الاستاذ: آحممم آحممم.. *هذا مالو كيحنحن عليا..حيد ليا يدي بشوية وشاف اش كااين.. الاستاذ: أش هاذ الخط !! انا: ها !! آه ءء تت.. *بقى كيشوف فيا شحاال وانا كنتمتم عليه..حط يديه بجوج فوق الطاولة وهود عندي راسوا..دخت ملي شفت عينيه ورماشوا العسليين..مشاءالله هذا لرمش غادي يدير ليا فرفارة.. الاستاذ: علااش مكتكتبيش؟ انا: هاا ءء ألا هانا كنكتب.. الاستاذ: رجعي الدفتار ماليه وخودي دفتارك قدامك وكتبي ولا خرجي عليا من هنا. انا: ولكن راه مكتبانش ليا السبورة. الاستاذ: نوضي جلسي القدام. *غير سمعت القدام وانا نخرج عينيا.. انا: هاا لالا غنبقى هنا راه كيباان ليا كلشي شكراا استاذ شكراا.. الاستاذ: لا نوضي جلسي نييت قدامي باش نحديك. انا: مالي غنهرب (أ حااااي نسييت بلي كنهدر مع استاذ)
.الاستاذ: فآخر الحصة غنتفاهموا..نوضي تگعدي دابا جلسي القدام. *مشى فحالوا وانا نضت جمعت روينتي.. الساط: نااري غتمشي عليا أ ساطة. انا: هانتا تشووف أ سااط ولكن متخافش فالمواد الاخرا نجلس حداك. *هزيت كتوبتي ومشيت جلست فالصف اللول جنب واحد خيتي فيها الشيكي والبخ..طوول الحصة وانا دايرة راسي متبعة أما انا تفكيري كامل مع أشنو غناكل فوقيتة دالغدا..عندي غير عشرين دطرهم وضروري نشيط منها!! امم نشد بيها غير دانون وبيمو..لالا مغاديش يقدني وانا معدتي كبيرة..صافي نشد بانيني بعشرة الدراهم يميييي..سمعت الجرس وانا نوض بديت كنجمع فحوايجي بلا عقل وانا الوحيدة لي واقفة كلشي جالس وكيجمع بهدوء وانا راه غير بغيت نهرب على هاذ الزمر دالاستاذ..هزيت راسي فيه لقيتوا كيشوف فيا..دار ليا بايدوا غير خلييك أبنيتي غييير خلييك..صافي رجعت جلست وكلشي بدا يخرج ووقفت عليا وفاء.. وفاء: يالاه أ صاحبتي مغادياش؟؟ انا: هاناا تسنايني قدام الباب متمشي فين. وفاء: اوكي. *صافي كلشي خرج وبقيت غير انا وياه.. الاستاذ: قربي لهنا.. *مشيت قربت ليه وانا قلبي كيضرب عالجهد..كنخاف ومنحشم.. الاستاذ: شنو قلتي ليا سميتك. انا: منال. الاستاذ: اوى أ لالة مناال مالكي كطيري مع الطيوور!! *بغيت نهدر وهو يقاطعني.. الاستاذ: انا مكنحملش البعالك لي كيتصرفوا بحالك واش نتي باينة عندك 19 عام ولا عشرين؟؟ خاصك تمشي ترجعي تقراي الابتذائي وترباي من جديد.. انا: أستاذ !! منسمحش ليك تهيني واخا ؟ الاستاذ: جمعي راسك وعرفي معامن كتهدري!! انا: عارفة راسي معامن كنهدر أسي الاستاذ ولكن باش تقول ليا شنيولة ولا برهوشة ولا خاصني نرجع نتربى من جديد راه منسكتش ليك الاستاذ: هااي هااي هااي لالا نتي بزااف معمر شي حدْ تجرأ وكلمني بهاذ الطريقة. انا: اوى هاني تجرأت وحاكيتك بيها والله يعاون هاذ الساعة. *مشيت خرجت وخليتوا حال فمو فيا..هذا هو طبعي ديما كنرجع الهدرة على الاساتدة حتى ولاو شي وحدين كيخافوا مني خخخ..الوحيد لي فهاذ العالم كنخاف منو هو فهد خويا نااري كو كنت زاعمة عليه كو راه قتلني ودفنوني شحاال هاذي..المهم خرجت تلاقيت بوفاء ومشينا المطعم خدينا الماكلة ومشينا جلسنا.. وفاء: شفتي الاستاذ شحاال بوگوض البيوضة والعضلات واللحية گاعمة باينة عليه ثلاتين عام..
