گاوري في الدوار

الجزء33

رودينا بقات كتسمع ليها فودنها سافر سافر سافر...معرفت باش تبلات دنيا بدات كدور بيها حطات إيدها هلى لحيط وبقات كتحاول تستوعب..
فطيطيم:رودينا وا رودينا تي أش هاد لموصيبة لي وقعات لسعاد وأيمن ...(رودينا مكتجاوبش) واهياتا تي جوبي...
رودينا:(شافت فيها) ويليام وسام سافرو رجعو لميريكان...
فطيطيم: ايه الله يوصلهم عل  خير...
رودينا:(تسيفات) شتك باركة دعي معاهم راه خاصك دعي عليهم...
فطيطيم: برا ولباس على زماني...ومالهم أش دارو لك ياك نتي لي جريتي عليهم هوما أش ظارو لك؟؟
رودينا: واتي راه مشاو فحالهم يعني كانو كضحكو علينا..
فطيطيم: دوي على راسك أنا حبيبي مكانش يضحك عليا شوفي نتي وويل ليام ديالك..
رودينا: فطيطيم ماتعصبيش ديلمي مشاو وماقالو تاكلمة باش كتفسريها؟؟ صافي را واللهما باقين نشوفوهم وهوما كوراهم كيضحكو علينا حيت تيقنا...
فطيطيم: ناري ياختي شحال عزيز علك أفلام الهندية...سام عيط ليا ملي كان فلمطار ودوي كعايا وطمني أنه غايرجع باش نتزوجو ..وعيط ليا غير ليوم من لي وصل لهيييه....اييه وتشوفي ديك نمرة طوييييلة من لي كطلع لك كتحسي براسك شخشية مهممممة...
رودينا: ملي طمنتيني عليهم أري داك راس نبوسو...
فطيطيم فرحات وعطات لرودينا راسها وهي تجها معاها بنتفة هايا رودينا رجعات لعوايدها نتيف وتجعويق..
رودينا: باغة تفقصي مي هاااا نتي كيعيط لك وانا لحتوني توش هاااا
فطيطيم: طلقي مني ألمغيارة....
رودينا:(يدات تشحط ليها مسعودة) هالي مضسراك والله يامك تانجرها لك...
فطيطيم: لا لا بعدي منها أش دارت لك هي لي جابتي لي لكاوريي...
سمية:(داخلة تفك وهي تنتفها رودينا بغلط) انعل كلبب بوكم زيدو نيت نبرد غدايدي فهاد لعرس لي تعكس من أول نهار...
سمية غوتاات وتلاحت عليهم بزوج بنتيف وكاع ناس لي كانو يتفرجو فسعاد كيجري عليها لمخزن ولاو يتفؤجو فيهم نضاربين ويضحكو وتاحد مادخل فك...بنات بردو غدايدهم ودخلو مجموعات للدار..
فطيطيم: حبيبة مالكي كاعية
رودينا: ويليام مشا واللهما عيط ماقال يسول فيا...واقلة مغايرجعش انا أصلا مهاماهش من لي مشا هاكة...
فطيطيم: غير نعلي شيطان راه سام قاليا عندهم شي مشكل مهم ومشاو يحلوه
#أمريكا...
ويليام: أمضرا كيبقات أدكتور؟؟
دكنور: باقة فحالة نقاهة هاد لأزمة قلبية لي جاتها كانت تقدر تقتلها ولكن حمد لله لقيتوها فالوقت لمناسب...
سام واقف بحالو بحال ويليام وجه باين عليه تعب  هالات سوداء بداو يبانو تحت عينيه ...بسيف وهوما يوماين مانعسو جاو ديريكت لكلينيك ملي تلقاو لابيل بلا ماماهم هزوها خاطار...
سام:حمد لله...شكرا دكتور بزاف على مجهوداتك...
دكتور: لعفو هادا واجب ...كنصحكم أنكم ديرو لها ممرضة لي تقابلها تفاديا لأي حاجة مستقبلا..(مشا طبيب)
ويليام: وليت كنخاف عليها بوحدها ديما كتأزم ملي كتكون بوحدها..
سام: اه كتفكر لمرحوم...
ويليام: دويتي مع ابراهيم؟؟
سام: وي دويت معاه وقاليا بلا عندهم خطة يهربوها ولكن غايحتاجو لي عاونهم وطرونسبور ولحماية...
ويليام: راني ديجا سايفطت ليهم رجالي غايكونو تما ليومة بليل ....
سام: خويا مغاتعيطش لرودينا؟؟ راها نتفات فاطمة ليومة ههه غارت حيت هي دوات معايا ونتا مدويتيش معاها...
ويليام: ههه توحشتها...غنسمع صوتها غانبغي نخلي كلشي ونمشي عندها...
سام: ولكن راه رودينا هاديك غاتشعل لعافية فالدوار..
ويليام:(كضحك من نيتو) ههههه توحشت هبالها ...أجي شي خبار على عدنان؟؟
سام: والو مبانش ورجالنا مزال مراقبين تيليفونو...
ويليام:سام لابغيتي ترجع لدوار انا راه نقابل لواليدة!!
سام: لا انا غانبقا تاتفيق...
#رودينا مشات تحل باب سمعت اقان
مليكة:(أم فطيطيم) سلام ابنات ديك جنية فطيطيم هنا.؟؟
رودينا: اه أخالتي دخلي..
مليكة: مزيان ملي مزال فايقين جيت وي معاكم على لعرس راكم عارفين أنيس خاصو يرجع لخدمتو
سمية: اه أخالتي راه قاليا من هنا ل10 يام غايمشي..
