ماضي لا يرحم

بارت 1

فاقت آسية على صوت الخدامة.
الخدامة :لالة آسية نوضي راه ماماك وصاتني نفيقك بكري باش تمشي لجامعة.
اسية :يالهبيلة شحال من مرة قلتلك عيطيلي بسميتي اصاحبتي وجدي راسك نمشيو وماتبقايش لابسة حوايج الخدامات.
رانيا بنت 18عام ضريفة لكن فقيرة بززاف ومسطية بحال آسية كتخدم عند اسية باش تسير امورها وامور والديها لي مراض اسية بغات تتكلف بمصاريفها لكن رانيا مابغاتش حيت كبرياءها منعها وطلبات منها تخدم عندها.
رانيا :وحتا تنوضي بعدا عاد نقاد حالتي.
آسية :عارفة ديك نقاد حالتي والله لموك ليوم حتا نتكلف بحسك.
جراتها وحيداتلها لبسات الخدامة وعطاتها حوايج راقيين وقاداتلها شعرها بسيشوار.
رانيا :ويلي كيجيت شهاد الحالة ؟
آسية :غي ممولفاش وصافي جيتي فنة ليوم كولشي يتزعط فيك قرطاستي.
قرصاتها.
اسية :ياك المسخوطة وليتي تقرصيني.
رانيا :يسمعوك البوليس يجمعوك بتهمة التحرش خمس سنين وديك الساعة تشوفي قرطاسة كيدايرة.
آسية :وهي لي بغا يضحك معاك ندمتيني يالتوفيس الكحل زيدي قدامي نشوفو حريرة هاد النهار كيغاتكون.
رانيا :راحنا مجتهدات لاش حريرة.
آسية :راك عارفة دوك المعوقين بغيت نقول معياقين اودي نساي هاد التخربيق عليا لمهم لي برزطنا راكي عارفة.
رانيا كضحك:زيدي يا ابليس وليت نخاف منك ومن فعايلك.
آسية "باقي مشتي والو الزين.
رانيا :نتي لموك ماباغاش تحشمي.
آسية :متعرفي لا لرومنسية لاوالو.
رانيا :لواه الرومنسلوكية نوضي جمعي راسك.
آسية :راني مجموعة غا يلاه.
خرجو لجردة دلفيلا.
رانيا وقفات :
اسية :امالك احنينتي ؟
رانيا :نشرطها عليك من دابا هاد القزديرة منركبش فيها.
اسية :قزديرة الله ينعل لي ميحشم هادي قزديرة نتي وجهك غادشي كوريسا دلبوطة وتركبيلها شي حمار.
رانيا :ياك يالعوجة اجي لهنا.
شبعاتها قريص وحيت هي عارفة خوف رانيا من السيارات بسباب واحد الحادث كان وقع ليها وافقات .
آسية :زيدي نمشيو عل رجلينا بحرا طيحي دوك الشحامي.
رانيا :معرفت شكون الكاموسة لي خاصها طيح الشحامي.
آسية :الله يعطينا وج.
يلاه بغات تكمل وكايدوز واحد بطونوبيلتو رشهوم بالغيس .
اسية تبعاتو ومالحقاتوش رانيا حفظات رقم السيارة.
اسية :والله يا عمي لابقات فيك هاوجهي اجي عكرلي ببعر البقرة ايلا  فلتي.
رانيا :الحرايمي كيرجعك ياختي.
اسية :شفت الدنيا خاوية البقر دخلوا واقيلا ويلي ويلي اول مرة نتعطلو.
رانيا بثقة :ماتخافيش راحنا اعز وحدين عند المديرة والاساتذة معندهم مايديرو لينا.
آسية :وايه هافين تتنفع براءتنا وهاد العقل الله يخليه ليا حبيبي.
رانيا كضرب على فخادها :اويلي تاعقلك تاتحرشي بيه لالا وليت نشك فيك ياكما نتي دري ومتنكرة فزي بنت.
طارت عليها تاتجبد فشعرها باش تتأكد.
اسية فكات راسها :يالمصيبة باش تبليت خر يامي خرجو عليك الرسوم طوم جيري هبلك.
رانيا :وليتي تاتخلعيني.
اسية :والخلعة هي لي غاتشدك ايلا ماوصلناش دغيا.
جمعوها جرية وحدة تاوصلو وهما يقشعو بحال ديك الطوموبيل.
رانيا تتقرص اسية :شوفي بحال هاديك دقبيلا.
اسية احح يالحرايمية ينعل حسك مابقيت عارفة راسي مع شنيولة ولا بنادم من الصبح ونتي تقرصي فيا وديك الطوموبيل زعما هي شوفي واش الرقم هو هداك.
رانيا :قرات المطريكول هو هدا.
اسية بشر:وزيدي نديرو حنة يدينا باش ميعاودش يدير بحال هاكة .
جبدات اسية ورانيا مقوصا وقاطع الورق من اللاطروس وبداو تيخططو ويرسمو وجاو فالوسط كتبو انا حمار ارعى فالاسطبل.
وهربو دخلو للمدرسة ومع اول نهار كانوا الاساتذة باقي موصلوا دخلو كايلقاو القيسم كلو مجمع دفعاتهم اسية ورانيا باش يشوفو و