مجرد حاله..بقلم وعد يحيي البكري....

13

  الفصل الثالث عشر:-
___________
روايه(مجرد حاله):-
____________
بقلمي/وعد يحيي البكري:-
_________________
.....:-مش هتكمل الباقي؟
تنهد انس قائلا:-لا هكمل.
صمت انس قليلا ثم ابتلع ريقه و هو يقول:-
ساعتها اتصلت سلمي و قالت ان في زميل جي يخدني..-
.....:-مممممممممم و بعدين؟
__________________________________
اغلقت سلمي الهاتف و تنهدت كانت في عيادتها الخاصه تجلس مع احدهم يحكي لها عن حالته و ضيقه النفسي
خلعت منظارها الطبي
سلمي:-اسفه اوي بس كنت بطمن علي اخويا حالته وحشه جدا ((يارب انا خيفه اوي ))
-الدكتور النفسي طول عمره بيسمع المرضي بتوعه زي كده مثلا...بس محدش بيسمعه يا دكتوره سلمي صح؟
فركت عيناها بابتسامه مرهقه:-بالظبط
-طب طب....ما تحكيلي مالك
وقفت و قد ادمعت عيناها:-و لا حاجه ((احكي ايه بس...الجرح الي اداو زمان و فجأه اتفتح))
ثم مسحت تلك الدمعه و استدارت بحماس:-انت الي جي عشان تحكي و تتعالج مش انا الي هحكيلك
-بقالي شهرين و نص بحكيلك يا دكتوره سلمي و نفسيتي بقت احسن احكي انتي
شعرت فجأه بدوار يجتاحها و استندت بمرفقها الي المكتب
سلمي:-ممكن نكمل الي كنا بتكلم فيه؟
-مالك يا سلم...دكتوره سلمي مالك؟
سلمي باعياء:-مفيش..انا...
و فجأه تراخت اعصابها و هي تفقد الوعي
-دكتوره سلمي؟؟سلمي؟
حاول ان يفيقها و لكنه لم يفلح فأمسك بهاتفه و بحث عن اخر رقم اتصلت به سلمي و هو رقم شقيقها و اتصل
انس:-ايه يا سلمي في ايه انا في عربيه....
-انا واحد مع سلمي في العياده اختك فقدت الوعي فجأه و مفيش فايده مش بتصحي انا هخدها ع مستشفي (.....)
انس:-طيب طيب انا جي
استدار الي زميله:-بسرعه اطلع ع مستشفي(......) سلمي اغم عليها و مش بتفوق
-متقلقش حاضر اهو ان شاء الله ارهاق عمل بس
انس:-يارب
_________________________________
الدكتور:-خير متخفش يا استاذ انس اختك بس في غيبوبه وقتيه
انس:-غيبوبه ليه؟
الدكتور:-ارهاق عمل و في صدمه عصبيه معينه حصلتلها ان شاء الله خير
انس:-يعني الغيبوبه دي قد ايه؟
الدكتور:-العلم عند الله بس ان شاء الله مش هطول
انس:-يااارب
دلف انس الي ممر الانتظار ليري الذي اتي بسلمي الي المشفي و يشكره
انس:-انت؟؟
-انس؟انت اخو سلمي؟
انس بدهشه:-اه و انت...مريض....عند سلمي
-لا لا مش مريض انا...انا.... عندي مشاكل كتير... و كنت بحكيهالها.... انس...بص... كل واحد جواه حاجه مش بتبان للي حوليه
نظر انس الي الارض:-صح
عادل:-بس انت اختك حد كويس اوي ربنا يخليهالك و يقومها بالسلامه هي صديقتي و اختي الكبيره و كمان الطبيبه بتاعتي
جلس انس الي جانبه و دون مقدمات...
بكي...
لم يعد يتحمل ما يحدث له...
لم يعد يتحمل كل هذه الاعباء..
عادل:-مالك يا انس؟
لم يعبأ انس بمن الي جانبه او بالعداوه التي بينهم:-فرح نسيتني و خفت و اختي في المستشفي، مالي بقي؟ مفيش حاجه صح؟
عادل:-لا لا فهمني كده براحه في ايه احكي يا انس
مسح انس دموعه
انس:-الموضوع بدأ بيك لما وقفت في الجامعه واتعرفت عليك...
___________________________________
ابتسم انس و هو يقول:-بس كده....و بدأنا نحكي...و خطبت ياسمين الاسبوع الي فات..
