الحلقة١٥
حكت جميلة لدكتورة كل حاجة عن علاقتها بشريف بداية معرفتها بى لحد ما خلفت ملك وقد ايه كانت مبسوطه وهى دموعها سابقاها
الدكتورة: كافية لحد كده
جميلة: بس نفسى اكمل
الدكتورة: مجهود عليكى ايه رايك اشوفك كمان يومين
جميلة: حاضر
الدكتورة: بس عاكتب دواء مهدئى وكمان لازم تهتمى بنفسك شوية
جميلة: ازاى
الدكتورة: غيرى من نمط حياتك
خرجت جميلة من الدكتورة مع ندى وحكتلها كل شئ حصل كله
جميلة: معندكيش فكرة أنا ارتحت ومبسوطة
ندى: طب كويس يارب يسعدك ايه رايك نروح المول نجيب شوية لبس
جميلة: لا معلش المرة الجاية علشان اتاخرت على ملك
ومشيت كل واحدة راحت بيتها جميلة وصلت لقت عواطف مستنياها
عواطف: عملتى ايه
جميلة: الحمد لله ياطنط ملك فين
عواطف: ملك فى اوضتها طمنينى ارتاحتى
جميلة: معندكيش فكرة ارتحت ازاى المشوار ده كان لازم اعمله
صوت من ورائهم مشوار ايه اللي عملتى وراتحتى كان شريف
جميلة بتوتر: كنت مع ندى فى المول
شريف: وهو ده المشوار اللي رايحك
عواطف: جرى ايه هو تحقيق
شريف: لا يا ماما بس اللي خرج مش المفروض يرجع باكياس صح
جميلة بتوتر زيادة: اختارت حاجة فى تظبيط فهاستلمها كمان يومين
شريف: يعنى حتخرحى تانى
جميلة: اه بعد اذنكم هاشوف ملك
مشيت جميلة وسابت شريف مع عواطف
عواطف: خف على مراتك
شريف: جميلة مخبيه حاجة عليا
عواطف: هتكون مخيبة ايه عادى
شريف: انا بفهم جميلة من عينها وهى بتكلمنى عينها مجتش فى عينى علشان متأكدة أن هعرف انها بتكدب
عواطف: انت لسه بتحبها
شريف: انا يعشقها مش بحبها جميلة بنتى ومراتى
عواطف: حسسها بده قبل فوات الاوان
شريف: تقصدى ايه
عواطف: ولا حاجة وسابته في حرته
شريف: ياترى مخيبة ايه ياحميلة وانت يا ماما تقصدى ايه انتبه على صوت جميلة بتنادى عليه علشان العشاء جاهز
اقعدين السفرة شريف كل شوية يبوص على جميلة يلاقيها متوترة زيادة
شريف: مالك ياجميلة شكلك فى حاجة
جميلة: مفيش بس يمكن تعبت من المشاوير طول النهار عن اذنك هطلع استريح
وطلعت جميلة تحت نظرات شريف وبعد شوية طلع شريف الاوضة بس جميلة قررت تعمل نفسها نائمة وتفاجات بيه بيلمس كل حتة فى وشها بحب وحنيه عكس مابيعاملها وطبعا كل مايلمس حتة بيحس برعشة جميلة تحت ايديه وملس عليها لحد مانام وبعد كده جميلة نامت
وعدى اليومين وجاه ميعاد الدكتورة فاعتذرت ندى من جميلة لان مالك تعبان وراحت جميلة للدكتورة
الدكتورة: اهلا مدام جميلة
جميلة:اهلا لحضرتك
الدكتورة: شكلك المرة ديه احسن
جميلة: اه فعلا حتى السكر مظبوط
الدكتورة: تمام نكمل
جميلة: يلا
حكت جميلة الدكتورة كل حاجة حصلت بعد ولادة ملك لحد امبارح
الدكتورة: من الواضح أن جوز حضرتك بيحبك
جميلة: بعد كل اللي حكاته
الدكتورة: بس للاسف هو من نوعية الرجالة الا لم بيمتلك حاجة خلاص مابيظهروش اهتمام بيها تانى
جميلة: ازاى
الدكتورة : هفهمك بس هو متاكد من حبك ليه فعلشان كده مش بيبذل مجهود علشان يبين حبه ليكى وكمان انتى مساعدة بعدم اهتمامك بنفسك من حيث المظهر العام أو الخاص
جميلة: طب اعمل ايه
الدكتورة: هتخليه يحبك من اول وجديد
جميلة: ازاى
الدكتورة: اولا هتغيرى من نفسك بلاش دور الانكسار ده لازم يحس انك قوية وبعدين كملى دراسات عاليا هتساعدك
جميلة: انت عايزنى ارجع اذاكر تانى
الدكتورة: لازم يحس أن ليكى اهتمامات غير بيتك وملك هيفرق معاه اوى انت هتنزلى من عندى على بيوتى سنتر وتغيري من شكلك واستيل لبسك سواء فى الخروج أو البيت وتفتحى معاه موضوع الدراسة تانى واشوفك كمان اسبوعين
