انا وبنات بلادي #جزائريات#

♥نصائح للمتزوجات♥

مجموعة نصائح للكشرودات 

1-ديري في بالك يا جريندايزر

  اول حاجة اللي راكي في دار الناس يعني ماراكيش في دار باباك معناها طبايعك خليهم فداركم لعيانين حاجة باينة متبهدليناش مثلا العياط و الحس العالي يرحم باباك خلينا منو!!!!!!!!!!

2-- الحاجة لي تقلقني لي هي عروسة جديدة و دخل روحها في كلش يا كشرودة شدي سابعك و ريحي ترونكيل مثلا شفتيهم يحكو في موضوع ما يخصكش متمديش رايك حتى يسقسوك ومم كي يسقسوك ما تنطلقيش ضربة وحدة تقول شي رايحة ديري لاكورس نقسي فيتاس و منين داك ديري ستوب يعني بوز 

3- دايما كوني رزينة في وسط الجماعة خصوصا قدام عماتو خالاتو عمومو خوالو احكي مليح و متخلطيش و برك فالهدرة باش برك تباني لالالالالا ردي بالك يكرهوك من سمانتك اللولة
 
4- ضرك نحكي على اللي الله غالب عليها هي حشامة بزاف يا ختي نقولك نتي تاني رزانتك على العين و الراس مي ماشي حتى تولي ثقيلة و تباني كبيرة على ساحة الشهداء يعني ادخلي فالقسرة و اضحكي مع عجوزتك و لواساتك مشي حتى يكرهو منك و الغاشي يولي يتسائل من اي كوكب جيتي

5-نروحو نحكو على القيل و القال يا لالة متنسايش اللي نتي راكي جديدة ما تعرفي الصالح مالطالح في اللعايلة ديال راجلك مالا ماكاله تشدي كل كلمة يقولوهالك و ديريها في بالك و تعاودي ترديها و لا تواجهي بيها كاين ناس متخافش ربي الور اجي هادي تقولك انتي شابة على فلانة مثلا على سلفتك و لخرى تقولك نستعرف بيك محبوكش مي والله جيتي يالفحلة و الي جيبلك هدرة على لوستك و لا عجوزتك ردي بالك هادو يسموهم خرابين لبيوت انتي ما جيتي تلقاي مسود السعد بسيف ههههه

*عندي نقطة نحكيلك عليها حلي عينك مالدصارة بالاكي تم بالاكي هاد الدصارة تلحقك للخسارة مع اللول