حريه بت شيوخ

23مفاجئ البارت الاخييير

"حريه بت شيوخ"

الصبح 5:00
كعدت من وكت كلني نشاط نزلت كله نايمه حتى ام محمد ماكو نظف البيت واني اغنيه بعدين كعدت اسوي ريوك حظرت الكوابه والاجبان ومن تجي ام محمد اتكمل ما اعرف (ام محمد ورجله ابو محمد كاعدين بالملحق مال بيتنه وماعدهم جهال)داغني ومندمج درت اشوف ام محمد فاتحه حلكها وتباوعلي
تاليه.صباح الخير خاله
ام محمد.بنيتي خو ما مصخنه
تاليه.ههه لا خاله مبيه شي
ام محمد.اكيد يمه
تاليه.اي تعالي سوي بيضه بيضتي محلو
ام محمد.اي يمه
خلصنه تحضير وكله جت اتريكت ومتفاجئين مني
:تسريع الاحداث"
اني ومهند كاضينه بس نظرات
عمه ساره طلعت حامل
ابراهيم اجل سفرت يوم واحد بعد حتى يحضر العرس 
"يوم العرس"
كعدنه الصبح رحت اني وخاله ام مهند والبنات للصالون ترسنا ترس كملو العروسه سويتلي ام الصالون مكياجي خفيف ولفتلي لفه حجاب بسيطه بس كلش حلو .  خلصنه الساعه 3 جه علينه مهند وابراهيم مهند خذه امه واخته واخته الثانيه اشرلي بعينه انو اجي مقلبت صعد ويه ابراهيم لان  فشله شيكولون عافت اخوها وراح ويه ابن عمه ميصير واصلا اذا رحت حيرزلني ادري بي .وصلنه للبيت دخلنه وبده الرقص اني كلش مالي بالرقص فكعدت ونور بالكوه كاضه روحها وام وليد تباوعلي بحقد جني بايكه رجله مو رافضه ابنه.كاعده وجتني رساله قريته من مهند (تعالي بالصاله الي فوك)هذا شصعده هو مو جان برا دزيتله
(تاليه.ما)
(تجين لو شلون)(جيت)
صعدت لكيته ينتضرني هناك
مهند.واخيرا
تاليه.شلون صعد اهنا
مهند.سالفه طويله استللت اتختلت علمود لحد ايشوفني بس ام محمد دائما بالمرصاد   المهم طالع اتخبلين
تاليه.اممم ادري
مهند.لا تنوفخين عاد
تاليه.مهند
مهند.نعم
تاليه.ااا
مهند.ايي احجي
تاليه.ااااريد اروح
مهند.امده حضي اي والله
تاليه.هههه باي احبك
وشردت واني منصدمه منين جتني الجرئه هاي.ومدري شصار بس بعدين نزلت لكيت ملك جايه سوت روحها حبابه وثكيله وكذا
شوي وجو علمود ايزفونه الساعه 4:30 دخل العريس وابو وابوي لان الشيخ وعمو ابو مهند لان ابوها ومهند لان اخوها
مهند اول مدخل غمزلي علكيف اني جنت واكفه يم نور جه وكف يمي
تاليه بهمس.شدسوي روح لحد ينتبه
مهند.اول شي انه مو نفسج خواف اذب الحجايه واشرد وثاني شي اول مره اوكف يمج
تاليه.ادري بس ميصير شيكولون عاف المكانات كله وجه وكف اهنا
مهند.عادي واكف يم مرتي المستقبليه مبيه شي مو
تاليه.مهندو اسكت
مهند.هههه عجبتني هاي مهندو
تاليه.اسكت لا ادكها ضحكه افضحكم بالعرس
مهند.دخيلج كلشي ولا ضحكتج الي تجيب التايه ...بالزفه تعالي وياي
تاليه.لاهيج اتزود عن حده واذا شافني ابراهيم
مهند.تجين وغصبن ما عليج واذا علا ابراهيم عادي
