انا وبنات بلادي #جزائريات#

♥لفوندوتان♥

نهدرو اليوم على ا لفوندوتان بتفصيل ادق و شامل و باش يستفادو
اولا لازم تعرفو بلي كريم الاساس يتماشى مع كل نوع بشرة وانواع البشرة بزااااف (جافة/دهنية/عادية/مختلطة)
و لازم تعرفو تاني بلي لماكياج بلا فوندوتان ماهوش ماكياج ماشي جي وحدة تقولي اوووه انا جامي درتها و جامي نديرها -_- لفوندوتان تندار لاضهار جمال اكثر للبشرة ماشي لتغطية العيوب يعني تمدلي لبشرتك نضارة اكبر باش يبان فيها لماكياج شباب و موحد ماشي مخلط و مغنجق انا شخصيا نستعملها غير فالمناسبات و برا فالشتا ماندير والو و فالصيف ندير كريم ضد الشمس و للمبتدئات ننصحكم ب bb crème تاع ڨارنيي شباب ولا cc crème تاع فارماسي ملاح هادو لي نعرفهم و مجربتهم 👌
نولو لدرسنا الاساسي #لفوندوتان
⬅بالنسبة للبشرة الجافة: ننصحك تعالجيها بزيت اللوز فليل ديريه و تنوضي صباح داومي عليها رايحة ترطابلك خير و ماتوليش دير القشور ... و قبل ما ديري فوندوتان لازم لازم لازززززم ديري كريمة مرطبة لاززززززم خاصة هاد نوع تاع لبشرة .... اومبعد ديري فوندوتان fit me هي المخيرة لهاد نوع تغطي و تمدلك un effet naturel
و كاين تاني تاع بورجوا healthy mix تههههبل و زيد تغذي لبشرة مليح
و كاين تاني تاع بورجوا اسمها flower perfection. هااااايلة تاني ماتندموش عليهم
ملاحظة: اصحاب هاد نوع تاع لبشرة ننصحكم ماديروش لاپودغ رايحة توليلكم قشور الوغ ✖✖✖ ماديروش .
⬅بالنسبة للبشرة الدهنية: هاد نوع تاع لبشرة شوية صامط لانو تعرق و هداك لعرق مرات يسبب الحبوب لكن نمدلكم حيلة تخلي لمسامات يتغلقو و ماتعرقوش بزاف و يبقى لفوندوتان هايل ...قبل ماديرو لفوندوتان احكمو حبة ڨلاصون غطسوها في عصير ليمون (ملاحظة: لي بشرتها حساسة ماديرش ليمون)
اومبعد امسحو بيها وجهكم اومبعد ديرو لفوندوتان