عادل:-اممممممم يعني انا السبب انا الي اول مره كلمتك عن فرح
انس:-هه!اه!تخيل بقي؟
عادل:-بص يا انس...ديما اي شيئ يحصلك خد منه السعاده بس و متبصش للحزن الي فيه خد من موقف فرح انها خفت و انك خطبت ياسمين و ان ياسمين مش وحشه اوي كده و متفكرش ف وجع قلبك
انس:-انا متفاجئ...انت يا عادل بتاع البنات الي مش كويس بتتكلم بعقلانيه و بقيت صحبي و حكتلك اسراري!
تبسم عادل بهدوء و ساد الصمت قليلا ثم قال
:-بس في حاجه غريبه...في ديما حته مفقوده انا عاوز اعرف ايه هو مرضك ؟؟
انس:-اعفيني اني اقول....بس حاسس اني مش هخف
عادل:-طب ايه هو ما انت قلت لفرح
انس:-فرح دي حد تاني...
جاءت الممرضه مقتربه منهم:-الانسه سلمي فاقت
انس:-فااااااااااقت؟؟اخيراااااااا
ثم جري علي غرفتها و ورائه عادل قابلهم يوسف علي باب الغرفه و دلفوا معا
سلمي:-اده؟انا بقالي اد ايه هنا
انس:-حمد ع سلامتك بقالك شهر تقريبا
سلمي:-ليه ايه الي حصل
يوسف:-بكتريا المخيخ غير قادره ع تحمل كم الصدمات الي استقبلته اعصابك لذا فالنصف الكروي الايمن من المخ...
انس:-ايه يا عم يوسف!....انا مش فاهم حاجه
سلمي بابتسامه مرهقه:-معلش بقه ياسي انس دكاتره و كده
عادل:-المهم يعني انها كانت تعبانه نفسيا
سلمي:-و حضرتك عامل ايه دلوقتي يا استاذ عادل
عادل:-لا استاذ ليه بقه ده اخوكي الصغير طلع صحبي و معايا في الجامعه
يوسف:-علفكره اخوكي خطب
سلمي:-هان عليك و انا في المستشفي تخطب
انس بحزن:-كنت عايز اقرب من فرح بأي شكل يسمحلي اني اشوفها باستمرار فخطبت ياسمين من غير تفكير وهي وفقت غالبا بدون تفكير بردو..يعني هو ارتباط بدبله اكتر مهو خطوبه اهلها بس الي عارفين وجبتلها دبله بس مش اكتر وقرينا فاتحه بس كل ده كلام فاضي انا كل همي فرح وبس
سلمي:-لكن حرام كده ايه زمبها
انس:-مش مهم هسيبها بعد فتره
سلمي بارهاق:-خلي بالك يا انس انت مجروح و بقيت قاسي و بتجرح
قبل ان يجيب انفتح باب الغرفه و دلفت الممرضه
-انسه سلمي هتمشي من المستشفي ان شاء الله بكرا الصبح لو حابه
قالت سلمي :-انا مش بحب اكون في مستشفي لو اقدر امشي دلوقتي معاهم انا حقيقي كويسه وفقت وبنتكلم مع بعض
-هشوف الدكتور
غابت قليلا وساد الصمت علي الحجره حتي دخل الطبيب قائلا:-ايه اخبارك يا سلمي؟
قالت سلمي بهدوء:-انا كويسه لدرجه اني مش مصدقه اني نمت شهر كامل حاسه اني تعبت امبارح بس
تبسم قائلا:-ده مجرد ضغط عصبي زاد عليكي وكل واحد مخه بيتسقبل الضغوط بطريقه مختلفه ،عمتا ممكن تجهزي و استاذ انس ممكن تخلص البينات تحت في الادراه
انس:-تمام...يلا بقي يا شباب نسيبها تغير هدومها
قامت سلمي بضعف:-
-اه ياريت يعني
**نظرت فرح الي الشرخ الذي بشاشه هاتفها
فرح:-اه يانا ياما ياني اه علي الاي فون بتاعي
ثم حاولت تشغيله للمره الالف لكن لا فائده وضعته في حقيبتها و وضعت بعض المال و صادفت امامها صوره باسم فتبسمت له
-ده انا تعبت اوي بعدك !
ثم قبَّلت الصوره:-الله يرحمك
دلفت ياسمين الي غرفتها
ياسمين:-اده انتي خرجه؟
فرح:-اه هصلح الفون و هروح لبوسي و بريهان اعد معاهم شويه تيجي؟
ياسمين:-لا انا مش فاضيه انا كنت جيه عد معاكي ساعه و نازله
فرح:-علي فين؟ خارجه مع خطيبك؟
ياسمين:-لا اخته خرجت من المستشفي و ريحه بيتهم ازورها
فرح:-هاجي معاكي تمام خلينا نعد ع بوسي و بيري نعد معاهم شويه و اروح معاكي
ياسمين:-لا ...لا مبلاش يعني...
