اسمي شهد عمري 19 سنه من سكنة بغداد يتيمه الاب ابويه قبل خمس سنوات توفة بمرض خبيث سفرنا هوايه دول للعلاج ودينا ارقى المستشفيات
rewayat_tomaتوما
لكن للاسف جان علاجه الوحيد بس الكيمياوي من بده ياخذة صار جسم ابوية نحيل كلش وضطربت حالته وصار مياكل ابد بدت صحته تتراجع اكثر من الاول
بدت عندة حالة النسيان مرت ايام وهوه هيج الى ان فديوم دخلت للغرفه لكيت ابويه ميت بفراشه اكعد بي ماكو اني مااوصفلكم شنو حالتي تخبلت و بوكتهه صارت عندي صدمه وفقدت النطق
اتهسترت لكن الحمدالله تحسنت وصارلي سنه من بديت احجي اماامي فجانت بس تملخ بهدومهه وشعرهه بدون متبجي وبقيت بس اني الهه واخويه مهيمن الي حاليا عمره 7سنوات بعد مرور سنه من وفات ابوية
بدت الديانه توكف بالباب وطالب نسددلهه الدين لان احنه جان عدنه خير من الله بس دفعنا العدنة والماعدنه لعلاج والدي الله يرحمه
اظطرت امي تبيع البيت الي هوه 75 متر باعته 60مليون وانطت فلوس للديانه مابقه عدنه فلوس حق بيت كل الي بقه عدنه 5ملايين
بعدهة كعدنه بلايجار وامي اشترت سياره بلفلوس ماعرف ياموديل وانطتهه السايق يشتغل بيهه وكل شهر ينطينه فلوس الشغل الحمدالله يكفينه دبرت حالتنه بيهن
بده الدوام وسجلنه مهيمن بلمدرسه
بدت حياتنه بعد ماجانت تعيسه بدت تتغير للاحسن رجعنه نضحك ونفرح الى ان بيوم الي يعتبر اتعس يوم مر بحياتي الي هوه يوم الاحد
rewayat_toma(توما
كعدت الصبح والابتسامه متفارق وجهي
اليوم اول يوم اداوم كليه لغات حلم حياتي
ام شهد : شهوده ماماتي كومي خلي نتريك علمود اخابر السايق يودي مهيمن للمدرسه وانتي للكليه يله ماماتي يله حبيبتي لتعبيني كعدني
شهد تكعد بكل سعاده ونشاط : تدللين من هاي عيني قبل هاي عيني يااحلا ام شابه بحياتي ههههه
ام شهد تضحك : عزة العزاج منين جبتيهه ام شابه يمعزايه متكعدين راحه يله حياتي كومي اني اروح احضرلكم الريوك
شهد تلزم ايد امهه : لالالالا اني اسوي الريوم انتي اكعدي وارتاحي ماريد منج بس ترتاحين
ام شهد تحضنهه : الله يوفقج وينطيج على نيتج وميبعدني عنج امين يارب
شهد تلطف الجو : يله حجيه لتهيجين المواجع بس اغسل واجي انتي روحي اني نازلة وراج
ام شهد : ماشي ماماتي استعجلي
غسلت ونزلت سويت ريوك وتريكنه وكمنه بدلنه اني
اني ومهيمن اتصلت امي على السايق واجه اخذنه
رحت دخلت ويه مهيمن للمدرسه وخليته بصفه وكتله لتخاف هيمون حبيبي اتعرف على اصدقاء.ولتبجي ماشي اخويه البطل
أنت تقرأ
آمـنت بنبض آلحب (مـگتمـله )
Losowe****&&&&&&&&&&&&&&&****** دوم لي حبيبا عاشقا وفيا لا تكن على طرف نقيظ فانا باشد الحاجة اليك اريدك لي لا علي صدقني لا تجعلني كاذبة فأنا احببتك وتمنيت ان لاتبعدك عني الدنيا فأنا رفيقه دربك اشاركك حزنك وفرحك لا تعاقبني على ذنبي فليس بليد حيله سامحني...
