گاوري في الدوار

الجزء27

ويليام:(كضحك وحابسها) احم احم أيمن كمل ليا أشنو خر لقيتو..
أيمن:(خنزر فسام) مهم عرفنا للمنطقة ولكت باقي كدققو فلهنوان بضبط..
سام:(جمع راسو) فين كاين نمشيو من دابة ونتسناوكم تعيطو لينا بأدريس ملي تلقاوها..
أيمن: حسيمة..
ويليام: مايمكنش يكون بهاد سرعة وصل للحسيمة
سام: غايكون لباس عليه ضبر فشي طيارة ولا شي حاجة..
ويليام: ولكن واحد لحاجة مبرزطاني ..
أيمن: وي فهمتك ...دابة ملي شتي دوك كارد مليوحين ميتين قدام حمام قلتي غايكون شي حد خر لي قتلهم وخداها معاه..
ويليام: اه هادشي لي لقيتيني كنفكر فيه..
سام: هادشي كيعني بلي كاع دلائل لي عدنا مغاينفعونا بوالو؟!!..
ويليام: إلا....
أيمن: أشنو ؟؟
ويليام: عطيوني لائحة ديال لبصمات لي لقيتو..
كارد سمعو ومشى يجري جابها، عطاها لويليام لي بدا كقرا..
سام: أيمن كيفاش عرفتو ظاك خاينة فلحسيمة بعظا .
أيمن: كارد لي عطا نمرة تيليفون ديالو لإحسان ماشي من دوك زوج لي ماتو قلبنا تيليفوناتهم وماشي نماريهم ..ودراري تعقبوه عوتاني حتى طلعات ليهم وإشارة
سام: إدن ديك وقيتة لي مقدرناش نتعقبوهم كانو فسما؟؟
أيمن: هانتا بديتي تفهم