فرح:-لا طبعا ازاي انس برده كان زميل ليا في الجامعه و زرني مش كده؟
ياسمين:-اه اه كده و بس!
فرح بابتسامه:-طويب يلا بينا
نظرت لها ياسمين بغيره غير ملحوظه:-يلا!
__________________________________
فرح:-تصليحه بكام حضرتك؟
-ده 600
فرح:-ليه يعني
عمرو:-يا انسه فرح انتي تؤمري ده انتي اخت صاحبي و الله ان شاء الله ببلاش
فرح بابتسامه:-طب 400 جنيه كويس
عمرو:-تمام
فرح:-هخده امتي؟
عمرو:-اخر الاسبوع ان شاء الله
فرح:-تمام يا عمرو سلملي علي هدي و احمد بيسلم عليك يلا يا ياسمين
عمرو:-يوصل و انا كمان بسلم علي احمد كتير يا فرح
خرجت فرح برفقه ياسمين و ذهبوا الي بوسي و بريهان و بعد ان جلسا برفقه بوسي لفتره قالت فرح و هي تقطع مسافات المنزل بعيناها:-
-امال فين بيري؟
بوسي:-و الله بيري خرجت مع حازم يشوفوا فستان فرح و بدله
فرح:-الخونه!
ياسمين:-انا مش هطول انا و فرح اصلا لاننا ريحين لانس عشان اخته خرجت من المستشفي
بوسي:-ييييييييييييي بقه بيري مش راضيه تاخدني و انا لوحدي في الفيلا هففففففف
فرح:-ما تيجي معانا
بوسي:-انا معرفش انس اصلا الا معرفه سطحيه جدا جدا شوفته مره واحده بس في المستشفي
ياسمين:-لا عادي خطيب صحبتك الي هي انا
نظرت بوسي لفرح المبتسمه نعم انها لا تغار لانها لم تعد تعرفه
بوسي:-اوك لحظات و هلبس و اجي
ياسمين&فرح:-اوك
_______________________________
رن جرس الباب في شقه انس ليفتح هو فيجد امامه وجهها الملائكي الذي عشق رسمته و احب ابتسامته و حتي عبوسه.....
و كأنه لم يري غيرها
ياسمين:-ازيك يا انس
انتبه الي وجود ياسمين و بوسي ففتح الباب علي متسعه
انس:-اهلا اهلا اتفضلو
دلفو الي شقته
بوسي:-الف سلامه علي سلمي
انس:-الله يسلمك يا انسه بوسي
ياسمين:-الف سلامه عليها يا حبيبي
استنكر انس الكلمه وتعجب لان ياسمين تعرف جيدا انه يحب فرح:-متشكر يا ياسمين
فرح:-هي سلمي بس بتحب تخضكوا انا عرفه هههههههه
انس بشرود:-اه!
كانت سلمي تجلس برفقه يوسف و ابيها في الداخل
سلمي:-اهلا اهلا ياسمين عامله ايه
ياسمين:-الحمد لله
سلمي:-الف مبروك ليكي انتي و انس
ياسمين:-الله يبارك فيكي
نظرت سلمي باستغراب لبوسي
ياسمين:-اعرفك دي بوسي بنت عم فرح
انتبهت سلمي لوجود فرح و قالت بجفاء:-اهلا يا فرح
فرح:-هاي عامله ايه الف سلامه عليكي
جلست سلمي دون ان تجيب فتعجبت فرح منها و هي تجلس الي جانب ياسمين
**مرت نصف ساعه و الجميع يتحدث بلا انقطاع و يضحكون و لكن انس كان قدا اختفي من الصوره و وقف شاردا في شرفته بحزن
فرح:-انس؟انت هنا؟
استدار انس اليها متفاجئاً
انس:-اه...و انتي هنا ليه؟
فرح:-كنت داخله اقف شويه بوسي جيه هي كمان بس بتشرب بقيت الشاي
انس:-امممممم
فرح:-انا...
عقدت حاجبها فجأه و هي تنظر له
تذكرت صوره ثانبته له وهو يضع في يدها دبله
انس:-ايه في ايه؟
فرح:-م...مفيش هوا...؟
دلفت بوسي فجأه
بوسي:-فرح بقلك....انس؟! انت هنا؟
انس:-اه هنا مش هناك
نظرت له فرح بتعجب شديد للغايه لطريقه البائسه في الحديث...
انس:-عن اذنكو
تفحصته بوسي كثيرا و هو يغلق باب الشرفه خلفه و اول ما دلف الي الداخل وجد سلمي تنظر له بغضب..