مجرد حاله..بقلم وعد يحيي البكري....

8

  الفصل الثامن:-
___________
روايه(مجرد حاله)
_________________
بقلمي/وعد يحيي البكري:-
____________________
تقدم الطبيب من الغرفه الواسعه ودخل بخطاه الواثقه مصوبا حديثه الي أنس ومحدثه..
-لو سمحتوا معاد الزياره انتهت لو ممكن تخرجوا
قال أنس بتوسل:-معلش لو ينفع دقيقتين
قال الطبيب بحسم:-اسف جدا لكن ممنوع
انس:-لكن...
.....:-يلا يا انس بقي هما ادري بمصلحتها
خرج انس برفقه محدثه و جلسا ثانيا
...:-ادعلها بالشفاء
انس:-ياااااارب
.....:-طب يلا كمل باقي حكايتك
تنهد انس وهو يفكر بالفتاه التي يحبها كثيرا والتي هي هكذا علي فراشها وبلا حراك:-ماشي يلا...
__________________________________
انس:-فرح حاااااااسبي!
جري باتجاهها و جذبها من ذراعها فوق الرصيف و لم تمر ثانيه حتي مرت السياره و توقفت
كانت فرح تتنفس بصعوبه بين ذراعي انس و قد ابتلت ملابس انس بسبب دموعها
نزل سائق السياره بعصبيه:-ده ايه الغباء ده؟
انس:-خلاص يا عم روح لسبيلك
-انت انسان فعلا معندكش دم و انتي؟!صغيره انتي علي اللعب ده
بدأت الناس تلتف حولهم و بدأت هي في التوتر
انس:-يا عم خلاص احنا اسفين
-يعني ايه يعني؟يا ستي عوزه تغوري في داهيه و تموتي النيل قدامك بس متغورنيش معاكي في داهيه
اغتاظ انس و هو يمسك بياقه سائق السياره قائلا
:-ما تحترم نفسك بقي انا عمال اعتذرلك بس انت شكلك مش بتيجي بالزوق
دفعه الرجل بقوه فاغتاظ سيف اكثر وقبل ان يتقدم احد للتدخل عاد انس بقوه يلكمه ليرد هو اللكمه في معده انس ثم يليها باخري في عنقه و اخري في معدته و اخري و اخري
و انس لا يستطيع الرد علي لكماته بدأت الناس تفض العراك فرح تبكي بصمت شديد و فجاه دون اي مقدمات فقدت الوعي..
__________________________________
ظل احمد يزرع الغرفه ذهابا و ايابا بعصبيه بالغه
احمد:-يعني راح فين سيته؟
سلمي:-ما انا معاكو هو يا استاذ احمد
ياسمين:-ايوه معانا بس اخوكي فين
كانا حينها في شقه فرح و قد تاخر الوقت و لم يعودا بعد ولا يجيبون علي هواتفهم
سلمي:-ان شاء الله خير
احمد:-خير؟و هيجي منين الخير من ساعه ما عرفنا اخوكي و احنا المصايب مش سايبانا
سلمي:-انت بردو و لا اخويا لما اختك كانت في الكافيه و....
برقت ياسمين عيناها فصمتت سلمي عن الحديث
عقد احمد حاجبيه:-ايه الي حصل تاني؟
سلمي:-لا لا مفيش بقول يعني ان....ان الاتنين بيحبوا بعض
ضحك احمد بعصبيه:-حب اما يخده..
سلمي:-ما تحترم نفسك ده اخويا يا اخي ده انا في بيتك حتي و بعدين اختك هي الي عيانه و شبطه فيه!
توقف احمد و برقت عيناه:-قلتي ايه تاني كده؟
_____________________________________
شعرت فرح باصابع احدهم تمر بخصلا شعرها البنيه الناعمه برقه ففتحت عيناها ببطء شديد لتجد وجه انس امامها مبتسما و خلفه كل شيئ ابيض
فرح:-اده؟انت ملاك و لا ايه؟
انس بابتسامه:-يعني حتي و انتي تعبانه لسانك طولك!..
فرح:-اصل كل حاجه بيضه و انت كده في نص فكرتني مت و دخلت الجنه
انس:-بعد الشر يا فروحه
وضعت فرح اصابعها ع وجهه و ركزت عيناها ع عينيه الزرقاء
فرح:-بس الملاك بتاعي عيونه ورمه!
انس:-هههههه مش بقول لسانك طولك
اختفت ابتسامه فرح و تأملته كثيرا و لا تزال اصابعها علي وجهه ثم همست:-
-بحبك!
