#رحلتي_مع_الطيش_انتهت

#عزيمه نرجس

#رحلتي_مع_الطيش_انتهت (12)
يوم الجمعه
سرمد:-الو نرجوسه  احنه جايكم  محتاجه  شي  اجيب وياي
نرجس :- هلو  ميدو  سلامتك  منتظريكم  خوالي هم جلين مو  البنات
سرمد:-كلهم حتى عماتي اجن  فد نص ساعه  نكون يمكم  يروحي
نرجس :-هلا بيكم  اني جاي اسوي  كب كيك وحلويات
سرمد:-اريد تراب الملوك 😍 اكثر  شي احبه
نرجس:-تدلل تعالو  اسويلكم ماي عيوني .سديت التليفون  وبقيت اجهز الحلويات والاكل  وي ماما
ام نرجس:- نرجوسه  تدرين  احس كلبي  راح  يوكف من الفرح  واخيرا  اهلي  حواليه
نرجس:-ربي يديم الفرح ع كلبج  ياروحي  شويه وندك الباب  رحت فتحته  شفت عمار  واحمد  وسما  ومها  ونور  ومروه  وخالاتي وسعاد وخالد  وجهال  فرحت بيهم  كلش  بس خالاتي  جان وجهم  ثكيل  ومروه  طول لوقت  تنفخ  ما عاجبها الوضع هي وسعاد  حتى ما يسولوفن  ويانه  اخوهن  احمد  منطلق وي منير  شقه وضحك  وسما ونور  حيل متونسات  خذتهن لغرفتي وعندي مكان مسويته  استراحه  كتب  وميز تواليت  ومناكير اشكال  وادوات الصالون والمساج كلها عندي لان  اعشق هل سوالف  كتلهن وره الغده  نسوي جلسه مساج  وشوي  وندك  الباب  رحت فتحته بيت خالو كريم  بوست خالو  وعمه سميره  مكيفه بيه  رهف  جانت طالع تخبل كاشخه عبالك عيد عدها  بوستها  اباوع ماكو سرمد  غمزت الرهف
رهف:- سرمد  مايجي
نرجس:-خير
رهف:-يمه الحب يمه صار وجها اصفر  شبيج  راح  يركن سيارته ويجي
نرجس:-عابتلج غير هبطتيني  دخلو  بغرفه الجلوس  كلها ملتمه  الاطفال  خليناهم  بغرفه الالعاب مالتنه  ابويه من جنه زغار مسويها النه  من كبرنه عفنها  امي تكول  لخلفه منير  فتحنها للجهال  نطلقو  وماحسينه بهوستهم  شوي وندك الباب  عرفته  سرمد  رحت ركض فتحت الباب  وي فتحه  الباب  اجتني بوسه ع خدي
سرمد هاي شسويت  وزعلت  عليه  رغم  ما جنت من جوه طايره  من الفرح  بس ماريد  اكون رخيصه  حتى  يحس انو الي قيمه  مو بسهوله  انطي نفسي
سرمد:-اسف والله مو بقصدي  طلعت عفويه  والله احنه  هيج  نسلم
نرجس :- ها خوش
سرمد:-هلوو يا معشر القوم  فديت المه  شلونكم
نرجس:-اباوع ع سرمد طاير من الفرح  وفعلا  اباوع  يسلم  شو باوس البنات وشقه وتخفخ  خوالي يضحكون  مامخلين  بينهم حواجز  تحسهم  اخوه من كد ما متعلقين ابعض  اباوع  وتحسر  ابوع عله منير عيونه دمعت  ومسحها محد منتبه  ضليت اراقب وجوهم بين السعيد  وبين المتفاجا وبين الحقد  اميره وبناتها  ماتن  ضلت مروه لازكه يم  سرمد  وسعاد  كل  شويه وذبت بسمار  لحد ما صار الغده  كتلهم تفظلوا ع الاكل
#يتبع
#غدير_جمعه
#خربشاتي_المجنونه