الحلقة ٢١
شريف: حمد لله على سلامتك
جميلة: طلقنى
شريف: انت بتقولى ايه
جميلة: بقولك كفاية لحد كده وطلقنى ياشريف
شريف: ليه يا جميلة سامحيني
جميلة: والله ماقادرة خلاص معنديش طاقة احسن ننفصل واحنا بنحترم بعض
شريف: انا بحبك مستحيل ابعد عنك
جميلة ودموع فى عنينها: بتحبنى ازاى وانت شاكك فيا وجرحتنى هنتنى كتير اوى
شريف: ادينى فرصة انا بحلبك
جميلة بدموع اكتر: معدش ينفع انت كسرت كل حاجة جوايا ليك انا حبيتك اكتر من نفسى واستحملت اهانتك ليه وعدم مراعاتك مشاعرى واهمالك ليه بس خلاص للاسف معندكش رصيد فى قلبى اقدر اديك فرصة طلقنى ياشريف بهدوء
شريف: مقدرش انت روحى طب علشان خاطر ملك
جملة: انا لو كنت روحك كنت خفت عليا مش تموت كل مشاعر الحب ام بخصوص ملك فهى بنتك ومقدرش أحرم منها وتقدر تشوفها فى اى وقت
شريف: اهدي كده وبعد ماتخرجى من المستشفى نتكلم
جميلة بصريخ: مفيش كلام بنا خلاص طلقنى
شريف: انا بحبك وطلاق مفيش
وسابها وخرج وحس أن روحه هتروح منه وبينه وبين نفسه لدرجت كنت اعمى علشان اعمل كده فيها يارب ساعدنى انا بحبك يا جميلة وهعمل المستحيل علشان نرجع لبعض وقرر أن يروح للدكتورة
أما عند جميلة بعد شريف ماخرج انهارات فى العياط غصب عنى ياشريف أن اطلب منك الطلب ده انا عمرى ماحبيت حد قد ماحبيتك انا بحبك وبعشقك بس خايفة اديك فرصة تانى توصلنى لكره وبعدين بعد ما عرفت ان كنت حامل وبسببك فقدت ابنى أو بنتى ورغم أن عمرى ماحست بقرب زى النهاردة كان نفسى ادخل جوه حضنك واستخبي من كل الآلام بس ازاى وانت سبب فى وجعى يارب ساعدنى
وصل شريف عند الدكتورة وهحكى ليها كل حاجة حصلت
الدكتورة، شئ طبيعى انها اول ماتفوق تفكر فى الانفصال
شريف: هو ايه اللي طبيعى انا مش فاهم
الدكتورة: بس حضرتك هى لسه بتحبك بس خايفة تخسر الحب ده
شريف: ازاى
الدكتورة: هى بتقول لو اداتك فرصة تانية هتستمر فترة وترجع زى الاول ولو رجعت زى الاول هيبقى فعلا حبها ليك انتهى لان زى ماقولتك قبل كده العلاقة بين الزوج والزوجة بتتبنى على الثقة والحب والتفاهم يعنى مثلا زى الشركة لو اتنين شركاء اتخنقوا مع بعض فقدوا الثقة الشركة دي بتتهدد لازم ترجع ثقتها فيك وتوصل لها أن مهما حصل هتفضل جمبها البيت الناجح بيتبنى على أساس صح زى ما زوجة بتتدى من وقتها وصحتها للبيت لازم الزوج هو كمان كده لو رجعنا لسنة نبينا محمد ( صلى الله عليه وسلم ) وناخده قدوة فى تعامله مع زوجاته مش هيحصل طلاق فاهمنى يااستاذ شريف
شريف: فاهم حضرتك
الدكتورة : على العموم انا لازم اعملها زيارة وأتكلم معاها وحاول اوصل لحل
شريف: ازاى وهى طالبه الطلاق
الدكتورة : انا هتكلم معاه وخليها تأجل فكرة الطلاق شوية
شريف: انا متشكر جدا
الدكتورة: العفو بس الاهم اقف جمبها خليها تعدى من أزمتها وانت معاها
وخرج شريف من عند الدكتورة قرر أن داخل الحرب لازم يكسبها
رجع البيت وطلع الاجنده الخاصة بجميلة وقرأها تانى بس المردى بحب قرأ كل سطر فيها وعرف هو قدايه ممكن يخسر حبها بس قرر أن هيكسب قلبها تانى وخصوصا أن هو متاكد من حبها ليه بس مجروحة
وطلب من شركة ديكور تغير كل ديكورات الفيلا عايزها لما ترجع تحس انها اول مرة تدخل البيت كأنها عروسة
