حريه بت شيوخ

3

"حريه بت شيوخ"
(AA)

الشيخ.شبيه تاليه
مهند. خبله
ابو مهند.يا بابا علكيفك وياها ليش ناشب وياها
مهند.انه ناشب وياها لو هي ما تتحاجه بس تتعارك خبلتني
الشيخ. لا يابو مهند البنيه حيل السانه طولان اني احجيه
مهند. اتسوي فضل عمي
ابو مهند.كيفكم اي وانته ليش مو بشغلك
مهند.خضيت اجازه شهر
ابو مهند.شهر شعدك رح اتعرس
مهند.والله يا يابه مالي خلك اجازه انريح بيه
ابو مهند. كيفك وانه شكدر اكول بعد طالع على عمك ما تتحاجه
الشيخ.افااا انه ما اتحاجه
ابو مهند.ههههه اتشاقه وياك شيخ بس حرام عليك خليت الولد نفس اصباعك بسرعه ايعصب وعنيد
الشيخ.ههههه الله ايحفضه وايوفقه يارب
مهند.حرام عليكم حتى امين ماكو سلام رايحه ارتاح انه
ابو مهند.هههه روح انته بس خل انشوف ابسامه بوجهك ترد الروح ما كو
مهند.لاحبيبي امخليه الكم لايكه للشياب
ابو حيدر.اتخسي احنه شياب
حيدر.لا لا ما اوصيك كول بعدنه شباب وراح انعرس
ابو حيدر. انه منين طلعت
حيدر. طلعت من بطن امي قبل 18 سنه هسه يلا تدري يا حجي
ابو حيدر.ههه ضحكتي دمك خفيف
حيدر بغرور.ادري لعد شلون ضحكت
فهد.انصحك نصيحه
حيدر.ابهرنا اقصد انصنا
فهد.تنطينه ظهرك تدخل من الباب اكو درج جبير اصعد اخر غرفه ادخل بيه افتح الجرار تلكه كتب صارلهن شهور ما مفتوحات افتحهن واقرا وراك امتحانات يالشاطر
حيدر.اهووو عبالي رح ايكلي روح اخذلك مرة وسافر عيش حياتك ايريدني اقره عمي ترا راحت موضه القراءة صرنه بزمن  الي يقرا يرسب والي ما يقرا يطلع الاول مو صح انو
مهند.لا مو صح حبيبي امشي لا اكوملك ترا لهنا واصله
حيدر.شبيك توك تضحك من وصلتلي وصلت لخشمك ما يصير انه سادس لازم اتدللوني حرام عليكم
ابو حيدر.امشي ولي اندللك من شطارتك الزايده
وبقى الجدال الذي لا ينتهي
تاليه دخلت البيت ضايجه سلمت وصعدت بدلت ونمت كعدت على موبايلي ايدك شلته رقم غريب
تاليه الوو
الرقم.ما عرفتيني
تاليه. فضه ما عندي وكت منو انت
قيس.الشيخ قيس انه
تاليه.انت منين جبت رقمي
قيس.كتلج اخذ ثاري مو الشيخ قيس الي زعطوطه اتصيح تحجي ويا هيج
تاليه.ههههه ثارك كاتله ابوك مو انه اكول سده وبعد لتدك لا تشوف شسوي
قيس.شتسوين
سديته بوجه وعع شكد مكروه منين جاب رقمي نزلت ديحضرون للعشه وبيت خوالي راحو نزلت كعدت عله الموبايل شويه ودخلو عمامي والولد وبابا كعدو ايسولفون واني ولا يمهم افكر بهذا قيس منين جاب رقمي شويه صاحلي بابا
الشيخ.تاليه.تاليه
شوي وحصلت دفره من عمي فهد
فهد.تاليو وعمه وين صافنه
تاليه. اخخخ شبيك فهدددد
فهد.وجعاخ صارلنه ساعه نحجي وياج وانتي باافريقيا ما ادري اوربا
الشيخ.بابا بيج شي وين صافنه
تاليه. لا بابا ما كو شي بس ضغط الشغل
ابو مهند.اي يا عمي اخذي اجازة وارتاحي.
تاليه. إنشاء الله عمي امروني
ابو حيدر. شوفينه العشه وين صار رح انخلص من الجوع
تاليه.ماشي
رحن سئلتهم على العشه كالو شوي ويصير
صار العشه كعدنه نتعشه سوالف وضحك شاورني عمو فهد
فهد.من تخلصين تعالي اريد اخذ رايئج بشي
تاليه بصوت عاليه. بس لا رح تخطب
فهد.يا اخطب امسودنه انتي
تاليه.اي عفي ابقى هيج احلا ما يلوكلك ايكون عندك مره ابد
عمتي ساره. لج احنه انريد انزوجه واتني تكليلي هيج
تاليه.اول شي اتزوجي يلا اتزوجين بالعالم
سارة.ولج اتعايريني
تاليه.هي كوة الرجال ما يريد يتزوج الزواج غصب  روح حبيبي مالك دخل بيهم
فهد.فديتج حميصكم
دخل عمو للصاله واستلموني
ابو مهند.ولج عمي احنه انريد انوزجه ليمته ايضل هيج