قالتها فرح عده مرات سابقا لكن هذه المره كان الامر يختلف كثيرا فقد اغمض انس عيناه و شعر بارتجاف كيانه مع حروف الكلمه من شفتيها و رغم انه اتفق علي الا يتفوه باي كلمه حب الا انه همس لا اراديا
-بحبك
ابتسمت فرح:-اخيرا يا عم التقلان
أفاق انس من شروده:-هه؟
فرح ببراءه:-اوعدني متمشيش تاني
شعر بتمزق قلبه و لكن السعاده طغت عليه و هو يبتسم لها:-اوعدك
فرح:-باسم انت كل شيئ في حياتي!
توقفت حواسه كلها امام ما قالته كان ذلك يقتله انه اصبح متعلقا بفرح و عندما بدأ يحبها كان يحب و يهوي فرح...
و لكنها...تحب باسم!لا تحب انس
ابتعد عن فراشها ببطء و هو يعدل من هندامه
انس:-انا ....هروح اخليهم يدوكي حقنه عشان اروحك ماشي
فرح:-خليك جمبي شويه
انس:-خلاص بقي يا فرح اتأخرنا أوي
ابتسمت قائله:-ماشي يا عم
__________________________________
سلمي:-انا...انا مقلتش حاجه انا...اسفه....همشي
و قامت ترفع حقيبتها و قبل ان تخرج استمعو جميعا الي صوت جرس الباب
احمد:-اكيد هما
فتح احمد الباب فوجد امامه فرح بابتسامه واسعه و كذلك انس و لكن شوهت ملامحه تلك الكدمات
احمد:-ايه الي حصل
قال انس مغمغما بطريقه غير مفهومه:-كانت خناقه بسيطه و...يعني فرح و كانت عربيه...اه...يعني كان في الكورنيش و....بس!
نظر له احمد باستعجاب فهو لم يفهم حرفا بينما اشارت فرح ع انس و قالت ببراءه:-اضرب في خناقه!
انس:-شكرا!
احمد:-خناقه ايه
انس:-مفيش واحد غبي كان هيخبطنا بالعربيه بس كده
احمد:-الف سلامه عليك بس اتأخرتوا اوي
سلمي بضيق:-اوي اوي يلا نروح
امسكت فرح بكف انس:-لا لا مليش دعوه اتعشي معانا
انس:-فروحه بقي مش هينفع كفايه لحد كده مشاكل
ضحكت بمرح و صمت الجميع لكن ضحكتها تركت اثر في نفس كلا منهما خاصه انس
نظر لها انس و شرد مفكرا:-اول مره اسمع ضحكه بريئه كده اول مره اشوف عيون صافيه كده....ياربي انتي ازاي كده؟
سلمي:-انسسسسسسسسسسس
انس مستفيقا من شروده:-ايه
سلمي:-سرحت في ايه يابني....يلا
انس:-اه سلام نخرج تاني امتي بقي يا شباب
ألقي أحمد بضيقه الجم من أنس و قسمه ألا يخرج معه ثانيا وقال:-امممم خلوها الجمعه الي جايه زي النهارده كده
انس:-تمام
ياسمين:-خلونا نروح الملاهي دريم بارك و كده
فرح:-روحتها قبل كده مع انس
احمد:-ما شاء الله ما شاء الله
ضحكت سلمي رغما عنها:-ما علينا
انس باسما:-خلاص بقي يا فروحه خلينا نروح تاني
فرح:-طالما مع باسم مفيش مشكله
ابتلع انس ريقه وابتلع معه الكثير من المراره:-السلام عليكم
ياسمين:-انا ماشيه انا كمان
احمد:-اوصلك؟
ياسمين:-لا شكرا
و غادر ثلاثتهم و فرح في غايه السعاده اخذت تدور حول نفسها في مرح ثم قبلت احمد و دخلت الي غرفتها
احمد:-ربنا يسعدك يارب يا فرح!و ياااااااااارب تخفي بقي!
____________________________________
انس:-عمري بقه ما هنسا يوم الملاهي ده احلي يوم في حياتي
.....:-طب احكي احكي من غير مقدمات انجز
انس:-طب قوم هتلنا حاجه من الكافتريه
....:-يوووووووه لا
انس:-ريقي نشف مش عارف اكمل
..:- ماشي ثواني
قام محدث انس بحماس يجلب لهما شيئا بينما شرد انس في ذكرياته و رفع امامه صورتها و هو يهممس:-خايف انسي ملامحك الحلوه دي خايف مشفش ابتسامتك تاني خايف مشفش عيونك تاني....لكن انا مش خايف...لا انا حزين اوي يا فرح اني مش هشوفك تاني اصلا!بحبك!
.....:-ايه بدأت تحكي من غيري و لا ايه
انس:-هههههههه هحكي يعني لمين هات
اخذ من يده علبه العصير و بدأ في شربها
....:-احكي بقه
انس:-لما اخلصها
....:-هففففففف انس!
انس:-طيب طيب....بص بقه يوم الجمعه الي بعدها...