وراح تانى يوم المستشفى لقى الكل مجتمع وفرحانين بيها وابتداء يبص على جميلة كأنه بيشوفها لأول مرة فى حياته كانت ضحكاتها برغم الحزن اللي فيها بس حلوة وبيص على تفاصيل وشها كان أول مرة يشوفها والكل استاذان وخرج ماعدا كوثر
كوثر: انا اسفة يابنى
شريف: ولا يهمك ياطنط انا عاز حضرتك
جميلة: هو فى ايه بالظبط
وقبل كوثر ماترد شريف رد: اصل ماما لو كان بعد الشر جرالك حاجة كنت هتقتلنا ماتعرفش اصل أن بعدك عنى يعنى موتى
جميلة من غير ما تشعر: بعد الشر
كوثر: طب همشى انا مع السلامة
خرجت كوثر بعد ماسابت جميلة مع شريف
شريف: يعنى انت لسه بتحبينى
جميلة: انت فاهم غلط علشان ملك بس
شريف: موافق برده
جميلة: طب ممكن تخرج علشان عايزة استريح
شريف: فعلا عندك حق الواحد تعبان ومحتاج يستريح وقام مدد على الكنبة اللي فى الاوضة
جميلة : انت بتعمل ايه
شريف: زى ما انت شايفة ياروحى
جميلة: انت هتنام هنا
شريف: اه هو انت مسمعتيش عن المثل بتاع جحا ( بلدك فين بلدى اللي فيها مراتى)
جميلة تحاول تدارى ضحكها: مش لما ابقى مراتك انت ناسى اننا هنطلق
شريف: ادايكى قولتيها هنطلق يعنى انت لسه مراتى ويلا علشان عايز انام وفعلا نائم
وجميلة ساكته مش عايزة ترد لانها لو ردت هتضعف اوى اقدامها لأنه وحشاه اوى واستسلمت لنوم وفعلا نامت
وجاءه الصبح واول ما فتحت جميلة عينيها لقيت شريف مقرب منها وكرسى جمبها وماسك أيده وبيبوص فى وشها
جميلة: صباح الخير
شريف: صباح الورد والفل
جميلة: على فكرة مالهوش لازمة الكلام ده
شريف: كلام ايه
جميلة: الكلام الا بتقولوا ده
شريف: أولا أنا أتكلم زى ماانا عايز
جميلة وهى بتحاول تشد أيدها من أيده : الكلام بينه انتهى وانا مصممة على طلب الطلاق
شريف: طب ممكن بلاش الكلمة ده لحد ماتعقدى مع الدكتورة النفسية الا كنت بتروحلها من ورائه
جميلة وهى لتحاول تبلع ريقها: دكتورة نفسية ايه
شريف: انا عرفت كل حاجة
جميلة: عرفت ايه
شريف: عرفت أن كنت غبئ لم حاولت احطم الانسانة الوحيدة الا حبتها
جميلة: حبتها
شريف: اه حبتك اكتر من روحى ممكن تدينى فرصة تانية
جميلة: مش هينفع
شريف: طب اسمعى الاول الدكتورة وبعدين نتكلم
وهنا دخلت الممرضة وجايبه معاها الفطار
الممرضة: صباح الخير اتفضلى الفطار
جميلة: لا ماليش نفس
الممرضة: حضرتك لازم تفطرى علشان العلاج
جميلة: مش قادرة
شريف: للممرضه : سيب الفطار والمدام هطفطر
خرجت الممرضة وسابتهم مع بعض
جميلة: مش هفطر هو مش بالعافية
شريف: وهو بيقرب منها هو صحيح مش بالعافية لكن بالحب
جميلة وهى بتضحك : كان شريف بيمد أيده باول لقمه
شريف: شوفتى سهلة ازاى
جميلة وهى بداراى ضحكها : على فكرة انت مستغل
شريف: كل الوسائل متاحة فى الحب والحرب
جميلة: ساكته مش بترد عليه
شريف: والله العظيم بحبك
جميلة: طب ممكن ناجل الكلام ده لحد ماقابل الدكتورة
شريف وحس أن فى شوية امل: تمام يا حبيبتى
جميلة،: وبعدين احنا قولنا ايه
شريف: حاضر وفضل باصص عليها
جميلة: انت هتفضل تبص عليه كتير كده
شريف: طب بذمتك حد يبقى ادامه الحلوة ده ومايبوصش عليها دى ربنا يحسبه
جميلة وهى بتضحك شكله مش هستنى الدكتورة
شريف وهو ليرفع أيده على صدره: خلاص علشان خاطرى
وتجى الممرضة وبعدها الدكتور ويطمنوا على جميلة وبعد شوية بوصل باقى العائلة
كوثر: بسم الله ماشاء الله صحة زى الفل النهارده
عواطف: عندك حق حمد لله على سلامتك
جميلة: الله يسلمكم
فريد: عاملة ايه يابنتى النهارده
جميلة: الحمد لله يابابا
