Turns out a just mi lipstick smear. He could have worded it differently.
When mi a walk guh back to the table. Kiesha dem move. Same as mi about fe walk up di stairs, guh look fi dem, mi buck up on Lamar.
Mi try walk paas him but him grab mi wrist. Suh mi just stop fe hear wa him av fe seh. Coward, couldn't approach me himself, him did affi send smaddi. Mi neva waa mek a scene, suh mi stop fi listen
"Alli." Him seh as the too-familiar smirk come up pon him face
"Lamar, wah yuh want? And why yuh did affi send smaddi fi call mi?"
"Because mi know if mi did call yuh, yuh wouldn't come."
"I wonder why" I roll my eyess
"You and i know. Tingz neva end suh well between wi"
"Yuh neva seh dat wen yuh did break mi heart" Mi seh an cross mi arms
"Seriously Alli? A dat yuh vex fa? Just cause a Tyanna?"
"And yuh av di heart a seh it to. Excuse mi" mi seh and try walk pass him.
Him whol on pon mi hand and laugh. Why mi did love him inna d first place? Im jus cute fe nutn.
"Cute, smirk, money...Alli,dats all yuh look for in a guy. Yuh just dumb fe see seh mi neva love yuh."
Mi naah mek da devil yah win.
"Somebody to use and satisfy your ever so bruised ego...that's all you look for in a girl. Mi woulda seh prettiness, but, when mi see yuh wid Tyanna...mi think otherwise. Lamar, two a wi know seh yuh love mi...like,you're head over jenks in love with mi" mi seh as mi whisper the last part inna him ears, mek him let go offa mi hand. Lamar is like a bike... pedal too hard, yuh drop. Tek time,yuh reach weh yaa guh.
As mi start walk up further up the stairs mi buck kiesha dem a come down.
"Weh unnuh did deh??"
"Daddy did av some new ppl weh him waah mi meet. Wah wi miss?"
"Long story..."
After chatting and laughing for what seemed like ages, while Lisa's Daddy introduce wi to whoever he sees fit, the crowd get too much, and fresh air is needed.
"Mek wi guh round the back garden. Mi doubt any body roun dere" kiesh seh
"Come nuh" lisa seh.
***
To all a wi surprise, smaddy did actually roun' dere.
YOU ARE READING
My Jamaican Life
Romantik" How yuh fe mek a bwoy without passport tell yuh seh yuh a di prettiest girl inna di world??" Ask Alli nuh... She mus know... Then again, wah yuh nuh know,bigga dan yuh
