"بنت شيوخ ولكن"
"البارت الثالث "
"للكاتب مصطفى عبد الزهره"
خيريه:وصلنه للعشار ..بس شنو من عشار يخبل اول مره بحياتي اروح لهيج مكان بيه ناس وشغلات اهواي بس بنفس الوقت جنت خايفه احد يشوفنه
هيثم:اشبيج كلبي ليش اترجفين .
خيريه:لا ماكو شيء بس متوتره اول مره اجي لهيج سوك جبير وبيه ناس.
هيثم:لا كلبي هسه نروح نكعد على شط العرب وهناك نسولف على راحتنه .
خيريه:خوش بكيفك.
هيثم :رحنه للكورنيش كعدنه ...اكلج حبي شنو تردين ازبري لو عصير.
خيريه:بكيفك
هيثم:هاج هذا عصير ...رحنه كعدنه على شط العرب نشرب عصير ونكرز حب ...اكلج حبي انتي ليش حبيتيني .وانا اكبر منج 14سنه .
خيريه:تريد الصدك اول ما شفتك حبيتك شخصيتك وضحكتك وكلشي بيك حلو وانيق
هيثم:هههه شعده جوليت ...وانتي احلا شيء السمار البيج . يكتل والحمزه
خيريه:وين انا حلوه معقوله ههههه
هيثم والله اصلا اتخبلين ما ادري شراح ايصبرني للعطله حتى اجي اخطبج .
خيريه:تريد الصدك انا خايفه اهلي ما يوافقون
هيثم:ليش انا شبيه حتى ما يوافقون بلعكس جبير وعاقل وفاهم
خيريه:يلا بلكت هيج صدك وتصير من نصيبي
هيثم: ولج خجلتيني
خيريه:ايي امبين خلصت العصير وجاي تشرب وهو فارغ هههه
هيثم:ههههه .اكلج امشي نصعد بلسفينه
خيريه:لالا خلينه كاعدين اهنا مرتاحه
هيثم:ابكيفج ..تدرين شنو اكثر شيء حلاج بعيوني
خيريه:بلا خل نسمع نزار قباني هههه شنو
هيثم:ادابج واعيونج الي كل ما اباوعلهن ابتسم
خيريه:ضلينه انسولف ونضحك وجان احلا يوم ابحياتي صارت ب11ورجعنه للبيت ...ازدحام اوصلنه ب12وربع نزلني بلفرع دخلت للبيت خايفه بس الحمد لله ما حاس بشيء
ام محمود:يمه بدلي وتعالي اتغدي .
خيريه:ايي يمه ..بس البنات وين ما الهن صوت
ام محمود:راحن يودن غده الابن عمج غازي خطيه بعد محد عنده
خيريه:ها....بدلت وتغديت ونمت
ام محمود:خلصنه غده وصاحلي ابو محمود خير شيريد يا ستار
ابومحمود: هناء هناء ام محمود .