____________________________________
تقابل انس و سلمي مع احمد و ياسمين و فرح وسرعان ما انطلقت الضحكات و الهمسات بين فرح وأنس
(وحشتني)
قالتها فرح بهمس في اذن أنس بينما كان انس يحاول الا يترك نفسه للكلمات الرومانسيه لكن رغم ذلك كان يسيطر عليه الشوق فهمس قائلا:-
-انتي وحشتيني و...
قبل ان يكمل نظر اليها:-اده
فرح:-ايه
قبل ان يجيبها انس قال احمد:-مش يلا بقه ننطلق الساعه بقت 11 الظهر
انس:-لا انتو هتروحوا تاني اختك لبسه فستان ازاي بقه فستان و احنا رايحين ملاهي
ياسمين:-و الله قلتلها
احمد:-اده صح؟
فرح:-ييييييييي بقه مليش دعوه خلاص محدش ليه دخل انا عرفه هعمل ايه هات مفاتيح العربيه يا انس
انس:-ليه
فرح:-معلش هات
انس:-خدي
فرح:-خد يا احمد سوق عربيته و هتركب معاك ياسمين و سلمي و انس هيركب معايا
احمد بشك:-ماشي
انس:-العربيه البمبمه!
و بعد ان استقلو السيارات كما رتبت فرح الامر بدأت فرح في القياده و انس الي جانبها
انس:-يارب ما حد يلمحني
فرح:-هههههههههه
انس بتركيز:-فرح علفكره احنا مش مشين ورا عربيتهم انتي ماشيه غلط
فرح بهدوء شديد:-لا يا حبيبي كده صح ده الطريق لسيتي ستار
رفع أنس حاجبيه وهو يقول:-يابت احنا ريحين دريم بارك
فرح:-اسملي عليك يا حبيبي احنا رحناها قبل كده الجمله الصح :-هما ريحين دريم بارك اما احنا ريحين سيتي ستار ناكل هناك و نشتري لبس و ندخل((ثري دي))
انس:-يخربيتك!تاااااااني؟
فرح:-هههههههههه بس بقي خلينا نتفسح و اقفل موبايلك
انس:-انتي مش هترتاحي غير لما يقوللنا مفيش خروج تاني
فرح:-اه اه هو كده
وضع انس يده علي رأسه:-و الله اخوكي هيدبحني
اخرجت فرح رأسها خارج النافذه:-بحببببببببببببببببببببببببببك يا باااسم!
جذبها انس بقلق:-يا بنتي انتي ضربه كده ليه؟
اوجعه ان قالت باسم ثانيا و اخذ يفكر نفسه بألا يذهب بعيدا بذهنه فهو ليس من تحب!
فرح:-مش هتصرخ؟
انس:-لا
فرح:-هصرخ انا!
انس:-خلاص......بحبببببببببببببببك يا ...سلميييييييييي
فرح:-يا سلام ايه الظرف ده و الله هعمل حادثه بينا و اخرج راسي انت حر
انس و قد بدأت الفكره تدخل رأسه:-بحبببببببببببببببك يا فرححح
فرح:-ههههههههه
انس بسعاده لم يشعر بها من قبل:-هههههههههه علمتيني الجنون
فرح:-و انت علمتني الحب عادي يا با....انس!
ارتجف كيانه لجملتها و بدا و كأنه يتذوقها بسعاده و لكنه عاد الي حزنه و هو يتذكر انه ليس من تحب...ليس من تحب........ليس من تحب!
***************************************************
فرح:-هههههههه عارف و الله حسيت في الثري دي ده ان الديناصور برا الشاشه
انس:-اه يا خوافه و اشتغلتي صوات
فرح:-السينما كلها مش لوحدي و بعدين علفكره....
.....:-فروحه فينك من زمان مش معقول وحشتيني؟!
توقفت فرح تتذكر تلك الملامح
فرح:-هااااااااااا...بوسي!حببتي
ضمتها فرح بحب شديد
بوسي:-مش بتيجي ليه
فرح:-مهو اصل باسم عايش بعيد و كده فمش باجي
كانت بوسي تلك هيه ابنه عم فرح و اخت باسم الحقيقي!
بوسي:-باسم؟
اشارت فرح ع انس:-ايوه عرفه انو وحشكو زي بالظبط ما تسلم يا باسومتي علي اختك
نظرت له بوسي و علامات الاستفهام و الغضب باديه عليها:-باسم مين ده يا فرح ايه الكلام ده؟
بينما توتر انس كثيرا لا يعرف ماذا يقول...
___________________________________
انس:-بقلك بقه انا هروح استحمي و اجي
....:-انت مستفز اوي يا اخي وبتقف في حتت مستفزه زيك بالظبط
انس ضاحكا:-معلش بقي لازم عامل التشويق وبعدين ريحتي طلعت يا عم...يلا سلام
....:-مع السلامه يا سيدي