"بنت شيوخ ولكن"
"البارت الرابع"
للكاتب "مصطفى عبد الزهره"
هيثم:اكلج الخميس هم انروح للكورنيش
خيريه :لالا ما اروح مالي خلك وبعد السووه اهلي بوسن اخاف اطلع
هيثم:ايي لان انتي ضايجه ومالج خلك راح نطلع الخميس ولا اتخافين انا مدبر كلشي
خيريه:لا لا ما اكدر كلشي ويصير اواحد شافنه
هيثم:يا كلبي هو يهو يروح للعشار حتى ايشوفنه وانتي تعبانه وظايجه وما جاي الحك اسولف اوياج اله وصلنه البيتكم عاد اهناك انسولف على راحتنه .
خيريه:الله كريم منا لعكب باجر
هيثم:يمه فديت الما تردلي طلب
خيريه:هههه يلا وصلنه كافي سوالف ...وصلت للبيت طبعا البيت صاير ما ينكعد بيه من بعد ما اتزوجت وسن صح جنه انا وياها كله نتعارك بس من راحت خلت فراغ جبير بحياتنه
ام محمود:تعالي خيريه روحي جيبيلنه الروبه عد بيت اختج
خيريه :ايي رايحه
ام محمود:ايي وكليله خل بعد اشوي يجون يتعشون عدنه
خيريه :رحت لبيت وسن لكيته كاعده بلباب ..ها وسينه شلونج
وسن :الحمد لله ..انتم اشلونكم
خيريه:شلون غازي وياج بس كون ما يكتلج
وسن :لا ما يكتلني اصلا حتى ما حجيت وياه من ازوجته السه
خيريه:عزه ولج غير رجلج شلون ما حجيتي وياه
وسن:اوووو يولي
خيريه:المهم امي ودتني على روبه
وسن:ايي هسه اجيب لج
خيريه :جابتلي الروبه ورجعت للبيت ...يمه يمه جبت الروبه وتسلم عليكم
ام محمود:ايي وشلونه زينه
خيريه ايي زينه
وسن انا كاعده بلباب واجه غازي من الحقل مال الحلال
غازي:ها شلونج وسن شنو سويتي الغده
وسن:ما سويت شي
غازي:وسن تعالي عندي موضوع اريد احجي بيه وياج
وسن:خير ..جايه
غازي: انتي ليش ما ترديني انا شناقصني والله انا احبج ومستعد اوفرلج كلشيء تردينه مو ةحته عامل جبت وياي بلحقل حتى ما اتعبج
وسن :سكتت وطلعت بره ... ظليت افكر واحاجي نفسه ..صدك هو اشناقصه وبعد انا اتزوجته رضيت لو انرضيت انا مرته يعني مرته وهو ما دام هيج ايحبني خل احاول احبه وبلكت يعوظني ويعيشني احسن من عيشتي عند اهلي ....غازي غازي راح اكلي بيض وطماطه تريد
