#رحلتي_مع_الطيش_انتهت

#معجزه الموت

#رحلتي_مع_الطيش_انتهت (25)
نرجس:-بعد  ما  خلصت  الفاتحه  اجه  علاء واخذ  بنته  يم  امه  لان  اهل زوجته  ما رادوها  يكولون  فال نحس  وهل حجي  حتى علاء  بسببهم شال  من بيته  والصدفه  انو نتقل  بمنطقه خالتي  اميره  ونفس شارعهم  وخالتي  نقهرت من سمعه  بزوجته  وضلت  تتردد عليهم  وتعتني بالطفله  لو يجيبها يمهم  مروه تعتني بيها  ضلت هاي  الحاله قرابه  سنه
سعاد  كل ما تحاول  تجمع  سرمد ومروه  تصير مشاكل  مروه  ماندري  بيها  راجعه  علاقتها  بعلاء  ويتواصلون  لدرجه  مروه  حيل  تعلقت ب  رشا  الي هي بنت علاء  بحيث حتى مرات  يتركها  تبات يمها  والطفله هم متعلقه  بمروه  بس  الى ان علاء  فاتح خالتي اميره  بموضوع  مروه  وهم  ضلت  تحشي براسها سعاد  بس  بالاخير  مروه  وكفت  بوجهم  وكالتلهم هاي حياتي واني اقررها  واني  علمود الطفله  اريد اكمل  حياتي وي علاء  وفعلا وافقوا  بي  كان العقد بلا حفله  احترام  ل ذكرى جنات  بس احنه البنات بيناتنه سوينالها حفله  وفستان ومكيجتها طلعتها  ملاك  وتفقو يتزوجون ويرحون  لتركيا  اجازه عرسهم  بره  سبوعين كملو  اجرائات الزواج  وزوجوا  وراحو تركيا  رهف  ومنير  نخطبو  ومتفقين  بس  السنه يتخرج  منير ويتزوجون  ورهف  تكمل الرابع  يمنه وكلشي تمتم اني وسرمد حب وعرك حبايب  الى  ان  اجانه  خالي ابو عمار  هو وزوجته  وكال ل امي
ابو عمار:- طلب  وجايكم من الباب  مثل ماتعرفين  الزواج سنه الحياة  وعمار  نريده  يستقر  وكالنه  اريد  بنت عمتي  وحنه  بناء على طلبه  اجبنه  شتكولين انتي
ام نرجس:-كل الهله بيكم  ونتشرف  وين  نلكه  بطيب  واخلاق عمار  بس هل شي  بيد البنيه  اذا قبلت  تدللون
ابو عمار:-نرجس بنيتنه  وشفنها وعرفنها  رزنه وخلوقه  وطيبه  وان شاء الله تصير القسمه
ام نرجس :-ان شاء الله  بس تجي من بيت مروه  احاجيها  تدللون  اليوم  راحن  يعزلن  بيتها هي ورهف  لان  باجر تجي من السفر  راحو  هي ومنير ورهف وسرمد
ابو عمار:-ماشي خيتي  والله احنه جينه  من شفنه ابنه هاويها لنرجس  و ما مانع من جيتنه
ام نرجس :-الي كاتبه ربك مايصير غيره  ابو عمار  اذا قسمتكم  ربك  يسهلها
ام عمار:- امين  بس  من وره خشمها لان ماطيق لانرجس ولا امها  بس لان ابنها  جابرهم  ع الجيه و عناد  بسرمد  دز اهله  لان  سامع ب اهل  سرمد  ح  يتقدمون لنرجس  بس محد حاجي بالموضوع  وحتى هو عمار ما  ملمح  لهيج  شي كدام  نرجس جان  حبه الها  بينه  وبين  نفسه  بس جان  يبينلها  بالاهتمام  ونرجس تحس بس مغلسه  منه
#يتبع #غدير_جمعه #خربشاتي_المجنونه