گاوري في الدوار

الجزء13

سام:بشوية عليك اعشير مالك
ويليام:عرفتي اصحبي هاد بنت فشكل والله عندها واحد عقل حمق او قلب بريئ او باش زادت عجبتني انها معمرها عرفت شي واحد( نعطيكم واحد نصيحة دراري ديما تيبغيو بنت لي معمرها تصاحبت او لي تعرفت على شي حد تقول عمرني تصاحبت واخا معرت اشنو يطرا حيت هوما هاكا تيبغيو او حلية حسن من عار) انا غنحارب على قبلها مهما كانت ضروف
سام:اوا اللّٰه يكمل نتمنى تكون عارف اش تدير او اللّٰه يعاونك مع حب ديالك
داز نهار عادي على ابطالنا  ويليام او سام بقاو نهار كامل في هضرة او تعاويد تغداو مجموعين او نعسو شوية او جات عشية  عند بطلتنا رودينا جات عندهم مليكة مت فطيطم هي او ياها باش تعلمهم بلي غدا خطبة
مليكة:سلام بنتي وردينا فين سمية
رودينا:هاهي في كوزينة
مليكة:عروستي حادكة
جات سمية حطات بغرير او سمسن حرشة او اتاي او عسل زبدة زيت شوية فاكية (اححح جاني جوع)
سمية:مرحبا بيك خالتي
مليكة:ترحب بيك جنة ندخل في موضوع نيشين غدا نيجيو نخطبوك انشالله
رودينا:علاه جا ولدك من فرنسا
مليكة:لا تال سيمانة ماجية لكن انا بغيت ندير خطبة او نوجد كلشي عروستي مني يجي هو يبقا غير عقد او عرس او يوجد وراق او يديها
يلاه تهدر رودينا اهي تدوي سمية
سمية:واخا خالتي (واخا بقا فيها حال)
رودينا:اشمن واخا لا تيجي عريس
مليكة:ياهاد مسطية راه بغينا نخطبوها نوجد انا ويها كلشي تمشي معايا مدينة نتقادو باش تواحد في دوار ميحل فمو
سمية:رودينا صافي خالتي عارفة او كبر منا
مليكة:يلاه صافي تفقنا اوا نشركو طعام غدا تبعنا شلا تواجد
فطيطم:(عنقت رودينا او سمية) ياه يولي عندي مرت خويا من اعز صحبتي
وردينا:(عنقت ختها بزاف) فرحت ليك اختي 
كلاو في جو في ضحك بين فطيطم او مليكة سلاو او تما خارجين او خرجت معاهم رودينا او سمية تال باب
مليكة:(جبدت واحد بواطة من خمالة ديرها تتحت جلابة)هاكي هادا تليفون سيفطو ليك ولدي هادي نمرة تاهي جديدة غير خدميه او ديري داك لي تتهدرو فيه وساب او صيفطي مساج او غيدوي معاك
بنات بتلاتة تفرشخو عليها بضحك
مليكة:تهجورو ملكم كضحكو
فطيطم:وامي واتساب او ميساج ماشي كيف قلتي ليهم نتي
مليكة:(جمعت معاها بقرصة وسط كرش) ضحكي سلكوطة على مك
فطيطم:اححح مي حرام عليك (تتحك في كرشها) مالكي قرصيهم تاهوما
ملكية:نتي لي بنتي زدي يلاه راه باقي تبعنا شلا شغل
رودينا:احح على سي انيس منساكش بتيلفون او ايفون يختي سعداتك
سمية:(حشمانة باست راس مليكة) شكرا اخالتي 
مشات مليكة او بنتها او دخلو سمية او وردينا 
سمية:زيدي دغيا وريني اشنو ندير
رودينا:تقلي اصحبتي تقلي
رودينا:(شدات يدين ختها ) سمعني اختي زواج راه صبر او حب مسؤولية او غادي تولدي ولاد او غتمشي معاه فرنسا او ضروري غيدخلك تقراي او تعلمي او غادي تبدلي او تولي عندك عدوزتك او لوايسك او بزاف امور غتبدل نتي مستاعدة هادشي
سمية:(معجبة من ختها ) اويلي تمالك
رودينا: اوا انا راكي نتي لبقيتي فيا او بغيت زواجك يكون بحال بابا او ماما اللّٰه يرحمهم كانو تيبغيو بعضهم او احترام بيناتهم او تعيشو حياة زوينة
سمية:اللّٰه يرحمهم او غادي نكون سعيدة انيس ولد ناس او تيبغيني من صغر
رودينا: كون كانو عيشين يفرحو بزاف
سمية: وايه اختي حمد اللّٰه لي كاينة نتي
وردينا: خاصني نمشي نقولها عمي الحاج او مرتو باش يكونو حاضرين او تعاونا خالتي حاجة في طياب او عدات نيت ميقولوش بوحدنا ياك
سمية: اه عندك صح صافي
رودينا: غنجبد ليك ادك قفطان لي في شيبي غيجيك غزال نصاوب ليك شعر او ندير ليك مكياج غتباني واعرة او تفقصي بنات دوار ناري منس يعرفو راه غادي يتزوج بيك غادي يموتو  اه خاصني نعلم تا ي ايمن يجي عدنا
سمية: او كاوري ؟
رودينا:(سمعات كاوري قلبها قفز) مالو ؟
سمية: تاهو عيطي ليه يجي يحضر
رودينا:علاش بسلامة
رودينا: اوا مالو متعرفي يكون مكتابك ديك مرة مني قتليه تفرق عليك او جاي ولد عمي باغي زواج اويلي كان غيضربني ههه
رودينا:(فرحت بزاف) بصح
سمية:حق مولانا فرحتي اشيعبية
وردينا:(جمعت وقفة ) خلني نمشي نعلم ناس
سمية:بلاتي صاوبي ليا بعدا تليفون
رودينا:اه نسيت باغة تعشقي اري اري
شداتو شعلاتو هي تقادو ليها كان داير ليها ابولمو كونيكسيون موجودة انسطلات ليها واتساب او لقات نمرة مسجلة ديالو
رودينا: هاكي هاهو تاضي راه داير ليك ابولمو غير هدري تتشبعي هانمرتو
سمية( باستها من راسها) شكر اختي لهلا يخطيك
رودينا: سيري هدري مع حبك بخاطرك او نمشي نشوف خالتي حاجة باش نصخر لي يجيب ليا تقدية يلاه تهلاي سلمي على نسبي
خرجات رودينا تضحك هي  ختها فرحانة ليها تزوج راجل لي بغات او تهنا من تكرفيس
مشيت دار حاج حاجة دخلت ضايفوني او عاودت ليهم فرحو بزاف او دعاو معاها
حاج:بنتي رودينا بغيت نهدر معاك
رودينا: هنا عمي
حاج:جبد واحد صندوقة فيها واحد جوا عامر فلوس(هو لي كان عطاه ليه باها نهار جاتو موت قاليه خليه بناتي نهار يبغيو يتزوجو ) هاد امانة كان خلاها ليا باك باش نهار تبغيو تزوجو تلقاو فلوس
رودينا: (عينها عمرو بدموع حيت باها كان تيفكر تافي زواجهم) عمي انا
حاج:( مبغيتش نقوليها نهار لي عطاهوم ليا باش منفتح ليها جرح هي فرحانة) هاكي بنتي رزقكم هادا 
رودينا: (شديتو كانو فلوس بزاف) اللّٰه يرحمك با اللّٰه يرحمك حق عند اللّٰه