مليكة: إوى بنتي نتي عارفاني من زمان وانا نوجد راه مخاص والو دهازك كلو كامل مكمول ومك راه كانت صحبتي وختي قبل منقراو فاتحتكم...
سمية: خالتي خيركم سابق وانا عارفة بلا ما تقولي ليا...
مليكة: إوى بنتي هاد سبت نديرو شي عراسية تجمع لحباب...
رودينا: خخخخ سمية حشمتي دابة خخخخ مرحبا أخالتي...
مليكة: إوى بنتي غونجيبو نكافة نهار جمعة...
تسمع الدقان وناضت رودينا تحل باب غير حلاتو وهي تبقا حالة فمها...
رودينا: احم نتا...
عدنان: (بابتسامة فيها شر) هاني جيت نديرو عرسنا تاحنا ونديك معايا..
رودينا بقات حالة فمها..
رودينا: نتا؟! أش كدير هنا؟؟
عدنان: بابتسامة ماكرة... جيت نتزوج..
رودينا: لواه جيتي تنقف لا؟؟ نيت راه ختي غادي تزوج مرحبا بك لابغيتي تنقفها ولا غير تصلي عل نبي هههه.
عدنان: هههه كتنكتي دابة نهجرو لك ألحب...شتي دوك بلانات لي درتي فالوليد بربي تانرجعهم لك ضوبل(وخنزر بان بحال شي قتال) انا تهددي لواليد ألكلبة؟!
روظينا: إوى جمع فمك كاين شي كلب ومسعور تاقدك
عدنان:(هز ايدو وجمعها معاها بتسرفييقة) كلبة لوخرى راني منسيتش أش درتي فلوليد انا تهددي ليا با أش هاد فعايل لق****
رودينا: هي مك لي ولداتك ومرباتكش..
هز إيدو غادي لشعرها ناوي على خزيت وهي تجر واحد كراطة من مورة لباب ونزلات عليه لراس ودخلت تجري وسدات لباب...
رودينا: خويا عدنان سير تال غدا راه كاين غير عيالات منقدرش ندخلك...
عدنان:(شاف فكارد لي جاو كيجريو رجعهم غير بعينيه) بربي لابقات فيك أرودينا شتي نهار عرس ختك غانتزوجو ونربي مك..
سمية:(جايا كتجري)  واش سمعت صوت عدنان ولا غير جاب ليا الله
رودينا: (تكات على باب ونزلو زوج دمعات) ختي صافي مشيت فيها باغي يتزوج بيا نفس نهار عرسك...
مليكة:(جات عندها) يكون خير أبنتي أنا وأنيس وفطيطيم نعونوك متخافيش والله يقويك عليه...
#ألمانيا..
دادة مليكة:ياله أصفاء لبسي هاد لخمار وخرجي من باب لخدامات وشدي طاكسي  نتلاقاو حدا بلاكة طوبيس لي فلمدينة
صفاء: الله يكتر خيرك..
لبسات صفاء وخرجات وقفوها كارد سولوها وتأكدو بلا هي خدامة جديدة وماغتبدا تال سيمانة جاية، صفاء غادة وكترعد كتحاول تشد.طاكسي أو والو...شوية وقفت رانج كحلة خرجو منها ربعة رجال كد لخلا...
كارد: مدام صفاء ياله معانا!!
صفاء: هئ هئ عفاك عفاك خليوني نمشي عفاك نعطيكم فلوس ليبغيتو...
كارد:(بتاسم) مدام صفاء حنا من طرف سي ويليام غانديوك لكلينيك وغاتلحق علك لالة مليكة راه علمناها...
صفاء:ههه بصح بصح ...الله ريحم ليكم واليدين أخيرا غانمشي نريح هاد روح لي كتنمو فداخلي...واخة قلبي كتحرق ولكن منقدرش نجيب لدنيا ولد يتمحن مع هاد شيطان ديال عدنان اووووف حمظ لله حمدتك ياربي وشكرتك...
جا صباح جديد لي جامع في طياته بزاف احدات لي تقلب حياة ابطالنا امور ميعرفها غير اللّٰه
لالة مليكة جات صباح عند سمية باش تمشي معاهم مدينة او تختار تكلاشط لي غتلبس او شي حوايج غتزيدهم نيت خاصينها
سمية: دخلي خالتي لبس جلابتي او نمشيو
مليكة:دغيا انيس راه تيتنساك بطومبيل
سمية مشات لبست واحد جلابة جابوها ليها في خطبة بلونكاصي هابطة بصفيفة او شال ديالها بلغة تاهي او ساك مدارت والو وجها مع هي غزالة كتفات بكحل
سمية:(تتشوف في ختها لي متكية على ناموسية او ساهية تحت عينها ولاو كحلين بكترة تخمام)رودينا  نوضي اختي لبسي يلاه نطلعو مدينة خودي ليك شي حاجة عرسك نتي عرفاه راه غيتزوج بيك بزز تويليام لي يعاونك مكاينش
رودينا:(هي سمعت سميتو ناضت بحال رعدة عينها عامرين دموع تتهضر هازة صبعها بتهديد) متجبديش ليها هاداك تخلا عليا دغيا غير قتليه سير هو يمشي هادا هو راجل اه مشا خلاني هاهو جا داك شماتة غيتزوج بيها يعيشني في جحيم (طاحت ارض تتبكي) اهئ اهئ زهري كيف حبس اربي لاما عوني
هبطت عندها سمية تتكبي
سمية: رفضيه اختي مالكي مبزاه عليك اشنو لي خلاك توافقي
رودينا:(هزت راسها فيها هدرة بخوف)منقدرش منقدرش

