"بنت شيوخ ولكن"
"البارت الثاني"
للكاتب"مصطفى عبد الزهره"
خيريه:وانا طالعه من بيت دعاء ما احس اله واحد كض ايدي وسحبني ..باوعت والكاه هيثم ...شبيك عوفني ايدي اتاذيني دعوفني .
هيثم:احبج .
خيريه:كظيت ايده وخرته عن ايدي وركظت البيتنه بس كلبي ضل يدك حيل وانعقد الساني ولا كلمه حجيت ..وصلت البيتنه وجهي اصفر وبس اوزع ابتسامات .
ام محمود :ها يمه اشو بسرعه اجيتي شنو ما لكيتيه ولج اشبيج مو جاي احاجييج خيريه يا شبيج بس تتمظحكين .
خيريه :يمه عوفيني ما بيه شيء ايي ايي لكيته كل شي ما انطونه .رايحه لغرفتنه تردين شيء .
ام محمود :لا بس شويه وتعالي سوي عشه مو اتنامين بلا انتي تنبل مال نوم ..علمود بعد اشوي انروح انسير على بيت عمج ابو غازي ام غازي حيل تعبانه .
خيريه:خوش شويه واجي اسوي عشه ..بس ما اروح اوياكم اخذو زهراء لو وسن .
ام محمود :بعد احسن اخذ ازهيره بلكت ويخطبوها ظالات نايمات على كلبي .شوفن بنات بيت ابو يوسف ما ظلت وحده كلهن اتزوجن.
خيريه:اووو هم رجعنه لقصه الزواج الما تخلص هسه انتي زوجي محمود انوب فكري اتزوجينه .
ام محمود :والله انتن كاعدات ماكلات شاربات وما سحات ايديجن بلحايط ..عاد محمود يشتغل مو مثلجن العوبات .
خيريه:اوووو يمه انتي بس اترزلين بينه وتحمدين بمحمود ابو خشم اروح لغرفتي احسن .
ام محمود:ولج صاير السانج طويل روحي من وجهي لا اطكج بلريمونت .
خيريه:خليت ورحت لان امي اذا حجت ما تسكت وعده محمود اهم من كلشي حتى اهم من ابوي ...دخلت سبحت ولبست دهداشه ورديه وضفرت كصيبتي ورحت للمطبخ يمه يمه شنو اسوي عشه .
ام محمود :سوي زلاطه وطلعي روبه مساع زهيره حلبت الهايشه .
خيريه:ها الحمد لله والشكر صارت زينه الهايشه .
ام محمود:ايي خو انتي حتى ما تندلين الحقل مال الهايشه هي وحده وما دايرات بالجن عليه شحال لو عدنه مربط مثل عمامج .
خيريه:اوووو هم رجعنه السالفه عمامي ..وبعدين انا تدرين بيه اخاف من الهايشه ..
ام محمود:نسوان هل الوكت ايي والله ..جان عدنه 18هايشه وبس انا وخالتج افراح نحش ونحلب كله وما راضين علينه اهلنه .
خيريه :يمه انا اعرف احنه راح نظل اخر الوادم شوف البنات يلبسن ويكشخن و24ساعه يفترن بلسوك واحنه من عيد لعيد نروح للسوك وتشترين النه من الباله ..لا واذا نريد نطلع تاخذينه لبيت عمي ابو غازي وتدرين بينه ما انحبهم .
