شهد بخوف تحاول تهدي يحيى : يحيى بس اعصابك اهدء
يحيى بعصبيه وعياط : كلت امشي طبي جوه يلااااا
دخلت شهد بالبيت بقت واكفه اباب الشارع
وتضرب بخدودهه
شهد : يمه اجبت الروحي مصيبه شورطني ورحت ساعه السوده
ام يحيى على صوت شهد اجتي تركض وياهه حنان وام وسام
ام يحيى : ها خير ياستار شكو
شهد تبجي : والله خاله اني مو رحت اجيب مهيمن من دكيت الباب طلعلي ولد وبقه يذبلي كلام محلو ويريد يتعرف ومدري شنو اني بس ردت يدخل يصيحلي مهيمن وهوه لزكلي بعدين يحيى اجاني يعيط وكال دخلي جوه يمكن سمع كلام الولد من حجه وياي
rewayat_tomaبقلمي توما
ام وسام : صخام الصخمج ماتخلين يحيى يتهنة ويه خطيبته لازم سويلج مصيبه
حنان سوي روحهه تبجي : شفتي يمه هاي مدري شمسويتله انه ويا فوك تعاركنه من وراهه وهسه هم يتعارك من وراهه هاي حيه من الله لايوفقج
شهد تبجي : ليش اني شسويت ليش هيجي تحجن عليه
ام يحيى : ولجن عوفن الحجي بعدين وخلنشوف المصيبه شيفظهه انه رايحه اليحيى وانتن كعدن وسكتن
باوعت على شهد وكالتلهه : حبيبه انتي روحي الغرفتج حته مااتعاركن
شهد : امرج خاله
اما من جهه اخرى
يحيى
انه من بعدما نزلت من وره حنان خنكتني ردت اجيب مي صحت على شهد تعبيلي الدولكه «تعرفوهه متعرفوهه مدري😂» صحت شهد شهد ماكو بعدين سئلت امي طلعت موديتهه الجوارينه تجيب مهيمن
اني هنا صرت نار لان ادري ام يوسف ابنهه الاغم عوينجي ومايخلي مره بحالهه شحال لو تجي برجلهه لا يجلب ومني التجي شهد وماادراك ماشهد هية من اسمهه شهد يعني عسل انه تسودنت عليهه من شصار بيه
رحت اشوفهه ومالكيت بس يوسف بالباب واكفه شهد قريبه علي وهوه يذبلهه حجي لا واشوف شعرهه نصه طالع من الحجاب انه تشعوطت منا يوسف والكلام اليذبه الهه صار بكلبي مثل السجاجين ومنا هيه شيب كلبي
رحت عطت بوجهه ودخلتهه جوه
ولزمت يوسف شبعته بوكسات على جلاليق على دفر طلعت ضيم كلبي كله بي زوركته اتزورك التمت الناس
علينه ويردون يفارغونه وانه مجلب بي ماهده اخر شي سحلو مني سحل وهديته بعدين طلعت امه تغلط وطلع ابو يغلط وانته ليش تسوي بأبني هيج وانته ماتستحي تتعده على جارك
كتله شوف انه ماكتلته بدون سبب ابنكم واحد ماعنده اخلاق وكلب وعلمو شلون يحجي ويه النسوان ومايتعدى على حرمه جاره انه زين مني ماسويهه
الكم كعده عشاير وفصول انه ماسويهه الخاطركم انتم اهلهه خوش ناس بس ابنكم ساق..... ماعنده شرف
كضو وضبو لا وكفيلك العباس ابو فاضل اسوي وصل وصل الكم
rewayat_tomaبقلمي توما
امه صاحت : هية هاي حق الجار عالجار
كتلهه : حاجي ابنكم خوش احترم حق الجار وشوفي خاله خلقة ابنج اذا شفتهه يم بابنه اجنزة اجنز
بعد ماكو يوميه مخلي جماعته الملطلطه وكاعد يم بيتنه
أنت تقرأ
آمـنت بنبض آلحب (مـگتمـله )
عشوائي****&&&&&&&&&&&&&&&****** دوم لي حبيبا عاشقا وفيا لا تكن على طرف نقيظ فانا باشد الحاجة اليك اريدك لي لا علي صدقني لا تجعلني كاذبة فأنا احببتك وتمنيت ان لاتبعدك عني الدنيا فأنا رفيقه دربك اشاركك حزنك وفرحك لا تعاقبني على ذنبي فليس بليد حيله سامحني...