تاليه.شنو عادي لتكلي ابراهيم يدري
مهند.اني كايله بس اني رايدج مكايله عن شي ثاني
تاليه.عزه بعيني كون عليك الله لتجذب عليه
مهند.والله شبيج
تاليه.والله  ولا اروح لا وياك ولا ويا اطلع سيارتي
مهند.هههه سيارتج تحلمين
تاليه.حباب
مهند.جك
زفوهم رحت ويه مهند وخلص العرس بعد طلاع الروح رجعنه للبيت ملك راح رحت لغرفتي نمت لان ميته تعب
"مكان اخر"
جانت العائله الكريمه مجتمعه بالصاله عمامي كاعدين على جه من القنفه والولد متصطرين على الجه الثانيه فهد بعدين ابراهيم ونوب مهند وحيدر امكابلهم بالكاع ايتانيهم يحجون الموضوع الي كاعدين علموده
حيدر بهمس.فهد انته الجبير انته احجي
فهد.لا لا ما اريد
حيدر.ابراهيمو فضها
ابراهيم.بطلت والله ما اريد
مهند.لتباوعلي
حيدر.ما بيكم خير اني رح افتحه للموضوع وانتو كملو
فهد.اي حباب
ابراهيم.من اكللهم حيدر خوش وليد ميصدكوني
حيدر.احمم شيخنه
الشيخ.هلا بويه
حيدر.شيخنه الجماعه عدهم موضوع ويستحون يحجون
الشيخ.خير انشالله تفضلو
حيدر.يلا لك احجي
فهد.احم خويه انه اريد اخطب
ابراهيم.وانه همينه بويه
مهند.وانه همات عمي
فاطمه.لا خفو علينه مو دفعا وحده شنهي السالفه
ام ابراهيم.الف مبروك يمه الا نخطبلكم زينه البنات
حيدر.لا عمه كلمنه امحضرله وحده قابل يجونكم هيج
الشيخ.خير انشالله  اي خويه فهد منهي الي رايده
فهد.ااملك صديقت تاليه تعرفونه خويه خوش بنيه
الشيخ.ونعم الاختيار خويه
الكل.الف مبروك
ابو مهند.وانته ابراهيم
ابراهيم.امل بت خالي علي
ابو حيدر.ونعم مما اختاريت يابوي
الشيخ.الف مبروك بويه  وانته مهند
مهند.انه
حيدر.لا انه دحجي
ابو حيدر.جنك هم انته تريد تزوج
حيدر.هو منو ميريد يابوي بس كلت بعده وكت
الشيخ.احجي ابني مهند
مهند.عمي انه رايد تاليه
الكل.شنوووو
مهند.شبيكم بت عمي ورايده عدكم مشكله
الشيخ.لا ابني حقك بس اتفاجئنه انته وتاليه متتراهمون رح اتكذوها امذابح
مهند.لا لتخاف عمي مرح يصير الي ابالك وهاي بضمانتي
الشيخ.انشالله خير الاسبوع الجاي نخطب لفهد وابراهيم لما يرجع من السفر ومهند ما يرادله شي
فهد.سبوعيش خوي فدو لكلبك باجر انروح نخطب
ابو مهند.جنك مستعجل
فهد.لعد شلون
الشيخ.يلا تصبحون علا خير
راح الكل نام ...
الصبح الساعه 9
ام ابراهيم.تاليه تاليه كعدي ولج
تاليه.ابيش الساعه
ام ابراهيم.بالتسعه
تاليه.بعد وكت
ام ابراهيم.بعده وكت شنو كومي اريد احاجيج بموضوع
تاليه.شكوو
ام ابراهيم.انخطبتي
تاليه.يوم انتي متملين من هاي السالفه كاعده على كلبج اني يايوم
ام ابراهيم.انتي عرفي منو خطبج اول يلا تحجين
تاليه.ما اريد اعرف
ام ابراهيم.مهند ابن عمج خطبج
تاليه.مهنددد
ام ابراهيم.ايي شبيج طفرتي.