جميلة: ممكن بعده كده لان مسافرة مع شريف شرم فى حفلة لازم احضرها معاه
الدكتورة: تمام مفيش مشكلة بس عايزة التغير ده يحصل هناك عايزاه يتفاجا بشكلك الجديدة بس من هنا لحد معاد السفر هتبتدى معه بعدم اللامبالاة فى كل حاجة يعنى اهتمامك بيه يقل شوية لازم يحس أن ممكن يخسرك هيحاول يقرب حتبعدى بلبلدى كده هانتبع نظرية شوق ولا تدوق ضحكت جميلة والدكتورة لانها اعتبرت جميلة اختها فهى شافت أنها إنسانة حاسسه فقررت انها تساعدها لانها فى الاول والاخر مش مريضة بالعكس عقلها زى مابيقوله يوزن بلد فقررت تساعدها وخرجت جميلة وهى بتفكر تنفذ كلام الدكتورة واتصلت بندى طلبت منها تعدى عليها بكره علشان تحكلها وبالمرة تشترى حاجات لسفر لانها عرفت من شريف أن ندى مسافرة معاهم
اتفقت جميلة مع ندى يتقبلوا بكره ويخرجوا سواء
وعدى النهار وجاءه الليل وشريف رجع لقه جميلة لبسة منامه باللون الوردى قصير لحد الركبة وعليها رسمت عروسة ورفعه شعرها على هيئة ديل حصان ومحدد عينها وحطه ملمع شفايف اول ماشافها اتفاجا فجميلة من زمان مهتمتش بنفسها كانت تلبس منامات بكم اكبر من سنها
جميلة: هتفضل واقف عندك كتير
شريف: -------
جميلة: شريف مالك فى حاجة وقربت منه وشم رائحة برفان بالياسمين
شريف فاق من شروده: لا مفيش
جميلة: ثوانى احضر العشاء
شريف: ماما فين وملك
جميلة: ماما نايمة وملك كمان فى حاجة
شريف ولسه مش مستوعب: لا عادى بسال
جميلة حضرت العشاء وكل شوية يبص على جميلة كان أول مرة يشوفها ومكلش حاجة طبعا
جميلة: شريف انت تعبان
شريف: ليه بتقولى كده
جميلة: اصل من ساعةما وصلت وانت سرحان حتى الاكل مكالتش
شريف: لا بس مرهق شوية هطلع انام مش يلا
جميلة: عشر دقائق وحصلك
طلع شريف الاوضة فى حالة زهول معقول دى جميلة ياترى سر التغير ده ليه
أما عند جميلة مش مصدقة أن ده شريف نظرته ليها زى زمان ولسه ياما هنشوف لازم ارجعك ليا وطلعت اتفاجات أن لسه منامش
شريف : اتاخرتى ليه
جميلة، معلش كنت بشيل العشاء واطمنت على طنط وملك انت محتاج حاجة
شريف: لا
جميلة: كنت عايزة استاذنك اخرج بكره مع ندى
شريف: ليه وبعدين خروجاتك كترت
جميلة: انا آسفة محتاجة اشترى شوية حاجات
شريف: ماشى من غير تأخير
وناموا وصحيوا الصبح فطروا من غير كلام بينهم نظرات لحظتها عواطف فى سرها ربنا يسعدكم
وعدى وقت واتصلت ندى بجميلة علشان الخروج فعلا خرجوا وهحكت جميلة لندى كل حاجة وفرحة ندى أن شريف ابتدا بحاجات بسيطة يتغير وكلمت الدكتورة وهحكتلها وفرحت وطلبت منها تستمر لحد معاد السفر لشرم وفعلا عملت كده كل تفاجه بتغير فى شكلها لحد يوم السفر وصل مطار شرم واتفاجات أن حجز نفس فندق شهر العسل وطلعوا الجناح علشان يستريحوا لمعاد الحفلة
شريف، الحفلة دى مهمة بالنسبالى
جميلة ببرود: المطلوب
شريف: عايزك سيدة مجتمع من درجة الاولى
جميلة بثقل: حاضر وفى سرها دى هجننك النهاردة هنشوف جميلة تانية
وعدى النهار وجاء الليل ولبس شريف بدلة سوداء وكان وسيم وصل البيوتى سنتر لأخذ جميلة منه لانها طلبت منه تجهز هناك جو الفندق واول ما وصل اتفاجا بملكة جمال بفستانها الفيروزى المطعم بالفضى وحجاب من نفس اللون انبهر بجمالها
وبينه وبين نفسه ياه يا جميلة انت حلوة اوى واخدها وصل مكان الحفل والكل اتفاجا
ندى: ايه الحلاوة ديه
جميلة: بجد
ندى: انت مش شايف شريف عامل ازاى
وفجأة ظهر شخص ليرحب بجميلة
الشخص: ايه الجمال ده
جميلة: انت
ياترى مين الشخص ده
وياترى رد فعل شريف ايه
هانعرف الحلقة الجاية