فهد.سمعتكم اتحشون بيه.
الشيخ.تعال تعال اهنا ليمته هيج ما يصير فهد.اهووو انفتح عليه باب خلاس انه رح اصدر قرار ما اتزوج اذا ما تتزوج تاليه
تاليه.هاهي لعد احنه ضالين على كلب الشيخ
فهد.يلا امشي شكد بلعتي
تاليه.انته شكو اكل وما اسمن مو نفسك رح اتصير دب
فهد.دب بعينج امشي يلا
تاليه.امشي لو اركض
فهد.لا ركضي لان رح تنكفخين
لكل .هههههه
ام مهند.يمه مهند شبيك ساكت ووجعك اصفر
مهند.لا يمه ما بيه شي تعبانه
تاليه.كو ارتاح ابغرفتك خل اجي اقيس ضغطك
مهند.ماشي
صعدتله قستله ضغطه طبيعي بس امصخن سويتله كمادات نزلت حرارت ونام داطلع صاحلي
مهند.تاليه
تاليه. نعم
مهند.اسف
انصدمت اول مرة يعتذر خاف المرض امئثر عليه
تاليه.لا ولا ايهمتك ارتاح انت.
طفيت الضوة وطلعت متفاجى اول مرة ايسويه هههه بس ابد ما لايكتله
فهد.خبله اتضحكين ابحدج
تاليه.والي يصير ويا هيج اشمتوقع ايسوي
فهد.اشصار
تاليه.مهند اعتذرلي
فهد.هااااا
تاليه.شبيك بس انه متاكده اماثر علي المرض
فهد.ولج الي ما معتذر يعتذر الج ومنو العدو مالته
تاليه بغرور.عادي وشني يعني مو اول مره ايسويه
فهد.لا حبيبتي اول مرة ايسويه امشي خل نكعد بالصاله
تاليه.يلا
دخلنه بالصاله سولفنه وجه حيدر علكه علينه طردنا للغرفته علمود يدرس صارت بال11 رحنه كل عائله لغرفته وكل واحد لغرفته.
صار الصبح  بدلت لبست
ونزلت الكل يتفطر ما عدا بابا وعمامي بالشغل طالعين على وكت
تاليه.صباح الخير
الكل. صباح النور
تاليه.مهند شلون صرت
مهند.تمام
تاليه.يلا انه اروح
ام ابراهيم.بعد وكت يمه
تاليه.لا ماما عندي شغل هواي
ام مهند. لعد اكليلج شي قبل لا اتروحين
تاليه. لاخاله ما اشتهي من اجوع اطلب اكل يلا سلام
مهند.انه بعد استئذن
ام مهند.الله وياكم يمه
طلعت جان حيدر هو واصدقائه كاعدين بالباب شمكعدهم من الصبح ما ادري واحد ديسئل الثاني وواحد يلعب وي العصفور الي بالقفص وحيدر على الموبايل شنو من شل امجمعين طلعت وهذا ابو العصفور صوفر لعصفور حيدر رفع راسه شافني باوع لصديقه ايصوفر كام وهد عليه عباله عليه انه ما كضيت روحي كمت اضحك صعدت بالسيارة وصلت للمستشفى طلع بوجهي قيس
تاليه.استغفر الله ربي واني اتوب اليه شرايد.
قيس.ثاري.
تاليه.والله اتضحك انت شوف خل اكتل ابوك عود كلي ثاري لا تخاف اتانيك انه
قيس.صدكي كل كلمه كلتيه رح اتندمين عليه
تاليه.شوف انه كلش ايهمني اعرف الدكتور اانفسي مالتك كلش ايهمي
قيس.احترمي نفسج
تاليه.والله انه امضيعه وكتي عليك وبعدين منين جبت رقمي
قيس.انه اعرف كلشي عنج حتى جد جدج متعاشرين انه ويا انه الشيخ قيس
تاليه.هم كال شيخ قيس انته شكد اتحب الذله. عفتخ ودخلت وهو دخل ورايه شاف ابنه وراح لان الحراس ماخلو بس كالعاده سوه عركه وي الحراس وطلع وهم كال اني الشيخ قيس محد يحجي وياي هيج ههه ايضحك
خلصت شغلي رجعت للبيت دخلت للمطبخ شفت حيدر وجه امورم وحالته حاله
تاليه.شبيك
حيدر.شبيه بي صخام كله من وراج
دخل مهند.هاي شبيك
حيدر.اتعاركت ويه صديقي كل علمود هاي
تاليه.انه شكو
حيدر.من صوفر عبالي عليج طلع ضربته وضربني طلعه ويه الطير مالته
انه ومهند متنه ضحك ومهند اول مرة يضحك على شي ايخصني كل امعصب وطلع عنده غمازة يووو متغير هالرجال؟؟
تاليه. هههه ما ادري هيج عندك احساس وغيره
حيدر.ولي لا ابتلي بيج
صار الغده كعدنه سوالف وضحك كالعاده
سارة.اليون صار شي تارخي
الكل شنو

للحكايه بقيه
"حريه بت شيوخ"
قراءة ممتعه
كومنت وتعليق حبايب♥♥

(AA)