عزه متوقت بهل سرعه ايسويه درت وجهي عن امي صافنه ومبتسمه
ام ابراهيم.تاليه تاليه لج تاليو
تاليه.ها ها
ام ابراهيم.وين صفنتي حروح انه اخليج اتفكرين وفكري عدل
تاليه.لا يوم ماله داعي ترحين انه موافقه
ام ابراهيم.بهل السرعه
تاليه.اي يمه ابن عمي احسن من الغريب
ام ابراهيم.ابن عمج احسن من الغريب موو والله انتو الاثنين داهيه هسه متاكد اكل الابوج موافقه
تاليه.ايييي
..............
ساره.نعم تاليه ومهند مستحيل ما اصدك
دعاء اخت مهند.اتخيليهم عمه وهمه امصطرين جهالهم ويتعاركون هههههه ولج يمه
ام ابراهيم.سبحان مغير الاحوال من حال الى حال
ام مهند.كتيله
ام ابراهيم.ايي وطفرت بوجهي تكلي موافقه
ساره.لا لا رجعوني لبيت رجلي رجعوني بعد ما استحمل صدمات
فاطمه.ترى انتو امكبرين الموضوع عادي جانو ايكرهون بعض وهسه ايحبون بعض شنهي السالفه
"تسريع الاحداث"
خطبنه لفهد وعرس بعد اسبوع وملك لعبه جوله بعرسه
ابراهيم بس حجو بامل لان البنيه عليه العيون يمكن ايخطبونها او شي فحجو بيه
انه ومهند عرسنه صار نفس يوم عرس ملك وفهد وجان شعور كلش حلو انو اتزوج الي احبه وكل يوم اصبح بوجه
بعد ثلاث سنوات
حياتنه سعيده صار عدنه ولد اثنين تؤام واحد يشبهني والثاني ابو حواجب نفس مهند امبينه حيطلع معقد لانحواجبه هم معقوجات دائما سميناهم (جواد وجياد )
فهد وملك.صار عدهم ابنيه سموها مها
ابراهيم خلص دراسه وجه اهنا اتزوج
وحيدر خطب ريم من صار سنه ثالثه بالكليه.
......
تاليه.صباح الخير حبي
مهند.صباح النور كلبي
تاليه.يلا ننزل انه جاهزه
مهند.وين
تاليه.شبيك كله جوه مو بابا سوه عزيمه
مهند.يا نسيت عمي البارحه كالي انزل من الصبح عزه بيعينج غير اتكعدين
تاليه.انته مكتلي
مهند.تعالي هيج حتنزلين
تاليه.اي شبيهن
مهند.ضيكات بدليهن
تاليه.مهند حباب بس هل المرا
مهند.كتلج بدليهن لتخليني اعصب بسرعه
تاليه.ماشي
مهند.حاخذ جواد وانزل
تاليه.اممم
مهند.زعلتي
تاليه.لا
مهند.تلو حياتي غير اغار عليح وما اريدج اتطلعين هيج صيري حبابه وسمعي الحجي
تاليه.بس هل المره
مهند.مره اتجر مره وتصير كل مره
تاليه.ماشي
مهند.فديت التسمع الكلام انه
...........
فهد.لبخي بعد شخليتي انتي
ملك.وين اصلا خفيف
فهد.خفيفيش هذا جنج ساحرا
ملك.فهددد
فهد.اتقشمر وياج يلا شيلي مهاوي خل ننزل
ملك.ما انت شيله مو هي بتك خابصني بيه
فهد.اتغارين منه
ملك.هاي العايزه بعد اغار منه
فهد.لعد مضغوطه منه لان احلا منج موو
ملك.لع
فهد.اي
ملك.وخر عني زعلت
فهد.لا لا كلش ولازعلج اتقفلين عليه اسبوع
..........
