آمـنت بنبض آلحب (مـگتمـله )

بداية غيره

ام يحيى : هااا هاااي هااي
ام وسام : اي هاي شمالج ماتحجين مني هاي
ام يحيى : مم هاي بت حماتي فضه عمة يحيى فضه ورجلهه سافرو الدبي وبقت ابنيتهه يمي تعرفون السنه مابقالهه شي وتبدي وشهد بنيتي تريد تكمل دراسه بالعراق ماقبلت اتسافر وضلت عدنه

rewayat_tomaبقلم توما
حنان تباوع على شهد بغيره : وانتي شدرسين
شهد
شهد : اني كليه لغات ادرس بس راح اترك هاي السنه على السنه الجديده اداوم

حنان تسئلهه : جا هسه تعرفين تحجين كلشي مو بس عراقي

شهد : بس انكليزي لان ممداومه حتى يعلموني الغات
حنان : احم وانتن امهات الكليات ملعبات
شهد : كلمن وتعكس اخلاقهة الي جايه تدرس والي جايه غير شي

يحيى : كافي حنونه تعاي خلي نسولف بعد امرج خالة ام وسام
ام وسام : اخذ راحتك جا غير خطيبتك وراح تصير مريتك
راحو يحيى وحنان يسولفون بالصاله
وام وسام وام يحيى كعدن بالستقبال
وبقت شهد بالمطبخ تسوي الغده

شهد : اوووي شكد لوكي يحيى
تقلد علي : تعااي حنونه انعل ابو حنونه هاي وشلون حجت وياي صخونه صخنتكم شلون ثنين طنجرة ولكت غطاهه
اجه يحيى الشهد
يحيى : شهد اذا ماتعبج سويلنه كيكه ورة الغده حنان اشتهتهه
شهد : ليش يمه حنان حامل تتنسه حتى اشتهت الكيك
يحيى : لا لج خطيه اجه على بالهه كيك
شهد : خطيه ؟ كوللهه ماعرف اسوي
يحيى : هسه صرتي متعرفين اوك سوي ماعون فواكه وجيبيلي
شهد : اي ماعرف اسوي وتريد فواكه ذيج الثلاجه وسوي اني ماعرف اكصص فواكه وصفطهن بالماعون
يحيى : هههههههه شبيج اليوم مطنكره
شهد : معليك ممطنكره ويله اطلع من المطبخ اريد اسوي اكل براحتي

اجتي حنان : تعاي حبيبي خليهه تطبخلنه براحتهه
شهد : لا حبي مطابختلج طابخه علمود خالتي ام يحيى
يحيى شاف الجو حمه بيناتهن كال
تعاي حنان امشي انصعد اغراضنه فوك

حنان : لا انه خلي اغراضي يم اغراضك
شهد تضحك : لا مو غرفته اني كاعده بيهه وغراضي صارت بالكنتور وماكو مجال لغراضج

حنان : جا ونتي ليش كاعده بغرفه يحيى ماكعدتي بالغرفه الفوك لو غرفه يحيى بيهه شكر

شهد : اي بيهه شكر وخالتي ام يحيى هيه كعدتني ويحيى هم قابل مو صحيح يحيى

يحيى : هسه كافي ترة دوختن راسي يله حنان روحي صعدي اغراضكم فوك وخلصيني

rewayat_tomaبقلم توما
حنان : هسه انه دوخت راسك هين يحيى
وزعلت وعافته وراحت

يحيى يحاجي شهد : هاي شنو تصرفاتج شبيج
شهد : شنو شبيه مبيه شي

يحيى : شهد انتي ليش حاسج تغارين من حنان
شهد : هههه من جمالهه اغار منهه بس هيه من البدايه اجاوزت عليه وفوكاهه معتذرت

يحيى : كافي شهد بعدهه توهه اجت وبدت المشاحنات بيناتجن

شهد : تكفيني شرهه ارتاح
يحيى : ماحاجيج هسه الله كريم اصبري