#رودينا:
بدات كتحل عينيها كتشوف فلبيت لقاتو فلموف بارد وأتات زوين بزاف وعاد ناموسية رطباا وفراش زوين فنفس ألوان متناسقة حاولات تحرك إيدها.. نغزاتها بألم شافت فيها وهي تلقا صيروم..
رودينا: واااايلي صيروم ودكشي لي كنشوف فأفلام ...أش هاد لعجب؟؟ تانا غاندير بحال داكشي لي كنشوف فأفلام ههههه..
هبيلة هادي والله شدات داك سيروم ونتراتو حتى غوتات بلألم وبظات تغبن...
رودينا: هئ هئ ولاد لحرام ماكيبينوش فأفلام راهم كتقصحو... أي أي أي أش داني... مانعرف كينرجع هادشي...
تحل لباب ودخل شخص كيجري ملهوف من بعد ماسمعها غوتات وقف حداها وكيشوف وهي باقة مهزاتش راسها وداوية...
رودينا: شوف ياداك لمدود واش كل نهار نحل عيني فبيت واحد خر وأشنو هاد لعجب لي داير ليا فيدي ياكما مخدرات.. (هزات عينيها ملقاتوش داوود معرفاتوش ولكن جاهة لوجه مألوف)
رضوان:( بتاسم ) شوية دابة؟؟
رودينا عاد تفكرات لأحدات لي وقعو وكيفاش كانت غتغتاصب بدات كترجع لور فسرير وجمعات رجليها عدها وبدات كتبكي ولكن عينيها محيداتش على شخص..
رضوان: رودي عفاك تهدني انا مغنآديكش..
رودينا: هئ هئ أش بغيتو عندي أنا أش درت ليكم...
رضوان:(شاف فخدامة) عيطي لطبيب..
رودينا:(تخلعات) علاش طبيب عفاك واللهما ندير شي حاجة غير مديرو ليا والو..
رضوان: مغنأديوكش كنواعدك..
رودينا: حلف بالله انا معنديش مع لوعود .
رضوان: وحق سيدي ربي..
رودينا:(بتاسمات وجمعاتها) كمل حلفة من قوالب..
رضوان: ههه وحق سيدي ربي ماغايقيسك شي حد بشي ضرر..
رودينا:(كتشوف فيه) شكون نتا..
طبيب: سلام عليكم..
رضوان:عليكم سلام.. عيطت لك كنت نسحاب غنحتاجو شي مهدأ...
رودينا: هاااا كنتي غادروكيني..
طبيب: لا بنتي مهدئ باش مايجيكش شي نهيار عصبي...
رودينا:تانتا معاه فهادشي..باغين تخدروني هئ هئ هئ
رضوان: رودي حبيبة..
رودينا:(بقات كتشوف فيه وبحال كتأكد)علاش جيتيني نتا بحاب كنعرفك واش قاري معايا فلمدينة؟؟
رضوان: تعقلي على روديوان؟؟ (رودينا وأخر ديال رضوان=《 روديوان)
رودينا:(خرجات عينيها) ر رر رضوان؟؟
رضوان: حبيبة خوها
رودينا سخفات جا طبيب يجري فحصها وقاليه مابيها والو غير صدمة ونيت هادشي علاش رضوان خلا طبيب عرف صدمة غاتأتر عليها...بقا كتسناها فلبيت حتى بدات تحل عينيها وكتشوف فلبيت..
رودينا:(بصوت شبه مسموع) انا باقة فهاد لبيت؟؟ واش كنت كنحلم ولا شنو أي رااااسيييي غايتفرقع..
رضوان: رودي صافا؟؟
رودينا: واااش كنت كنحلم ولا...
رضوان: رودينا أنا خوك غير عطيني فرصة نعاود لك..
ناضت تلاحت عليه بتعناق وكتبطي كتنخصص وداوية فنفس لوقت كتسول وتبكي وهو غير كضحك وعنق فيها...
رودينا:(ولات هيا تعرض عليه) برك برك عاود ليا من لي داك حيوان ديال داود عطاك لدةك لعصابة أش وقع لك فين مشيتي...
رضوان: غير بشوية علك ... مهم أنا فاش فقت من داك الدوخة لقيت راسي فسبيطار فشي بلاد خرى حيت معرفوش ودوييو معايا بدارجة، مهم جات واحد لمرة ضريفة وقالت ليا بلي راهم تبناوني وحنا فألمانيا دابة وشي سيمانة وانا مغيب حيت دوز لي عطاوني كبر من لاج ديالي ومفقتش ... ومع كنت صغير داكرتي كانت بحال مضببة عقلت على شي حوايج وشي لاخر بدا كرجع ليا بشوية بشوية لي رباتني توفات كانت سميتها سعيدة وبقيت مع بابا ابراهيم عائلة لباس عليها وعاملوني كتر من ولدهم وكانت واحد مرة كبيرة دادا مليكة كانت كتفطرني بماما.... ولكن لحاجة لي منسيتش هو داوود لي جا سكن حدايا وكان حاضيني واخة كبرنا درت راسي مكنعرفوش وبقيت حاضيه حتى انا وهادي عامين كلشي تبدل ...
#في مكان أخر بالضبط ألمانيا..
ابراهيم: وا دادة مليكة نعلي شيطان..
مليكة: أولدي انا نقولك قلبي كحس كتر من لعقل..
ابراهيم: راه عامين هادي ونتي فارعة ليا راسي..
مليكة: شتي هاد ولدك واللهما ولدك!!
ابراهيم: سمعي راسك أش كتقولي راه لي سمعك يقول مسطية ..
مليكة: واش مشتيش طريقة تعامل ديالو تبدلات وتصرفاتو وأش كان عزيز عليه..
ابراهيم: عادي راه تضرب على راسو بسيف ما يتبدل بزاف فيه او وجهو راه كان ضروري من عملية تجميل...
مليكة: واش كاين شي حد كانت فيه حساسية ديال فريز ودابة مبقاتش مايمكنش...أو حتى من مشيتو نسا عليها بزاااف أو ...
صفاء:(دخلات لصالو) سلام عليكم..
ابراهيم: سلام بنتي مال وجهك صفر؟؟
صفاء: والو لحاج غير صايمة ..
مليكة: بنتي لبارح عاد كنتي صايمة عوتاني...
صفاء: عادي غير أجر...
ابراهيم:معجبنيش حالك صفاريت لأجر نايبغيش تخرجي على صحتك..
صفاء: غير ليوم ألحاج...
ياله بغات تبرك وهي تجي طايحة على وقفتها ابراهيم عيط على كارد وجاو هزوها دخلوها لبيت ومليكة بقات حداها بيما جا طبيب...
صفاء:(بدات تحل عينيها)دادة ياك لباس..
مليكة: غير تاحي ابنتي هاوا طبيب جاي..
صفاء:طبيب؟؟ لا لا انا بيخير والله هانتي وبغات توقفوشداتها دوخة...
مليكة: بركي لرض من تحنقيز ... هاطبيب جاي وشوفك يطمنا..
صفاء:(شدات إيديها وكطلب وتبوس فإيديها) عفاك أدادة طبيب لا هالعار قولي لحاج يقوليه بلاش عفاك عفاك انا مزاوكة...
مليكة: أويلي ابنتي مالك؟؟
صفاء: (بركت على ركابيها) عفاك عفاك أدادة راه إلا عرف (وهي تسكت)
مليكة:(شافت فيها وتحسرات من حالها وهي لحمها كلو زرق) واخة بنتي رتاحي متخافيش انا أنسيفط طبيب في حالو إلا جا..
صفاء: لهلا يخطيك ادادة شكرا بزاااف...

#رضوان