اكتفه بكلمات صغيره وبسيطه بس مثل السم وصلتني وحقه ، ضايج من تصرف مُعين بدر مني
مرات الشخص الي تضوجه او يضوج منك مايريد منك اعتذار تخيل ؛
يريد ابسط من الاعتذار وهو جبر خاطره وبس ، يمكن مو بس عندي عند هواي ناس كلمة اسف ماراح تحل شي تخيل ؛ مثل الجامه المكسوره ومخلي ع الكسر بلاستر يعني هو كسر وموجود البلاستر ماراح يشفي ولا يفيد فـ اسف مودائماً تفيد ، احياناً فعل يطلع من عدنه يفوق كلمة اسف ويتعداها وتنفهم ع اساس كلمة اسف احياناً رساله بدليل ومشاعر قاطعه تدل ع كلمة اسف حتى ولو ضحكه المهم اسمك جبرت الخاطر ، اذا خيبت ضنه بتوقع اباله وماجنت گدة ما الومه انه الي خليت التوقع وانه الي اتحمل عواقبه ، " افتهمه احياناً كسر الخاطر مايجي بشي يزعل بس لان جان ينتضر شي وماشافه " وتعرفون مو كلشي ينحس ينگال ، فـ من كسرت بخاطره حاولت ما اعتذر لان خلص انه كسرته بعد المن اعتذر بس كلت يجوز تعني اله وحاولت اذكره شكد هو يعنيلي وشكد انه اهتمله اذا مو گدامه وي گلبي ، ادري الشي اذا انطلب تقل قيمته ومعناه مو مثل مايتنفذ بصوره طبيعيه ، احياناً استفزازي ويا كله بسبب حرص وخوف ، وجاي اعترف بمعنى اصح انو انه كسرته اذيته بشي خفيف بس ماجان بي مقصد مضره القصد كان ويكون وراح يضل طول عمره قصد حب مرات مانعرف نعبر عن الي بداخلنه بكلمات حلوه ومفهومه اعذرني بالنهايه انه حالي حالك انسان وكلنه نتصرف تصرفات مو منطقيه وما الها اسباب .
2018/7/13
