi life an di day shi seh i do is the day mi life end. Mi pull mi room door. Mi guh bathe an start ready. It was a semi formal dress party, usually lisa daddy would see it as an opportunity fe gain new investors. Mi wear a white suck on dress, and Red strapped heels... Mi put on mi makeup. Mi did look nice. Mi grab up mi red clutch bag an' get ready fe guh dungstairs.mi call kiesha an tell har fe mek har big bredda come pick mi up. Mi reconsida di fact seh uncle jimmy a pervert. Mi frighten wen mi guh downstairs fe si daddy well dress up inna jacket an tie. Him did look nice. Mi mind tel mi seh a di pretty hair an money mek mel deh wid him cause shi bruk. Mi shock wen mi si mel walk out inna wah long blue dress. Mi neva kno seh shi did av shape.
"Alli dear, your daddy and i are going on a date."shi seh as shi wrap har han roun daddy neck an kiss im
Ah wonda a who do har makeup. Har eyebrows inna competition wid har neck, fe si who longa, apparently har eyebrow win.
"Okay. Have fun" mi seh back, clearly uninterested.
"Bye daddy".
"Bye sweetie. We have to arrange for you to get your license soon"
Mi affi laugh yow. Daddy refuse fe carry mi bicazz a ...she???? Mek shi gwaan.
Bryan roll up few minutes afta daddy dem leff. Wid bay scamma tune a play inna the car.
Mi jus a hope Daddy nuh pull da proposal prank deh.
Please put a smile on my face by clicking that star on the bottom of your screen.... or better yet leave me a comment. Lemme know what you think.
Love shanari
YOU ARE READING
My Jamaican Life
Romance" How yuh fe mek a bwoy without passport tell yuh seh yuh a di prettiest girl inna di world??" Ask Alli nuh... She mus know... Then again, wah yuh nuh know,bigga dan yuh