انا: على هو عندوا 30 عااام!!!! الشاارف الاخر وصراحة مبيناش عليه. وفاء: واييه راه قالوا لييك استاذ واعر. انا: يوعار على راسوا أما حنا مالنا. وفاء: وراه كيسلخ. *وحلت ليا الماكلة.. انا: كح كح كح.. *وباش كملت بان ليا داخل المطعم مع شي أساتذة وهو مخنزر.. انا: ككحححح كحح كح.. وفاء: وحااي المسخوطة شربي الما وبشوية عليك. *شربتوا وعاد تنفست.. انا: اش غيجرى دابا ؟؟ وفاء: كفاش؟؟ انا: طولت عليه لساني بزااف ياكما غيسلخني عصى!! وفاء: ههه نتي باقا فيك ديك القاعدة من الليسي يااودي كوني تحشمي راك مبقاش صغيورة. انا: وداباا قولي ليا !!! ناري وضربني والله حتى نرجعها ليه. وفاء: هههه نتي قديتي غير على داك خوك بقا ليك غير هذا. انا: وناااري والله حتى خلعتيني عنداك شي نهار يحبسني ويسلخني عصى. وفاء: اممم يمكن ملي رجعتي عليه الهدرة راك مشيتي فيها خلا. *بقيت ساكتة وكنخشي فوجهي وكنشووف فيه وهو كيتغدا.. انا: واش مزوج؟؟ وفاء: شكوون؟؟ انا: هااذ الاستاذ لي سميتوا ءء اش سميتو نسييت؟؟ وفاء: عمران!! منعرف بحالي بحالك ولكن منضنش راه مديراش الخاتم. انا: وعاااك شحال برگاگة. وفاء: ونتي علاش كتسولي!! انا: وغيير بغيت نعرف. *المهم بقيت كنشووف فيه وهو يهز عينيه لقاني كنحنزز..مرضيتش بديت كنتحرگ فبلاصتي.. *سالات الاستراحة ومشينا قرينا ديك العشية ومشينا خرجنا فحالنا..رجعت الدار وجا النهار الاخر قريناه ومكناش داخلين عند داك عمران رجعت مع الستة ولصقتني ماما نخرج معاها..اوى بدلت لبست جلابية فالصفر وبلغة ولويت على راسي زيف ومشيت خرجت انا وياها..مشينا واحد السوق كيعمر فليل ومن بعد دخلنا عند واحد الذهيبي .. ماما: سيري جلسي فوق الفوتوي وتسنايني حتى نسالي. انا: ومتبقايش شادة ليا الجماعة. *مشيت جلست وبديت كنخربق فتلفوني وانا حادرة راسي..المحل كان شوية عامر..الكراسة لي حدايا كاملين جالسين فيهم الناس..هزيت راسي عالله وتلفت اليسار وانا نتصدم..لالالالا ميمكنش!!! والاستاااذ استااذ!! تلفت بزربة قدامي وانا مزالة مصدومة..گاعمة شافني..سمعتو نطق وقال : الواليدة زربي شوية..*وميمتيي مو واقفة حدا مي وشادة معاها الحديث..ناااري على زهر عندي اش داني نخرج..غبرت وجهي بالزيف وبقيت جالسة كيف الصنم ...
فهد: لمسكتيش غنسلخ مك. انا: ومييي أجي تسمعي قالك بغا يسلخك. فهد: تفوو على برهوشة. انا: وخويااا عفاااك دير بنصيحتي والله حتى غتندم ولا عرفتي شنو بلاما تزوج انتا گاع لمن غتخليني انا وماما مساااكن اهئ اهئ.. *بقيت تابعاه فرعت ليه راسوا بكثرة الهدرة ولكن والوووووو..وناااري غنتناسبوا مع داك الاستاذ تفووو محملااااهش...المهم تعشينا وجمعنا الطبلة ومشيت دخلت لبيتي نعست..صباح الحال نضت بكري مع داخلة عند داك الاستاذ وعرفتوا شنو معمر شي قمقوم شغل ليا بالي كثر منو هو...صليت ولبست وهزيت صاكي وخويا هو لي وصلني باللوطو حتى لقدام الجامعة.. فهد: وجمعي راسك وقرااي مزياان. انا: وااخة يالاه باااي. فهد: اجيي لهنا بلاتي.. *جبد من بزطاموا واحد خمسين درهم وعطاها ليا..واواواواو أش جااه هاذ النهار معمري خديتها من عندوا.. انا: اش كااين أ خويا؟ فهد: سيري بصحتك. انا: واش منرجعش ليك الصرف!! فهد: وعاااك سيري خرجي فحالك. *نقزت عليه بستوا فحناكوا بجووج.. انا: شتي انا كنحماااق علييك. فهد:ههه حتى انا يالااه سيري. *المهم هودت ومشيت دخلت الجامعة وانا فرحااانة..مشيت طليت على القاعة لقيتها مزال خاوية بقيت متكية على الحيط وكنبقشش في التيلي.. الاستاذ: زيدي دخلي ولا ياكما ناوية تبقاي هنا!! *خلعني تفوو..تلفتت ليه لقيتوا لابس ديك الطابلية وخاشي ايديه فجيابوا وداااير واحد التخنزيرة منعاودش ليكم كييف دااايرة😳..شفت فيه ودخلت..كنت غير انا بوحدي..ومنعرف مالو دخلني يخخ على زمر من الاحسن نولي نتعطل..جلست القدام وبقيت شادة التلفون .. الاستاذ: التلفون ممنوع داخل الفصل. *مجوبتوش لحتوا فصاكي وبقيت كندور فعينيا وهو جالس داير رجل على رجل وحاضيني..الله يستر باقي شوية وياكنلي بعينيه كيشوف فيا عاين باين..حتى انا درت ايدي على وجهي وجلست كنشوف فيه..هو كيشوف وانا كنشوف وحنا مخنزرين..القاعة عمرت وتقريبا كلشي دخل..داز شحال دالوقت وانا متبعة معاه حيت بان ليا غير حاضيني كيتسناني نسهى ولا ندير شي حاجة ويبدا فالموال ديالو..المهم داز الوقت وانا جالسة كنكتب وكنلعب برجليا فالهوى..اوى أسيادي ملقات رجلي فين تجي غير فوق رجل ديك المونيكة لي جالسة جنبي..بدااات تغوت.. المونيكة: أييييييييييي أش هاذ شي درتي؟؟ انا: بشوووية راك صمكتيني يخخ وثاني حاجة مشفتكش. المونيكة: كفااش مشفتينيش؟؟ نتي راك ضربتيني عن قصد. الاستاذ(بالغوات): سكتوناااا أش كااين نتي وياها ؟؟ المونيكة: أستااذ ضربتني على رجلي اهئ اهئ.. انا: الله يمسخك راني مشفتكش واصلا مقصحتكش مالكي كذااابة!!