#فلاش_باك
عدنان تسلت بليل لبيت رودينا وسد ليها فمها باش متغوتش وقاليها باغي غير نتفاهمو انا وياك وديما ديك ضحكة شريرة...
عدنان: دابا مالك معندة معايا اه
رودينا: زواج هو لي متحلم بيه
عدنان: اهاه  اش بان ليك نديرو اتفاق
رودينا:(قالت تقدر يقول شي حاجة تفيدها) هدر يلاه
عدنان:(علا فيها حاجبو) واخا عرفتي الى موافقتيش تزوجي بيا ختك ردها لابسة كفن ماشي كسوة عروسة مهم بيض ختاري نتي
رودينا:(حلت فيه عينها صدمها مع عرفاه يديرها هي لي بقات ليها من دمها ن بعد خوها متقدرش تخليها تموت ) واش نتا بشار مريض في عقلك ختي اش دخلها ليك
عدنان: ختاري زوينة واخا عرفاك غتزوجي بيا
مشا خلاها بحال هبيلة وسط دوامة معرفت مدير حرات الا رفضت تموت ختها وافقت تموت هي معاه ناضت دخلت دار او خلاتها على ربي

نرجعو حاضر
رودينا:(معنقة ختها)نتي لي بقيتي ليا نتي واحيدة منقدرش نفرط فيك
سمية:(مفاهمة والو)مغتفرطيش فيا انا ديما معاك
سمعو مليكة تتعيط
رودينا: (طلقت منها وقفو بجوج)سيري مع عدوزتك ختاري لجدو احسن حوايج احسن تكاشط صافي
سمية: منقدرش نخليك يلاه معايا واخا فوجي
رودينا: سيري انا معندي مندير معاكم سيري نتي ردي بال
تعانقو خرجت سمية مشات هي او مليكة لقاو انيس تيتنساهم في طموبيل ركبو مشاو مدينة كانت 8 صباح باش يلاه يديركو يشوفو كلشي

◌⑅⃝●♡⋆♡LOVE♡⋆♡●⑅◌◌⑅⃝●♡⋆♡LOVE♡⋆♡●⑅◌◌⑅⃝●♡⋆♡LOVE♡⋆♡●⑅◌◌⑅⃝●♡⋆♡LOVE♡⋆♡●⑅◌
انشاءالله غنكملها ليكم اليوما غا تفاعلوا