اكدر اسأل نفسي شوكت اخر مره عشت لنفسي شوكت اخر مره عشت حتى ارضي غروري ارضي طموحي احساسي ارضي كلبي شوكت عشت بدون ما اشوف والاحظ شنو راح ينفرض علي اليوم من مشاكل وهذا حجه وهذا كال شكد انا هامله نفسي !! هاي وسيله الهم حتى يستغلوني يأذي الحجي موو ايي يأذي يأذي لان انا هامله روحي لدرجة انو منطيتهم فرصه يتدخلون بأتفه شي يخصني مثل الي نشافت فرصه حتى يستقوون بيها ع ضعفي واستقوو ولا يرحمون اي ذرة احساس بيه يعني كأني ما املك اي ذرة مشاعر ولا عندي كلب وحجيهم انفذه وانا الممنونه واكول سمعاً وطاعه وكلبي صخره والحجي ورئيي اليخصني يضل محفور بعقلي وكلبي وما لازم يطلع ليش محد يفكر بسعادتي وراحتي ليش محد يكول هي تستحق مثل ما غيرها استحق ماخذين بحياتي مساحه اكثر مما يستحقون والله عادي وكلش طبيعي انو يسوون لنفسهم الي يريدو ويسمحون لنفسهم يحجون الي بخاطرهم حتى لو سم الي ، من تجي الي لاا هنا مستحيل ممنوع تسوين ممنوع تتصرفين يفرضون علي اعيش شخصيه مو شخصيتي وحياة مو حياتي ولا احساس احساسي ولا الدنيا دنيتي بس علمود ترضون ؟! انت عادي تحلل لنفسك بس من تجي يمي تحرم علي عادي تسوي الي تريده من توصل الي مو عادي ؟! لا والله مثل ما الكم الي ومثل ما بكيفكم بكيفي لاتكلبون الموازين ع مزاجكم باجر تتحاسبون ع كل دمعه طاحت مني والسبب انتو باجر تتحاسبون ع كل كسرت خاطر ودعاء مخنوك بسببكم باجر وباجر وباجر الله ما ينسى احد وعادي لكل حزن فرح ولكل فرح حزن هي هيج الدنيا بس تبقى الدروس الي ماتنسي واكو مواقف تضل بالعقل دائماً موجوده ياما وياما واجهت مشاكل كلت بيها خلص انتهت الدنيا او خلص كلشي انتهى اتناسى انو لا يُكلف الله نفساً الا وسعها متأكد انو مانحطيت بهالمواقف والمشاكل اله و انا اكدرلها واكدر ع الي اكبر منها يمكن من هاي المشاكل اتعلم شي يفيدني ليكدام يمكن اصير اسوء ويمكن افضل بكل الحالتين استفيد كل هاي المشاكل سعدتني ع كد ما اذتني بينتلي حقيقة ناس عايشه وياهم ع طرف خيط تحت مسمى نحبج نريد مصلتج ! زين ليش ما تصير نحبج اختاري مصلحتج لان انتي اعرف بيها ؟ محد يعيش حياتي غيري ليش التطفل ؟ اووف ياكثر هالدنيا ومفاجئاتها الي ولا ادري باجر شمضموملي بس والله ماعاد يفرق شي ابد الي يريد يصير خلي يصير ما يأثر بيه ولا يهزني كلشي صار عادي بعادي والناس واطباعهم سواسيه وباجر يحلها الف حلال ولكل حادث حديث ما اهمل نفسي ولا ازيدها ماناقصه هي ولا انا ، انا استاهل اكثر والوضع كلش ما يحتاج احجي واكول واعاتبهم واكول فلان انت سويت بحقي واحد وثنين و ... لا ابد ما يحتاج اتعب نفسي كفاها ما اتاها اساساً وكفاها ما تحملت منهم اصلاً ، يكولون العتب ع كد المحبه ؟ اي ادري بس اكو ناس يمكن كامو يعتبرون العتب انو انا بدونهم يمكن تنكطع انفاسي وما اكدر اعيش هه !!
المهم هو مايحتاج اعاتب واكول ليش ما سويت ليش ما حطيت ليش ماكلت ليش ما فرضت ليش ما دافعت ! لالا ابد تدرون ليش لان بكل بساطه ومفهوم واضح وجودي او عدمه واحد سعادتي او عدمه واحد ، اعز نفسي لان محد يستاهل غير ذاك الي مركز بحياتي الي ماتهون علي دمعتي ولا يهون علي حزني ذاك الي يحبني بكل عيوبي ، الوضع محتاج مني اركز واعيش لنفسي
