My Jamaican Life

Chapter Nine

Afta mi leave round a the Garden from da feisty boy deh, mi guh inna di hall and mi see Kiesha and Lisa look like them a get introduced to some potential investors... Lisa daddy loaded enuh... A him own Brown's And  Decker's Company Ltd... The biggest operating   firm in the Caribbean..

Mi walk guh ova deh... Mr. Brown (Kiesha daddy) seh "Mr. Johnson, this is Mr. Beckford's daughter Allison" the 6ft sumh man stretch out him hand and mi shake it
" Hello Allison"
" Nice to meet you Mr. Johnson"
Him hand soft man... but Him ugly sah...

"Where is he?" Mr. Johnson ask 

"He couldn't make it, but he sent his contribution, I heard " Mr. Brown ansa

"Daddy, if you'd excuse us, we'd like to go for a walk" Lisa seh.
" Go ahead hun... Just make sure you're at a place where your mother can locate you... The twins are overbearing at times" Mr. Brampton seh back...

Yuh see, unlike me, my friends have both parents and siblings... Kiesha have a likkle bredda Kyle weh a 6, and Lisa have twin siblings Leo and Leah 5 y/o... Perfect nuh tru??
"Weh unnu a guh now?" Mi seh cause dem heels yaa bun mi foot.
"Outta di main entrance... It much more fun dan in yah suh" Lisa seh. We guh outside

Beyonce Dance For You did a play and various lovers of all ages including the upper scale couples from wi school did a dance... Dem time ya mi miss Lamar enuh... Him good pon e dancing and I'm no different. But wah gone gone.
Speaking of which, him did a look pon mi. Mi cut mi eye dem till dem stawt bun mi. Him likkle mailbox did deh syda him to... Wid a bottle a Ciroc...
"Alli, why yaa stare suh much?" Lisa ask mi and snap mi to reality.

"If past an future deh one place den shi nuh mus freeze inna d present??" Kiesha seh... Shi nuh talk much enuh, but shi savage.

"Cho... Suh wah unnu plan fe do? Jus stan up and watch d couple dem? Why unnu nuh guh find unnu sweethawt and dance?"

" Mario fly out memba??" Lisa seh

" Javoy ova deh suh but mi cyaa dance... A you same one promise mi lessons enuh Alli..."
"Gwaan guh dance man... Yuh cyaa possibly be dat bad" Lisa seh

"Watch dis"
 
Shi walk guh ova to har hunni... Them cute together mi naa lie... She a like 5'5 and him a 6'7... She very pretty and him handsome to suh dem gud mn...  Gyal wicked!! Bout she cyaa dance. Shi nuh perfect but shi can do har ting. 

Lisa phone ring and har mommy call har fe come help with the twins... Suh mi alone. Great...
Bryan come Stan up syda mi... Perfect

"Hey beautiful..."

"Wah yuh want?"

"That nuh obvious?"

"Excuse"... Mi push pass him fe guh weh Lisa deh upstairs... As mi start climb the stairs to har room mi phone ring. Jus a realise seh a 12:02... Wow

-Hello?

-Hunni, i think you should come home now dear... Mi wudda pick yuh up but mi cy-"

-Arite daddy. 

  Mi ready anyways. Mi jus text kiesh dem fe tell dem mi a leave.

Mi guh back outside fe tell Bryan fe drop mi home.

Mi see him stand up wid Lamar dem.

Great...

Anyways, mi confidently walk guh ova dehh... Mi neva care.
"Bryan mi ready"

" Suh fast?"

"A afta twelve"
Mi cudda feel Lam and Alex eye dem pon mi, but d corna eye dem weh mi give dem, dem know betta dan fe talk to mi.

"Yow, General, inna e lates yzm..." Bryan seh

"Aah G" Lam seh back

"Bye Alex" mi seh an wink

" Aiit Alli... I'll see you around then"

"Or not." Mi hear d Lamar him seh unda him breath... A wah diss...

***
We finally reach a mi lane when the car stop, and mi step  out

Mi walk guh inna mi yard and pull the door...

Mi shock when mi walk in... A joke dis...