مشرحة الموتى

الجزء الثالث عشر

☠مشرحة الموتى💀
بقلم: آية أحمد الطيب

بعد ما خلاص لقيت امي وقلت حياتي اتعدلت المهم عشت معاهم ومع اخواني وكلهم فرحانين بي شديد وبالذات ابوي كان ما مصدق انو حيشوف بتو بعد 7 سنة 💕💕💕مرت الايام وانا كل يوم بتعلق بيهم اكتر من اليوم القبلو تميت شهرين معاهم وجا اليوم المشؤوم💔💔💔 ابوي مات في حادث عربية وامي ماتت من صدمتها عليهو  في الفترة ديك جاتني هستريا بقيت ببكي كل الوقت لانو بالنسبة لشافعة عمرها 7 سنين حارة شديد💔💔💔 وفضلنا انا واخواني الاتنين شالتهم حبوبتي وقالت انو انا مابلزمها 💔💔💔 شالتني خالتي كانت زولة حنونة وطيبة بس راجلها كان بكرهني شديد عشان بتعاملني زي بتها💔💔💔 لدرجة انو كان بحاول يقتلني أنا ما كنت عارفة السبب البخليهو يكرهني للدرجة دي انا كنت ساكتة عشان ما اعمل مشاكل بينهم وابقى سبب خراب بيوت💔💔💔💔 المهم مرت السنين وكل يوم كره راجل خالتي زايد 💔💔💔انا دخلت الجامعة وقريت طب شرعي زيك كده 💔💔ما كان عندي علاقات اجتماعية ولا صحبات ولا زول بس من الجامة للبيت لحدي ما اتعرفت على سامي وكان بقرا معاي بقى صاحبي الوحيد البحكي ليهو كل شي 💔💔💔 في يوم من الايام أنا وسامي قاعدين كان في صندوق قديم جنبنا سامي شالو وفتحو ومع فتحتو للصندوق حياتنا اتقلبت 360 درجة ما بقدر احكي ليك التفاصيل ولا نحنا متنا كيف بس حاحكي ليك بعد متنا حصل شنو💔💔💔💔 بدينا نشتغل في السحر الاسود نتيجة لانو جثثنا لابسها جن💔💔 كنا بس عايزين نطلع من المتاهة دي ونرجع حياتنا الطبيعية وما بنقدر نعمل كدا الا عن طريق الصندوق اللي ما بنقدر نصل ليهو الا عن طريق بشر وطبعا ما لقينا غيرك لانك كنتي بتحاولي تعرفي سبب موتنا وقبل كدا انا كنت مصاحباك عشان توصليني للصندوق ولمن دخلت فيك روح سامي ومشيتي المقابر عشان الامانة اللي هي الصندوق ووصلتيها للجثة النحنا رسلناها ...