Mi wake up. Mi tek off mi clothes, put on mi bathrobe and guh whol a fresh. Mi mek sure lock mi room door suh melisa cya come in cause shi well nuff... Mi open mi bathroom door an step inna mi jacuzzi. Di showa sweet. Mi tek a good ten minutes an guh outside inna mi room guh put on mi clothes. Mi put on a camisole an mi ripped jeans weh Kiema did give mi. It did too big at first, but it fit mi now. Mi catch up mi hair inna one and let a few curls loose around the edges. Then mi walk guh downstairs guh si wah cruella prepare. As mi guh dung stairs mi and har eye mek four.
"Alli , i tell yuh that pants too ripped. Guh change it" shi seh as shi skin up har face like shi think shi cute.
" Kiema got it for me, and not, it's not too ripped. You just have a problem with everything I do."
"Alli dont talk to mel like that yere mi?" Daddy seh
"Sorry daddy. What's for dinner?" Mi ask im
"Rice and fried fish" mel ansa
"Ok. But mi allergic" mi direct mi words to daddy
"It nah kill yuh. Di most yuh we get a bumps... mel allergic to beans n shi eat it all d time yet she alive" im seh
"Nuh wanda y shi luk suh" mi seh an roll mi eye dem as mi head to di kitchen
"What yuh seh young lady?"
"Nutn daddy" mi seh, cross as wah. mi eat d so-so rice fi nuh cause problem. Then, mi eat some cornflakes and head back upstairs inna mi room. If mi order sumh, it aguh tek too long fi reach. A di third time from week mel a duh dis eno, cook seafood and she know mi cyaa eat it. And thru she know mi cyaa cook mek it even worse. Mi a learn stilz.
***
"Alli get up now gyal. Yuh fawda nuh deh ya an a mi incharge. Get yuh ugly self outta di bed" cruella seh. A wonda y shi nuh treat mi suh roun daddy. Ih jus always look like a me a di bad person. Mi shudda guh a UWI instead suh mi wouldn't affi deh round har...
"Mi a come lady" mi seh. By di way, mi a almost 20. A who shi a call likkle girl?
"Who yah call lady?" shi ask. Nuh shi a di only one in yah?
A todeh a Lisa Fawda annual Shares party an mi nuh well ready fah. This is the second one I'll attend. I might venture into business soon, so it's for a good cause
"Come eat yuh breakfast likkle gyal" shi seh. A dem sumn ere mi a face enuh. Shi act all prim an propa roun daddy but wen a wi alone, a nex sumn... snake.
Mi guh inna d jacuzzi. Ih did suh nice wen di hot wata run dung mi spine. Mi mek sure tek longa dan usual jus fe spite har. Mi come out,put on a dress, pull mi hair inna messy bun, n head downstairs.
"Took yuh long enuff up dere spoiley"
"*roll eyes*Doh call mi dat. Wahs for breakfast?"
"Fried chicken n chips."
"Yuh nuh tyad fe look afta dat now mel?." Mi seh as mi lean pon di kitchen counter.
Sometimes wen yuh rich, it nuh mean seh yuh nuh av problems inna life. It look like seh a fuss from shi born shi a eat chicken an chips an all a dem sumh deh cause fe some reason shi nuh stop look afta it fe breakfast. Eva since kiema lef thingz turn upside down.
Kiema did so nice. Mi nuh know a wah she an daddy did av mek shi lef. Mi did tek har fe mi madda. Mi nuh kno a wah wrong wid daddy an which bush him find mel... mi did upstairs one day a sleep an hear some one bag a racka tacka downstairs an mi hear dem a cuss bout some sumh weh did sweet mi essi? Den mi hear kiema seh shi cya tek ih nuh longa. Shi come upstairs, kiss mi pon mi forehead and while we a talk, shi tell mi sumh weh mi neva go figet. Mi use it as motivation.
"Each day you look at yourself, just always know that it's what's inside and not just the outer surface. Looks are good, but character is even better. You will encounter many hardships despite your affluence. Remember Alli seeing is deceiving.yuh musn trust everyone" an dat echo inna mi ears from then. Shi did return to america afta dat.
"Mi a di woman of di house. Anything me seh goes an yuh kno it to. If Me seh chicken an chips, then a dat."she reply an bruck mi chain a thoughts. "if yuh nuh want it guh buy food or learn fi cook. Yuh old enuff"
Oh. It jus puzzle mi how daddy still av yuh yah an all a di good woman dem im nuh keep long.
"Ok. Mi know"
Di fries did look like a boil shi boil dem. Mi did eat dem anyways... .
♥♥♥♥♥♥♥♥♥♥♥♥♥♥♥♥
How was this chapter? Give me your opinions and vote. I hope you like it so far...
Love shanari
YOU ARE READING
My Jamaican Life
Romance" How yuh fe mek a bwoy without passport tell yuh seh yuh a di prettiest girl inna di world??" Ask Alli nuh... She mus know... Then again, wah yuh nuh know,bigga dan yuh