فريد: وانت شريف مش ناوى تروح تشوف شغلك
شريف: ان شاء الله بس اطمن على جميلة شوية
عواطف: يابنى روح غيرى هدومك واستريح وتعالى بليل
شريف: لا مش هستريح الا لم جميلة تخرج وطمن عليها
جميلة: اطمن ياشريف انا كويسة ممكن تروح تستريح
شريف: ماشى بس شوية
ويعدى وقت وبجى معاد الغداء وجميلة ترفض انها تاكل لكن شريف يصر يأكلها ولنفسه زى الصبح
كوثر: انت مش بتاكل غير من ايد شريف
عواطف: وماله هم ليهم غير بعض
شريف بضحك : ليه ياجماعة هو انتو جايين تخسدونا
عواطف وكوثر بضحك: شوفتى الولاد
وبدأ شريف ياكل جميلة تحت نظرات الكل الا حس أن شريف رجع زى الاول مع جميلة وطبعا القاعده مخلتش من بعض الضحك وحكايات لم كانت جميلة فى الغيبوبة ورد فعل شريف أن يسبها لحد ماتفوق
جميلة لنفسها : انا احترت فيك انت بتحبنى بجد ولا لأ وايه سبب التغير الا حصل ليك
شريف وكأنه سمعها: مال عليها كل هتعرفيه لم الدكتورة تيجى بس الا لازم تكونى واثق أن بحبك
وبعد شوية الباب يخبط وتدخل الدكتورة الا تطلب من الكل يخرج ويسبها مع جميلة لوحدهم
فعلا كل خرج وشريف شافها فرصة مناسبة أن يروح البيت ويغير هدومه ويرجع على بليل
الدكتورة: ازيك يا جميلة
جميلة: الحمد لله
الدكتورة: طبعا انت عايزة تعرفى شريف اتعرف عليه ازاى
جميلة: ياريت
الدكتورة: حكت لجميلة كل الكلام الا قالوا شريف وسبب التغير الا حصل بعد ماسمع من مامته انها ممكن تسيبه وتتجوز غيره
جميلة: بس ازاى طنط تقول حاجة زى كده انا عمرى مافكرت فى كده
الدكتورة: هى مقصدتش المعنى الا شريف فهمه هى كل الا حبت توصله لشريف أن إهماله ليكى حاجة وحشه ممكن نتيجتها كده
جميلة: يعنى عايزنى اعزر شريف
الدكتورة: مش قصدى بس الا اكتشفته أن شريف مريض
جميلة: بذهول مريض ازاى
الدكتورة: شريف مريض بحبك او حب الا متلاك
جميلة: طب والا عمله اخر مرة دى شك فيها مجرد لم اقرا الاحنده
الدكتورة: شريف شاكك فيك من قبل مايقرا الأجندة
جميلة: ازاى
الدكتورة: حكت ليها عن موضوع النادى واحمد لم شريف شافها اقعد معاه وبعد كده رفضك أن شريف يروح النادى كل ده ما قرات الاحنده وصله انك فعلا بتخونيه
جميلة: انت عايزنى اعمل ايه
الدكتورة: انا مش عايزكى تعمل حاجة انا كل الا انا عايزه انك لو لسه بتحبه ساعديه انت كمان غلطانه
جميلة: فى ايه
الدكتورة: ياجميلة حياة مش كلها رومانسية فيها مواقف لازم تاخد قرار بعيد عن العواطف انت كنت سالبية فى علاقتك بشريف وحولت تغير نفسك زى ماهو عايز مش زى ما انت عايزة المفروض لم تصصم على حاجة تنفذها الضعف غلط خصوصا لو هياثر على حياتنا وحياة عائلتنا انت استسلمت لفكرة شريف أنه بحطمك وساعدته على كده
جميلة: انا ساعدته ازاى
الدكتورة: كون انك تنفذى طلبات من غير مناقشة تبقى ساعدتى مش كل حاجة ممكن الراجل يطلبها من الست تتنفذ لازم يبقى فى مناقشة علشان كل واحد يعرف تفكير التانى علشان تقدروا تكملوا بعض ماهى الحياة الزوجية كده كل واحد بيكمل الناقص فيه فهمتى
جميلة: فهمت
الدكتورة: انا هسيبك دلوقتى فكر وخد قرارك من غير واحد ياثر عليك ولو على شريف انا هقنعه أنه يبعد عنك الفترة ده علشان تفكرى فى هدوء
جميلة: انا متشكرة لحضرتك
الدكتورة : العفو
وخرجت وسابت جميلة فى حيرتها
ياترى جميلة هتعمل ايه وفعلا هتديه شريف فرصة تانيه
هتعرف الحلقة الحاية
