#رحلتي_مع_الطيش_انتهت

#زوجه ثانيه

#رحلتي_مع_الطيش_انتهت (20)
   سرمد:- لان فعلا ماجان اكو حب الها  احس جانت  مجرد فتره مراهقه   وتعلق لا اكثر  لمساتي الها جانت مجرد  اطفي رغبتي بحجه انو  هي الي  وهذا الشي جان خطأ  وسببه  الاهل  كبرونه على وهم   من دخلت جامعه  فكري دغير  حتى هي فكرها تغير كمنه واحد يستحي من الثاني  لان  فعلا جنه خطأ  بس  خاف عبالج  تجاوزنه الحدود بينه الشاهد الله غير الحضنه والبوسه ما متعدين    وعلاء  من حبها وحبته جان يعرف انو احنه الاهل يردونه البعض بس احنه واحد كام مايريد الثاني   علاء تأذه  هواي بسبب اهلنه  وماحب  بعد مروه   تره وهذا زواجه الي صار   علمود امه  خطيه كبرت ومحد الها  وعمامي  حلفو  ما ينطو مروه  بس اني بقيت صديقه  وما انسه وكفاته الي    وحاولت هواي  اجمعهم هو ومروه  6 سنوات  اني  اقنع بيهم مايقنعون    وبعيدا عن كلشي  لو تصير ذهب  ماريدها لان كلبها مو الي   كلبها بي اخوي وصديقي  وماشوفه غير اختي  بس هاي سعاد جاي  تلعب  براسها  وامها  ماذيتها  لان  عرفت  بيها تحب علاء ذلتها ذل  متشوفيها تعاملها ويها زفت  مروه  مضلومه وهي ظلمت نفسها بيدها  نرجس  وانتي  اذا  تشوفيني  غلط ما اجبرج عليه   بس لو تبقى مروه اخر وحده بالعالم ما  اتقربلها  فتهمتي لو اعيد
نرجس:-فتهمت  كلش زين  بس اكلك  صدك على طاري علاء من  تزوج لليوم  احنه ما متواصلين ويا  وهسه  عرفت ليش سعاد  تكره طاري  لان يحب اختها 
سرمد :-سعاد حقوده لان هم حبت  وزوجوها لخالد غصب  فهمتي سبب حقدها لو لا  تكره  عمامي كلش  من هل سبب  بس هي مو مثل مروه  ما صبرت  فلفلت  ع العرس همها بس تعرس وتخلف  حتى عنايه بزوجها ما معتنيه  والي يعلمج  خالد  مزوج عليها بالسر  و كلها تدري بس هيه   ما تدري حتى عمتي اميره  تدري     بس ما تحجي لان  خالد  مسكتهن  فلوس  وسفرات    مامخليهن  يحسن  بي   وبحجه الدوام  يوم يم هاي ويوم يم  ذيج 
نرجس:-ياااااااا عزه  شنو هاي  كلكم مغامرات واكشن  وطيش   اشك  بسعاد تدري  لان  من جبنه  طاري الزوجه الثانيه كالت  وذا  يزوج  يطير يطير تاليته يحط عليه   مدام  مونسني ومامعوزني لشي  خل يروح يزوج  بس بعيد  لا عين  لشوف ولا كلب اليحترك 
سرمد  :-سعاد كارثه  رغم  خباثتها سوالفها تنحب    بس هي  مخبله روحها بالخباثه   كوه  تريد  تصير خبيثه  ماتعرف شلون   جانت  ورده مال الله  بس ذبلوها الله لا يوفقهم  البنيه  نطوها لشخص ماتحبه حتى لو اخوي ما احترمه  شلون يرضى ب انسانه كلبها مو يمه   هامه بس نفسه
اووووف نرجس  شحجيتيني انتي وين وديتيني   ترديني اتزوج مروه  حتى اصير مثل خالد
#يتبع #خربشاتي_المجنونه #غدير_جمعه