ابراهيم.يلا اموله خلصتي
امل.ايي حبيبي
ابراهيم.لج هاي شطالعه
امل.اخبل موو
ابراهيم.اتجنين
امل.ابراهيم
ابراهيم.نعم حبيبتي
امل.انته ما زعلان لان لهسه مصار عدنه اطفال
ابراهيم.ولويش ازعل وانه عندي احلا بت بالعالم انتي بتي وانتي الي امعوضتني وبعدين الي الله كاتب ايصير يمكن ما رزقنه اليوم يرزقنه باجر خليه على الله حياتي
امل.الله ليحرمني منك
ابراهيم.ولا منج يلا ننزل
..........
حيدر.هلا بكلبي
ريم.هلا حبيبي
حيدر.حتجين
ريم.لا
حيدر.لا بله كيفج هو تجين وغصبا ما عليج
ريم.شبيج اتعصبت اجي والله اجي
حيدر.اي عبالي بعد
ريم .حيدوري
حيدر.نعم يا بعد حيدوري
ريم.احبك
حيدر.وانه اموت عليج
ريم.يلا انه اروح جت امي
حيدر.واذا
ريم.شنو واذا اخاف تسمعني
حيدر.لج عادي انه خطيبج شبيج
ريم.ما امي هي متحب هاي السالفه ليل ونهار احجي وياك حتى اختي مريم بالكوه جانت اتخليه تحجي ويه خطيبه
حيدر.هاي احنه ما نطلع سوه وهيج لو نطلع
ريم.شيخلصني منه يلا حبيبي انه اروح ابدل اتاخر
حيدر.اخذي راحتج حبيبتي 
..............
ام ابراهيم. فديت كلبج ام محمد هذا الطبخ الزين
ام مهند.لعد شعبالج ام محمد بالعزايم اتذب فلك بس بالايام العاديه اتقشمر علينه بالطبخ
ام محمد.والله خيه نفس طبخي بس هذا حلو بحلات اللمه
ساره.سلاااام
ام حيدر.هله بخبلتنه
ساره.وااو شنو هل الريحه التخبل
ام ابراهيم.ولك عمه الحك مرتك هسه اتطيح ابنك
ام مهند.متكليلي شبيده هو  الولد مسكين وهاي مخبله
ام محمد.سويرا وخري عن جدري ولج
سارة.شبيكم ابني جوعان غير اكل
ام حيدر.اي انتظري الغده
ساره.والله مامتريكه جابني ركض مدري شعنده ويه الولد سالفه حموت واعرفها
ام مهند. متتغيرين

.............
تاليه.ليست كل الحكايات لها نهايات تعيسه والبدايات  سعيد فانا حضيت بالعكس وما زال المكتوب هو قدري شكرا شكرا شكرا شلوني
مهند.عاويه
تاليه.كول والله مرتين اسبوع كامل وانه افكر واخترع افكار وتكلي عاوي
مهند.هاي الحقيقه عاوي ومابيه معنى
تاليه.مهندد من حلات رواياتك عساس 
مهند.اي اشوفج تخبلتي عليهن
تاليه.مهنددد
مهند.حلوا اجذب عليج
تاليه.انته منو امعلمك الجذب
مهند.هاي ايسمونها جذبه بيضه
تاليه.والابيض من يتوضخ ايصير اسود ههااي
مهند.تعالي نامي تعالي

...............
عندما تثق بشخص بشكل كامل بدون ٱي شك
في النهاية ستحصل علىٰ نتيجتين
ٱما شخص مدىٰ الحياة .. ٱو درس مدىٰ الحياة

لا ٱظن الصعوبة في الخطوة الإولىٰ
فمرحلة المنتصف هي البلاء الإعظم
عندما لا تعرف ٱن كان لديك القوة لتصعد ما بقي من السلم
ٱو تنسىٰ تعب الصعود و تنزل
.........
اتمنى اني قصتي قد نالت اعجابكم انتظروني بالمزيد
تحياتي
الكاتبهAA
"حريه بت شيوخ"
قراءة ممتعه
صوت كومنت
تفاعلوووووو توقاعتكمممم
الكلمات 1450